चुकीचं इंजेक्शन दिल्याने दोन बालकांचा मृत्यू

www.24taas.com, झी मीडिया, नवी दिल्ली
डॉक्टरची चूक दोन बालकांच्या जीवावर बेतली. हा प्रकार यवतमाळमध्ये घडलाय. या घटनेनंतर संतप्त नातेवाईकांनी डॉक्टरला मारहाण केल्याने हॉस्पीटलमध्ये तणावाचे वातावरण होते.
यवतमाळमध्ये एका डॉक्टरच्या हलगर्जीपणामुळे दोन बालकं दगावलीयत. चुकीचं इंजेक्शन दिल्यामुळे कुंदन राठोड, प्रथमेश बीबेकर या दोन बालकांना आपला जीव गमवावा लागलाय.
डॉ. संजीव जोशी यांच्या रुग्णालयात ही घटना घडलीय. बालकं दगावल्यानंतर नातेवाईकांनी डॉक्टरना मारहाण केली त्यामुळे चिरायू क्रिटिकेअर रुग्णालयात तणाव निर्माण झाला होता.