सर्वात जास्त मायलेज देणाऱ्या Maruti Suzuki च्या या कारवर मोठी ऑफर

मुंबई : नवीन वर्षाचा दुसरा महिना सुरू झाला असून आता कंपन्या गेल्या वर्षीचा स्टॉक क्लिअर करण्यात व्यस्त आहेत. अनेक वाहन निर्माते त्यांच्या 2021 च्या मॉडेलवर जोरदार सवलत देत आहेत आणि त्यापैकी एक मारुती सुझुकी आहे, जी विक्रीनुसार भारतातील सर्वात मोठी वाहन उत्पादक आहे. एका मीडिया रिपोर्टनुसार, मारुती सुझुकीने 2021 मॉडेल Celerio वर 35,000 रुपयांपर्यंत ऑफर दिली आहे, जी 28 फेब्रुवारीपर्यंत किंवा स्टॉक राहेपर्यंत वैध असेल. कृपया लक्षात घ्या की या ऑफर डीलरशिप, मॉडेल आणि शहरानुसार बदलू शकतात.

1 लिटर पेट्रोलमध्ये सर्वाधिक मायलेज

मारुती सुझुकी सेलेरियो ही सध्या देशातील सर्वाधिक मायलेज देणारी कार आहे. त्यात बसवलेले आणि चाचणी केलेले K10C इंजिन बद्दल कंपनीचा दावा आहे की, ही कार एका लिटर पेट्रोलमध्ये सर्वाधिक मायलेज देते. हे मायलेज 2021 च्या मॉडेलच्या तुलनेत 15-23 टक्के अधिक आहे. ARAI ने या कारवर दावा केला आहे की ती, एक लिटर पेट्रोलमध्ये 26.68 किमी पर्यंत धावू शकते, जी या सेगमेंटमध्ये सर्वाधिक आहे. अशा परिस्थितीत, नवीन पिढीतील सेलेरियो ही इंधनाच्या बाबतीत सर्वात किफायतशीर कार ठरते. या कारवर कंपनीने दिलेल्या ऑफरबद्दल अधिक माहितीसाठी, तुम्ही तुमच्या जवळच्या मारुती सुझुकी डीलरशीपशी संपर्क साधू शकता.

कारचे सीएनजी मॉडेलही लाँच

पेट्रोल मॉडेलनंतर मारुती सुझुकीने या कारचे सीएनजी मॉडेलही काही काळापूर्वी भारतात लाँच केले आहे. Celerio CNG सह स्टँडर्ड सेलेरियो पेट्रोल डिझाइन आणि सर्व फीचर्स देण्यात आले आहेत. यातील एकमेव बदल म्हणजे कारच्या मागील बाजूस सीएनजी टाकी बसवण्यात आली आहे. ही 1.0-लिटर ड्युअल-जेट VVT K-सिरीज पेट्रोल इंजिनसह जोडलेले आहे जे 60-लिटर क्षमतेच्या CNG टाकीशी जोडलेले आहे. मारुती सुझुकीचे म्हणणे आहे की, एक किलो सीएनजीमध्ये सेलेरियो 35.60 किमी पर्यंत धावते. मारुती सुझुकीने Celerio CNG ची एक्स-शोरूम किंमत 6.58 लाख रुपये ठेवली आहे.