Maharashtra Breaking News LIVE Updates : राज्यभरातील शिवसेना UBTच्या कार्यकर्त्यांनी शिवसेनेत प्रवेश केला. पालघर, मुरबाड, नवी मुंबई, धुळे, बीड, परभणी जिल्ह्यतल्या शिवसेना UBTच्या कार्यकर्त्यांनी शिवसेनेत प्रवेश केला. उपमुख्यमंत्री एकनाथ शिंदे यांच्या उपस्थितीत त्यांचा पक्षप्रवेश झाला.
महाराष्ट्रात या सर्व घडामोडी घडत असतानाच आठवड्याच्या सुरुवातीला आता बीड सरपंच हत्या प्रकरणात आणखी कोणत्या घटना लक्ष वेधणार, या संदर्भातील सर्व अपडेट एका क्लिकवर...
6 Jan 2025, 14:57 वाजता
उपमुख्यमंत्र्यांना धमकी देणाऱ्याला 24 तासाच्या आत घेतलं ताब्यात
उपमुख्यमंत्री एकनाथ शिंदे यांना सोशल मीडियाच्या माध्यमातून धमकी देत व्हिडिओ व्हायरल करणाऱ्या हितेश प्रकाश धेंडे याला 24 तासाचा आत ठाणे पोलिसांनी ताब्यात घेतलं. हितेश प्रकाश धेंडे असे इंस्टाग्राम व्हिडिओ मार्फत धमकी देणाऱ्या तरुणाचे नाव असून मुंबई येथून ताब्यात घेतले.काही वेळातच आरोपी हितेश धेंडेला श्रीनगर पोलीस ठाण्यात घेऊन येत आहेत.
6 Jan 2025, 14:16 वाजता
बाबा सिद्दीकी हत्या प्रकरणात आरोपपत्र दाखल
बाबा सिद्दीकी हत्या प्रकरणात आरोपपत्र दाखल झाले आहे. मुंबई पोलिसांच्या गुन्हे शाखेने आरोपपत्र दाखल केले. 4590 पानांचे आरोपत्र दाखल करण्यात आले आहे. यात 26 आरोपींना अटक केली असून 3 फरार आरोपींच्याविरोधात गुन्हे शाखेने आरोपपत्र दाखल केल. या गुन्ह्यात मोक्काअंतर्गत कारवाई करण्यात आली होती.
6 Jan 2025, 13:44 वाजता
मुंबईत ताज हॉटेलच्या बाहेर 2 संशयित गाड्या सापडल्या
मुंबईत ताज हॉटेलच्या बाहेर 2 संशयित गाड्या सापडल्या. दोन्ही गाड्या सेम मॉडेलच्या असून हॉटेल गेटच्या आत होत्या. पोलीस याप्रकरणी चौकशी करत आहेत.
6 Jan 2025, 13:25 वाजता
महाकुंभ मेळाव्यावर HMPV व्हायरसचं सावट
महाकुंभ मेळाव्यावर HMPV व्हायरसचं सावट. कुंभ मेळाव्यातील महंतांनी पंतप्रधान नरेंद्र मोदी यांना लिहिलं पत्र. चीन मधून येणाऱ्या भाविक, नागरिक, पर्यटकांवर बंदी घालण्याची मागणी. 12 जानेवारीपासून प्रयागराज इथं महाकुंभ मेळावा सुरु होत आहे. मोठ्या प्रमाणात भावीक या ठिकाणी येणार असल्यानं खबरदारी म्हणून लिहिलं पत्र लिहिल्याची माहिती.
