विदर्भात म्युकरमायकोसीस आजाराचा शिरकाव; आरोग्य यंत्रणा अलर्ट
अमरावती जिल्ह्यात म्युकरमायकोसीस आजाराचा शिरकाव झाला असल्याची माहिती तज्ज्ञांनी दिली आहे.
)
अमरावती : राज्यात कोरोनाचा कहर किंचित प्रमाणात कमी होताना दिसत आहे. म्हणून काही दिवसात राज्याला दिलासा मिळेल अशी आशा असतानाच एका वेगळ्या आजाराने पुन्हा डोके वर काढले आहे. अमरावती जिल्ह्यात म्युकरमायकोसीस आजाराचा शिरकाव झाला असल्याची माहिती तज्ज्ञांनी दिली आहे.
अमरावती जिल्ह्यात म्युकरमायकोसीसच्या दहा रुग्णांवर जिल्हा सामान्य रुग्णालयात उपचार सुरू आहेत. जिल्ह्यात या नविन आजाराने डोके वर काढल्याने प्रशासनाच्या चिंतेत भर पडली आहे. जिह्यात म्युकरमायकोसीसच्या रुग्णांचे निदान झाल्याची माहिती जिल्हा शल्य चिकित्सक शाम सुंदर निकम यांनी दिली आहे.
म्यूकोर्मिकोसिस (Mucormycosis) म्हणजे काय?
म्यूकोर्मिकोसिस (ब्लॅक फंगस किंवा काळी बुरशी) एक अत्यंत दुर्मिळ संसर्ग आहे. हे काळ्या बुरशीमुळे उद्भवते जे सामान्यत: माती, वनस्पती, खत, कुजलेले फळे आणि भाज्यांमध्ये वाढते. एनआयटीआय आयोगाचे सदस्य व्ही के पॉल यांच्या म्हणण्यानुसार, आता कोविड-19मधील बर्‍याच रुग्णांमध्ये बुरशीजन्य संसर्गाची तक्रार दिसून आली आहे. या बुरशीच्या संसर्गाला ब्लॅक फंगस म्हणतात. ही बुरशी अनेकदा ओल्या पृष्ठभागावर असते.
काळ्या बुरशीची लक्षणे कोणती?
इंडियन काऊन्सिल ऑफ मेडिकल रिसर्चच्या (ICMR) मते, म्यूकेरामायकोसिस म्हणजे काळ्या बुरशीला त्याच्या लक्षणांमुळे ओळखता येते. यात नाक बंद होणार, नाक आणि डोळ्यांभोवती वेदना होणे आणि लालसरपणा येणे, ताप, डोकेदुखी, खोकला, श्वास लागणे, रक्ताच्या उलट्या होणे, मानसिकरित्या आरोग्यास आणि गोंधळात टाकणारी परिस्थिती समाविष्ट आहे.