Virat वर टीका होत असताना सचिन तेंडुलकरने प्लेईंग X1 बाबत दिला हा सल्ला

मुंबई : इंग्लंडविरुद्धच्या पाच सामन्यांच्या टी -२० मालिकेदरम्यान ज्याची सर्वाधिक चर्चा होत आहे, ती म्हणजे भारतीय टीममध्ये अकरा खेळाडूंची निवड. या संदर्भात आता भारतीय संघाचा माजी क्रिकेटर आणि मास्टर ब्लास्टर सचिन तेंडुलकरने आपले मत जाहीर केले आहे. कोणत्याही सामन्यासाठी प्लेइंग इलेव्हनची निवड करताना सर्वोत्कृष्ट खेळाडूंना संधी दिली पाहिजे आणि त्यासाठी वयाचा आधार असू नये, असे सचिनने म्हटले आहे.

एएनआयशी बोलताना सचिन तेंडुलकर म्हणाला की, केवळ युवा खेळाडूंना संघात समाविष्ट करणे असं होऊ नये. येथे मुद्दा फक्त सर्वोत्कृष्ट खेळाडूंचा प्लेइंग 11 मध्ये निवड करणे असा असावा. जेव्हा आपण टीम इंडियाबद्दल बोलता तेव्हा वय हा आधार असू नये. येथे आपल्याला आपला गेम दाखवावा लागेल आणि यासाठी वय महत्वाचे नाही.

तो पुढे म्हणाला की, जर तुम्ही तरूणांबद्दल बोललात तर तुम्ही चांगले काम कराल तर तुम्हाला संधी मिळाली पाहिजे पण जर कोणी चांगले काम करत नसेल तर त्यांनी त्याला संघात घेण्याचा विचार करू नये. तरुणांना पुढे ढकलणे ही चुकीची भावना आहे. मला वाटते की तुम्ही आपले अकरा सर्वोत्तम निवडले पाहिजे. आपण 14-15 खेळाडूंचा एक संघ निवडा आणि त्याला बॅलेन्स कसं करायचं हे  निवड समितीवर सोडून द्या.

सचिन तेंडुलकर सध्या रोड सेफ्टी वर्ल्ड टी-20 मध्ये खेळत आहे आणि तो इंडिया लेजेंडचा कर्णधारही आहे. सचिनने उपांत्य सामन्यात 42 चेंडूत 65 धावा केल्या होत्या, तर यापूर्वीच्या लीग सामन्यात त्याने 37 चेंडूत 60 धावा केल्या होत्या. आपल्या कामगिरीबद्दल बोलताना सचिन म्हणाला, क्रीजवर परत येणे सोपे नाही कारण शरीर बर्‍याचदा तुमचे ऐकत नाही. सचिनच्या नेतृत्वात इंडिया लेजेंड्सने अंतिम फेरी गाठली असून हा सामना 21 मार्च रोजी खेळला जाणार आहे.