पाकिस्तानला या नेत्याने सुनावलं, काश्मीर तुमचे आहे असं कुठ लिहलंय?
जम्मू-काश्मीर भारताचा अविभाज्य भाग आहे. यावर कोणीही शंका घेऊ शकत नाही. दरम्यान, काश्मीर मुद्द्यावर आता पाकव्याप्त काश्मिरात पुन्हा आवाज उठू लागलाय. पाकव्याप्त काश्मिरमधील नेत्यांनी पाकिस्तानला खडे बोल सुनावलेत.
)
नवी दिल्ली : जम्मू-काश्मीर भारताचा अविभाज्य भाग आहे. यावर कोणीही शंका घेऊ शकत नाही. दरम्यान, काश्मीर मुद्द्यावर आता पाकव्याप्त काश्मिरात पुन्हा आवाज उठू लागलाय. पाकव्याप्त काश्मिरमधील नेत्यांनी पाकिस्तानला खडे बोल सुनावलेत.
पाकिस्तानला खडा सवाल
पाकव्याप्त काश्मीरमधील तौकीर गिलानी या बंडखोर नेत्याने पाकिस्तानला खडा सवाल केलाय. त्यामुळे पाकिस्तानचा खोटारडेपणा पुन्हा एकदा उघड झालाय. या नेत्याने पाकिस्तानचा दावा खोडून काढलाय.
पाकिस्तानचा बुरखा फाडला
काश्मीर तुमचा आहे असे कोठे लिहले आहे. हा पाकिस्तानातील मुस्लिम काँन्फरन्सचा खोटा प्रचार आहे. ज्याला कसलाही आधार नाही. आमच्या शौचालयांवरही हेच लोक काश्मीर पाकिस्तानचा होणार असे लिहितात, असे सांगत तौकीर गिलानीने पाकिस्तानचा बुरखा फाडून काढला.
मीरवाईज उमर फारुख आणि सज्जाद लोनच्या वडिलांच्या हत्येमागे पाकिस्तानचा हात आहे. या व्यतिरिक्त लिबरेशन फ्रंटच्या मारल्या गेलेल्या ६५० लोकांच्या मृत्यूला जबाबदार असलेल्या जिहादींना पाकिस्ताननेच समर्थन दिले आहे, थेट आरोप तौकीर गिलानी या नेत्याने केलाय.
Where is it written that Kashmir is Pakistan's? No agreement says so. This is non-sense & is a propaganda by Muslim Conference & their paid stooges. Even on our bathroom doors they have written 'Kashmir banega Pakistan': PoK leader Tauqeer Gilani in Muzaffarabad, PoK pic.twitter.com/JKjcYp5qUh
— ANI (@ANI) November 25, 2017
मूर्खपणाचा कळस
पाक तथाकथित स्वातंत्र सैनिकांच्या अंत्यसंस्कारासाठी ३० हजार रुपयांची मदतही करतो, हा दिखावूपणा असून तो एक निव्वळ मूर्खपणाचा कळस आहे. हेच पाकिस्तानी लोक टीव्हीवर काश्मिरींना नमक हराम असल्याचे हिणवतात, अशा शब्दात तौकीर गिलानीने पाकिस्तानवर हल्लाबोल केला.