फ्रीजमध्ये ठेवलेले अन्न किती तासानंतर खाऊ नये, पाहा कोणता खाद्यपदार्थ किती काळ सुरक्षित राहतो?

मुंबई : आपण सर्वजण अनेक खाद्यपदार्थ सुरक्षित आणि टिकून राहण्यासाठी बरेचदा फ्रीजमध्ये (Fridge) ठेवतो. फ्रीजमध्ये  अन्न (Food) किती काळ ठेवावे आणि त्याचा वापर कधी करावा हे आपल्याला माहित नसते. फ्रीजमधील ठेवलेले अन्न आपल्याला नुकसान तर नाही ना पोहोचवत, हे पाहिले पाहिजे. तसेच ते किती काळ सुरक्षित असते, याचाही विचार केला पाहिजे.

बर्‍याच दिवसानंतर फ्रीजमध्ये ठेवलेले अन्न खाल्ल्यास अनेक आजार उद्भवू शकतात. अशा परिस्थितीत आपण फ्रीजमध्ये ठेवलेले अन्न पुन्हा गरम केले पाहिजे आणि ते लवकरात लवकर खावे याची आपण विशेष काळजी घेतली पाहिजे. जेणेकरून ते आपल्या आरोग्यास हानी पोहोचवू शकत नाही.

डाळ (आमटी)

जर खाण्यामध्ये डाळ (आमटी) शिल्लक राहिली असेल आणि ती खराब होऊ नये यासाठी आपण फ्रीजमध्ये ठेवली असेल तर 2 दिवसांच्या आत त्याचे सेवन करा. 2 दिवसानंतर फ्रीजमध्ये ठेवलेल्या मसूरचे सेवन केल्यावर पोटात गॅस बनण्यास सुरुवात होते.

भात

फ्रीजमध्ये ठेवलेला भात 2 दिवसांच्या आत खावा. फ्रिजमध्ये ठेवलेला भात खाण्यापूर्वी त्यास गरम केला पाहिजे. त्यानंतरच तो खावा. अन्यथा त्रास जाणवू शकतो. याची काळजी घ्या.

भाज्या आणि शिजविलेले अन्न

बर्‍याचदा लोक फ्रीजच्या एकाच कप्प्यात कच्च्या भाज्यांबरोबर शिजविलेले अन्न ठेवतात. असे केल्याने बॅक्टेरिया फ्रीजमध्ये वाढू लागतात आणि अन्न लवकर खराब होऊ शकते. भांडी झाकून ठेवलेल्या कच्च्या आणि शिजवलेल्या अन्नाला वेगळ्या शेल्फमध्ये ठेवा. असे केल्याने, कच्च्या अन्नाचे बॅक्टेरिया शिजविलेले अन्न दूषित करण्यास सक्षम नाहीत. आपण शिजवलेले अन्न स्टीलच्या टिफिनमध्ये ठेवले तर उत्तम.

सफरचंद

सफरचंद कापल्यानंतर ते शक्य तितक्या लवकर खाण्याचा प्रयत्न करा. तसे नसल्यास त्यामध्ये ऑक्सिडेशन होण्यास सुरुवात होते आणि वरचा थर काळा होऊ लागतो. तथापि, यात कोणतेही विशेष हानी नाही. तरीही, सफरचंद कापल्यानंतर ते 4 तासांत खाणे चांगले. हे लक्षात घेण्यासारखे आहे की कापल्यानंतर 6 ते 8 तासांनंतर कोणतेही फळ खाऊ नये.

चपाती

जर तुम्ही गव्हाची चपाती फ्रीजमध्ये ठेवत असाल तर ते 12 ते 14 तासांच्या आत खा. अन्यथा त्याचे पौष्टिकता कमी होते. तसेच, यामुळे आपल्यास पोटदुखी देखील होऊ शकते.