‘लेटलतिफां’ना गुलाबपुष्पाची भेट!

www.24taas.com, झी मीडिया, कल्याण
कल्याण डोंबिवली महापालिकेच्या ‘लेट-लतीफ’ आणि सुस्त कर्मचाऱ्यांना उपमहापौर आणि सेनेच्या गटनेत्यांनी गांधीगिरीनं चांगलाच धडा शिकवलाय.
कामाच्या वेळी हजर न राहता आरामात उशिरा ऑफिसमध्ये पोहचणाऱ्या कर्मचाऱ्यांना या कार्यकर्त्यांनी गुलाबाची पुष्प दिली. त्यामुळे या लेट-लतीफांनाही आश्चर्य वाटलं. कल्याण-डोंबिवली महापालिकेचं कामकाज सकाळी साडे नऊ ते पावणे दहाच्या दरम्यान सुरु होतं. परंतु, कर्मचारी खुश्शाल साडे दहा किंवा अकराला येतात. साहजिकच नागरिकांना त्याचा त्रास होतो, त्यांची कामं खोळंबतात.