तब्बल 8 वर्षांनंतर T20 World Cup मध्ये 'हा' बलाढ्य संघ भारताशी भिडणार, नाव जाणून तुम्हाला आश्चर्य वाटेल

T20 World Cup 2022 Team India : टी20 वर्ल्ड कपमध्ये (t20 World Cup) आज टीम इंडियाचा (team india) तिसरा टी20 सामना दक्षिण आफ्रिकेशी (South Africa) होणार आहे. T20 World Cup 2022 मधील टीम इंडियाची कामगिरी आतापर्यंत चांगली राहिली आहे. या संघाने सुरुवातीचे दोन्ही सामने जिंकून उपांत्य फेरीच्या दिशेने वाटचाल केली आहे. टीम इंडिया सुपर-12 मध्ये तिसरा सामना पर्थमध्ये होणार आहे. जर टीम इंडियाने हा सामना जिंकला तर उपांत्य फेरीत जाऊ शकतात. हा सामना भारतीय वेळेनुसार दुपारी साडेचार वाजता खेळला जाईल.

8 वर्षांनंतर आमने-सामने

2022 च्या T20 विश्वचषकात टीम इंडिया (Team India) तिसरा सामना दक्षिण आफ्रिकेविरुद्ध (South Africa) खेळणार आहे. दोन्ही संघ 8 वर्षांनंतर T20 विश्वचषकात आमनेसामने येणार आहेत. T20 विश्वचषकात उभय संघांमध्ये शेवटचा सामना 2014 साली झाला होता. तर टी-20 विश्‍वचषक 2022 मध्‍ये दोन्ही संघांनी एकही सामना गमावला नाही. त्यामुळे क्रिकेट चाहत्यांना एक शानदार सामना पाहायला मिळेल.

टीम इंडियाने जास्त सामने जिंकले

T20 वर्ल्ड कपमध्ये (t20 world cup) भारत आणि दक्षिण आफ्रिका  (South Africa)  यांच्यात एकूण 5 सामने खेळले गेले आहेत. या सामन्यांपैकी टीम इंडियाने 4 सामने जिंकले आहेत. तर दक्षिण आफ्रिकेच्या संघाने फक्त एकच सामना जिंकला आहे. या स्पर्धेपूर्वी दोन्ही संघांमध्ये 3 सामन्यांची टी-20 मालिकाही खेळली गेली होती. ही मालिकाही टीम इंडियाच्या नावावर होती.

पावसामुळे सामना रद्द होऊ शकतो

भारत आणि दक्षिण आफ्रिका (Ind vs SA) यांच्यातील या सामन्यात पावसामुळे व्यत्यय येऊ शकतो. हवामान अंदाजानुसार, (weather update) पावसाची शक्यता 30% आहे. हा सामना पर्थच्या वेळेनुसार संध्याकाळी 7 वाजल्यापासून खेळवला जाईल. मात्र दुपारी 2 ते 5 वाजेपर्यंत पावसाचा अंदाज आहे.

T20 विश्वचषकासाठी भारत आणि दक्षिण आफ्रिका संघ:

भारतीय संघ: रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (विश्‍व के.), दिनेश कार्तिक (विश्‍व के), हार्दिक पंड्या, आर.के. अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग, मोहम्मद शमी.

स्टँडबाय खेळाडू: श्रेयस अय्यर, रवी बिश्नोई, मोहम्मद सिराज, शार्दुल ठाकूर.

दक्षिण आफ्रिका संघ: टेंबा बावुमा (क), क्विंटन डी कॉक (विकेटकीपर), रीझा हेंड्रिक्स, हेन्रिक क्लासेन, केशव महाराज, एडन मार्कराम, डेव्हिड मिलर, वेन पारनेल, लुंगी एनगिडी, अॅनरिक नॉर्सिया, मार्को जॅन्सेन, कागिसो रबाडा, रिले रोसो, तबरेझ शम्सी आणि ट्रिस्टन स्टब्स.

स्टँडबाय खेळाडू: ब्योर्न फोर्टुइन, लिझाड विल्यम्स आणि अँडिले फेहलुकवायो.