नयना पुजारीच्या हत्याऱ्याला अखेर अटक!

www.24taas.com, झी मीडिया, पुणे
२००९ साली पुण्यातल्या नयना पुजारी सामुहिक बलात्कार आणि हत्या प्रकरणातला आरोपी योगेश राऊतला गुन्हे शाखेने नगर जिल्ह्यातून अटक केलीय.
नयना एक सॉफ्टवेअर इंजिनीअर होती. ७ ऑक्टोबर २००९ ला चार नराधमांनी नयनावर पाशवी बलात्कार करून अतिशय निघृण पद्धतीने तिचा खून केला. लिफ्ट देण्याच्या बहाण्यानं त्यांनी तिचं अपहरण केलं आणि त्यानंतर नैनावर बलात्कार करून तिची हत्या केली. महेश ठाकूर, योगेश राऊत, राजू चौधरी आणि विश्वास कदम या चौघांना पोलिसांनी याप्रकरणी अटक केली. मात्र योगेश राऊत हा आरोपी १८ सप्टेंबर २०११ रोजी पोलिसांच्या अटकेत असतानाच पुण्याच्या ससून रूग्णालयातून पळाला होता.
योगेश राऊत हा सराईत गुन्हेगार आहे. त्याने आणि त्याच्या सहकाऱ्यांनी अशाच प्रकारे आणखी एका महिलेवर बलात्कार करून तिचा खून केल्याचं त्याच्या नार्को टेस्ट मध्ये उघड झालं होतं.