Chanakya Niti: रागाच्या भरात 'या चार लोकांशी चुकूनही भांडू नका, नाहीतर...

Chanakya Niti:  आचार्य चाणक्यांनी आपल्या चाणक्य धोरणात अनेक महत्त्वाच्या गोष्टी सांगितल्या आहेत. ज्या आपल्याला जीवनात जगण्याचा योग्य मार्ग शिकवतात. राग येणे हा प्रत्येकाचा स्वभाव असतो. पण अनेक वेळा चुकीच्या वेळी आणि चुकीच्या ठिकाणी आलेला राग सर्व काम बिघडू शकतो. रागावलेला माणूस कुणालाही वाईट बोलायला मागेपुढे पाहत नाही. पण जेव्हा राग शांत होतो तेव्हा आपल्याला आपल्या कृतीचा पश्चाताप होतो. अशा स्थितीत आचार्य चाणक्य यांची धोरणेच सर्वोत्तम मार्गदर्शक ठरू शकतात. चाणक्य धोरणानुसार, काही लोकांशी कधीही भांडण करू नका, अन्यथा तुम्हाला भविष्यात अडचणीचा सामना करावा लागू शकतो. 

मूर्ख माणसाशी भांडू नका

जेव्हा तुम्ही रागावता तेव्हा मूर्ख व्यक्तीशी कधीही वाद घालू नका. कारण मुर्ख लोकांशी वाद घालणे म्हणजे म्हशीसमोर सनई वाजवण्यासारखे आहे. मूर्ख लोक स्वतःच्या बोलण्याला महत्त्व देतात आणि इतरांचे ऐकत नाहीत. अशा वेळी त्यांच्याशी वाद घालून तुमचा मौल्यवान वेळ वाया घालवू नका. नाहीतर तुमच्या रागात आणखी भर पडू शकते..

वाचा: 'दृश्यम 2' चा दिग्दर्शक अडकला लग्नबंधनात, गोव्यात पार पडला शाही विवाहसोहळा

मित्रांशी भांडू नका

मित्रांमध्ये कधी दुरावा निर्माण झाला तर ते निवांत बसून सोडवणे शहाणपणाचे आहे. मैत्रीचं नातं खूप खास आणि महत्त्वाचं असतं. म्हणूनच मित्रांशी कधीही भांडण करू नये. कारण बर्‍याच वेळा तुम्ही अशा गोष्टी मित्रासोबत शेअर करता ज्या तुम्ही इतर कोणालाही सांगू शकत नाही. अशा परिस्थितीत, भांडण झाल्यास, तो मित्र आपले शब्द इतरांना सांगू शकतो.

नातेवाईकांशी भांडू नका

चाणक्य नीतीनुसार, नातेवाईकांशी रागाच्या भरात भांडणे चुकीचे आहे. नातेवाईक अडीअडचणीला कामात येतात. अशात जर तुम्ही त्यांच्याशी भांडलात तर तुम्ही चांगले नातेवाईक गमवून बसाल. 

गुरूशी वाद घालू नका

गुरूला आपण देवाचा दर्जा देतो. प्रत्येकाच्या जीवनात गुरूचे महत्त्वाचे स्थान असते. कोणत्याही व्यक्तीला समोर नेण्याचं काम गुरू करत असतात. त्यामुळे चुकूनही गुरूंचा अपमान करू नका. असे केल्यास तुम्ही ज्ञानापासून वंचित व्हाल. 

(Disclaimer: येथे दिलेली सर्व माहिती सामाजिक आणि धार्मिक श्रद्धांवर आधारित आहे. Zee 24 Taas  याची पुष्टी करत नाही.)