मनसे नगरसेवकाला मारहाण भोवणार

www.24taas.com, झी मीडिया, मुंबई
महापालिकेतील दूरसंचार अभियंता राजेश राठोड मारहाणप्रकरणी मनसे नगरसेवक गिरीश धानुरकरांना मारहाण भोवणार अशी चिन्ह आहेत...मारहाण प्रकरणी मनसे नगरसेवक गिरीश धानुरकरांना महापालिका आयुक्त सीताराम कुंटेंनी धानुरकरांना नोटीस पाठवलीय. त्यामध्ये आपल्याला अपात्र का ठरवू नये असा सवाल विचारलाय. धानुरकरांवर कारवाई करण्यासाठी विधी विभागानं परवानगी दिल्यानंतर ही नोटीस पाठवण्यात आलीय.
महापालिका आयुक्त राज्य सरकारकडे धानुरकरांच्या अपात्रतेचा प्रस्ताव पाठवणारेत. १ ऑगस्ट २०१३ ला गिरीश धानुरकरांनी अभियंत्यास मारहाण केली होती. मारहाण प्रकरणी कारवाई झाल्यास धानुरकर महापालिकेतील कारवाई झालेले पहिलेच नगरसेवक ठरतील.