`जातीनिहाय रॅली काढाल तर याद राखा`

www.24taas.com,झी मीडिया, लखनऊ
उत्तरप्रदेशात जातीनिहाय रॅलीज नकोत असा आदेश उच्च न्यायालयाने दिला. जातीनिहाय रॅलीज सुरू आहेत त्या तातडीने थांबवण्यात याव्यात असा आदेश अलाहाबाद उच्च न्यायालयाने दिलाय.
केंद्र, राज्यसरकार तसंच चार महत्त्वाच्या राजकीय पक्षांना याबाबत नोटीसही पाठवण्यात आलीय. बसपाने नुकतंच ४० जिल्ह्यात ब्राह्मण भाईचारा संमेलनाचं आयोजन केलं होतं. त्यातल्या एकाला मायावती उपस्थित होत्या. त्यावरून मोतीलाल यादव यांनी जनहीत याचिका दाखल केली होती.