भारतात दाखल होणार रशियाच्या Sputnik V लसीची दुसरी खेप

रशियाची ही लस भारतात सुरू असलेल्या लसीकरणाच्या तिसऱ्या टप्प्यात खूप मदत करेल. 

Updated: May 13, 2021, 05:28 PM IST
भारतात दाखल होणार रशियाच्या Sputnik V लसीची दुसरी खेप

नवी दिल्ली : भारतात लवकरच रशियाची स्पुतनिक व्ही लसची दुसरी खेप पोहोचणार आहे. मॉस्को येथील भारतीय राजदूत बाला वेंकटेश वर्मा यांच्या मते, उद्या शुक्रवारी रशियाने विकसित केलेल्या या लसीचे दीड ते दोन लाख डोस भारताला मिळतील. रेडडी लॅबला ही लस आयात करण्यासंदर्भात ड्रग कंट्रोलर जनरल ऑफ इंडियाने मान्यता दिली आहे. आपत्कालीन स्थितीत वापरण्यासाठी भारताने यापूर्वीच परवानगी दिली आहे. 

रशियाची ही लस भारतात सुरू असलेल्या लसीकरणाच्या तिसऱ्या टप्प्यात खूप मदत करेल. असा विश्वास आहे की यामुळे कोरोना संसर्ग रोखण्यास मदत होईल.

स्पुतनिक-व्ही ही भारत सरकारकडून वापरण्यास देण्यात आलेली तिसरी लस आहे. तत्पूर्वी, सरकारने कोविशिल्ड आणि कोवाक्सिन वापरण्यास परवानगी दिली. भारत बायोटेकची कोविशील्ड सीरम इन्स्टिट्यूटमध्ये विकसित केली गेली आहे. महत्त्वाचे म्हणजे स्पुतनिक व्ही लसची पहिली खेप या महिन्याच्या सुरूवातीस रशियाकडून पाठविली गेली होते.

रशियन सोव्हरान वेल्थ फंडच्या प्रमुखांनी अशी आशा व्यक्त केली होती की ही, लस भारतात सुरू असलेल्या लसीकरणाला बळकट करेल. भारतातील वाढत्या संसर्गाची गती रोखण्यासाठी हे प्रभावी ठरेल अशीही त्यांनी आशा व्यक्त केली.

फेब्रुवारीपासून कोरोना संसर्गाच्या दुसर्‍या लाटेला भारत तोंड देत आहे. गेल्या आठवड्यात सलग चार दिवस देशात 4 लाखाहून अधिक प्रकरणे नोंदवली गेली. यानंतर, सलग दोन दिवस रुगणसंख्या 4 लाखांपेक्षा कमी झाली. या आधारे, डॉक्टर असे मानत आहेत की देशातील कोरोना संक्रमणाच्या दुसर्‍या लाटेची उच्च पातळी आता गाठली आहे. तज्ञांचा असा विश्वास आहे की आता देशात कोरोनाच्या नवीन प्रकरणांमध्ये सातत्याने घट होणार आहे.