Mahalaxmi Vrat : या दिवसापासून महालक्ष्मी व्रत, जाणून घ्या 16 दिवसांच्या उपवासाचे महत्त्व

मुंबई : Mahalaxmi Vrat 2022 : देवी लक्ष्मीचा आशीर्वाद मिळविण्यासाठी महिला महालक्ष्मीचे व्रत करतात. या वेळी ते 3 सप्टेंबरपासून हे व्रत सुरु होणार आहे. हे व्रत केल्याने घरात कधीही पैशाची कमतरता भासत नाही.

माता लक्ष्मीची कृपा आपल्यावर राहावी अशी प्रत्येक व्यक्तीची इच्छा असते. त्यासाठी पूजेपासून ते पठणापर्यंत सर्व प्रकारचे प्रयत्न तो करतो. महालक्ष्मी व्रताने माता लक्ष्मीचा आशीर्वाद मिळतो. हे व्रत 16 दिवस ठेवले जाते. या 16 दिवसांसाठी महिला उपवास ठेवतात आणि मनापासून देवी लक्ष्मीची पूजा करतात. 16 दिवसांचे हे व्रत फार फलदायी असल्याचे मानले जाते. असे केल्याने देवी लक्ष्मी प्रसन्न होते आणि कधीही पैशाची चणचण भासत नाही. 

या दिवसापासून व्रत सुरु

भाद्रपदाच्या शुक्ल पक्षातील अष्टमी तिथीपासून महालक्ष्मी व्रत सुरु होते. हे व्रत 16 दिवस ठेवले जाते. यावेळी भाद्रपदाच्या शुक्ल पक्षाची अष्टमी तिथी 3 सप्टेंबरपासून सुरु होईल. हे व्रत आश्विन महिन्यातील कृष्ण पक्षातील अष्टमी तिथीला म्हणजेच 17 सप्टेंबर रोजी समाप्त होईल.

व्रत करण्यासाठी ही वेळ महत्वाची

यावेळी भाद्रपद शुक्ल अष्टमी तिथी 3 सप्टेंबर रोजी दुपारी 12.28 पासून सुरु होईल आणि 4 सप्टेंबर रोजी सकाळी 10.39 वाजता समाप्त होईल. अशा स्थितीत उदयतिथीचे दर्शन घेऊन 4 सप्टेंबरपासून महालक्ष्मी व्रत ठेवण्यात येणार आहे.

उपवासाची आख्यायिका

महालक्ष्मी व्रत करण्यामागे एक आख्यायिका सांगितली जाते. महाराजा जीउत यांना मूलबाळ नव्हते. त्यांनी माँ लक्ष्मीचे ध्यान केले, त्यानंतर माता लक्ष्मी स्वप्नात प्रकट झाली आणि 16 दिवस उपवास करण्याविषयी बोलली. लक्ष्मीला स्वप्नात पाहिल्यानंतर महाराजांनी तेच केले. असे म्हणतात की, व्रत केल्यानंतर त्यांना अपत्य प्राप्त झाले, तेव्हापासून ही परंपरा सुरु आहे.

(Disclaimer: येथे दिलेली माहिती सामान्य माहितीवर आधारित आहे. त्यामुळे  ZEE 24TAAS याची पुष्टी करत नाही.)