Video: चिमुकल्याने लुटला पहिल्या पावसाचा मनमुराद आनंद, नेटकऱ्यांकडून व्हिडीओला पसंती

Viral Video: उकाड्याने त्रस्त झाल्याने नागरिक पावसाची आतुरतेने वाट पाहात आहेत. गेल्या काही दिवसांपासून अधूनमधून बसरणाऱ्या सरी थोडाफार दिलासा देत आहेत. मात्र हवा तसा पाऊस अजूनही सुरु झालेला नाही. पहिल्या पावसात भिजण्यात लहान मुलांना आनंद वाटतो. मग  पाऊसधारा कुठेही बरसू दे. पावसात भिजयाचं म्हणजे भिजायचं असं त्यांचं ठरलेलं असतं. अनेक ठिकाणी लहान मुलं 'ये रे ये रे पावसा' असं गाणं म्हणत पावसात भिजण्याचा आनंद लुटतात. असाच एक पावसात भिजणाऱ्या मुलाचा व्हिडीओ व्हायरल होत आहे.

व्हायरल व्हिडीओत दिसत आहे की लहाग्याने अंगात पिवळा रेनकोट घातला आहे. मात्र तरीही त्याला पावसात भिजण्याचा मोह आवरत नाही. हा व्हिडीओ नेदरलँडमध्ये शूट करण्यात आल्याचं बोललं जात आहे. लहानगा पावसाचा आनंद लुटण्यासाठी रेनकोट घालून रस्त्यावर मस्त झोपल्याचं दिसत आहे.

Meanwhile in The Netherlands.. pic.twitter.com/QnSqDL4FXB

— Buitengebieden (@buitengebieden) June 8, 2022

हा व्हिडीओ नेटकऱ्यांची मनं जिंकत आहे. अनेकांनी या व्हिडीओच्या निमित्ताने आपल्या लहानपणीच्या आठवणींना उजाळा देत कमेंट्स लिहिल्या आहेत. आतापर्यंत हा व्हिडीओ 23 लाखांहून अधिक लोकांनी पाहिला आहे.