हुआवेई असेंडचा पातळ एन्ड्रॉईड स्मार्टफोन

www.24taas.com, झी मीडिया, नवी दिल्ली
हुआवेईने सर्वात कमी जाडीचा स्मार्टफोन बाजारात आणला आहे. एन्ड्रॉईड मोबाईल असेंड पी ६ हा जगातील सर्वात पातळ फोन बाजारात आणलाय.
हुआवेई असेंड पी ६ हा ६.१८ मीमी मोठा तर याची स्क्रिन ४.७ डिस्प्ले आहे. हा मोबाईल तीन रंगात आहे. काळा, पांढरा आणि गुलाबी अशा रंगात असणार आहे. चीनच्या टेलिकम्युनिकेन्शस कंपनी हुआवेईचा हा मोबाईल अॅप्पलच्या आयफोन-५ आणि अल्काटेलचा वन आयडियल अल्ट्रा यांच्यापेक्षा कमी जाडीचा आहे. या दोन्ही फोनपेक्षा याचे वजन जास्त आहे. बॅटरीसह या मोबाईलचे वजन १२० ग्रॅम आहे.
१.५ जीएचझेची कोर प्रोसेसर वापरून यांची मेमरी ८ जीबीपर्यंत वाढवता येते. त्यामुळे मोबाईलची मेमरी ३२ जीबीपर्यंत होते. हा फोन एन्ड्रॉईडच्या ४.२.२ जेलीबिन ऑपरेटिंग सिस्ट०मवर चालतो. या फोनला पुढचा ५ मेगापिक्सेल कॅमेरा आहे. त्यामुळे तुम्ही तुमचा फोटो काढू शकता.