6 Jan 2025, 13:09 वाजता
कुणाचातरी राजीनामा घेऊन मला मंत्री व्हायचं नाही- छगन भुजबळ
कुणाचातरी राजीनामा घेऊन मंत्र मला मंत्री व्हायचं नाही. मुंडेंच्या राजीनाम्याची मागणी भुजबळांना अमान्य. बीड प्रकरणात जे दोषी सापडतील त्यांच्यावर कारवाई होणार, चौकशी आधीच मुंडेंचा राजीनामा का मागितला जातोय? असा सवाल करत आपली मुख्यमंत्र्यांशी कोणत्याही मुद्द्यावर चर्चा झाली नसल्याचं भुजबळांनी स्पष्ट केलं.
6 Jan 2025, 12:47 वाजता
HMPV : चीनमधून येणाऱ्या प्रवाशांवर नजर; भारत कशी घेणार काळजी?
चीनच्या आरोग्य विभागाने हिवाळ्यात नव्या व्हायरसचा प्रकोप झाल्याचं अधिकृतपणे जाहीर केलं आहे. चीनमध्ये HMPV व्हायरसने थैमान घातला आहे. असं असताना चीनमध्ये जाणे किती सुरक्षित आहे. तसेच चीनमधून येणाऱ्या प्रवाशांबाबत सरकारने काय घेतला निर्णय?
सविस्तर बातमीसाठी येथे क्लिक करा.
6 Jan 2025, 12:45 वाजता
HMPV ची भारतात एन्ट्री; बंगळुरुतील 3 आणि 8 महिन्यांच्या दोन चिमुकलींना लागण
HMPV Virus India : चीनमधील HMPV व्हायरसची भारतात एन्ट्री झाली आहे. HMPVचा भारतात पहिला रुग्ण आढळला आहे. HMPV व्हायरसने चीनमध्ये थैमान घातलं आहे. या पार्श्वभूमीवर महाराष्ट्र सरकारने महत्त्वाचे नियम देखील लागू केले आहेत.
सविस्तर बातमीसाठी येथे क्लिक करा.
6 Jan 2025, 12:38 वाजता
वातावरण बदलाचा ज्वारीच्या पिकाला फटका
गेली काही दिवस उत्तर पुणे जिल्ह्यात पडलेलं ढगाळ हवामान आणि अचानक वाढलेली थंडी बदलत्या हवामानाचा ज्वारी पिकाला फटका बसलाय, ज्वारीच्या पिकावरती चिकटा मावा सारख्या रोगाचा प्रादुर्भाव वाढलाय त्यामुळे ज्वारी उत्पादक शेतकऱ्यांची डोकेदुखी वाढली असून याचा उत्पन्नावरती परिणाम होणार आहे.
6 Jan 2025, 12:35 वाजता
अल्पवयीन मुलीचा विनयभंग करणाऱ्या आरोपीला दोन दिवसाची पोलीस कोठडी
अकोला शहरातील खदान पोलिस स्टेशन हद्दीतील रहिवासी असलेल्या एका 13 वर्षीय अल्पवयीन मुलीचा विनयभंग करण्यात आल्याची घटना घडली होती. घटनेतील आरोपीला पोलिसांनी अटक केली असून पोक्सो कायद्यानुसार आरोपीविरुद्ध कारवाई करण्यात आलीय. तर आरोपीला दोन दिवसाची पोलिस कोठडी न्यायालयाने सुनावली आहेय. आरोपी युवक मुलीचा पाठलाग करुन तिला त्रास देत होता एका रात्री आरोपीने चाकूचा धाक दाखवून मुलीचा विनयभंग केला होता.
6 Jan 2025, 12:08 वाजता
'धनंजय मुंडेंचा राजीनामा घ्या' सर्वपक्षीय शिष्टमंडळाची मागणी
सर्वपक्षीय शिष्टमंडळाने घेतली राज्यपालांची भेट. संतोष देशमुख हत्येप्रकरणी सर्वपक्षीय शिष्टमंडळाने 'चौकशी होईपर्यंत धनंजय मुंडेंचा राजीनामा घ्या' अशी मागणी राज्यपालांकडे केली. वाल्मिक कराडवर कलम 302 लावण्याची मागणीही यावेळी त्यांनी केली.
