आता या देशात थैमान घालतोय कोरोना, ३४ हजार जणांचा मृत्यू

अमेरिकेनंतर आता या देशात कोरोनाचं थैमान सुरु

Updated: Jun 5, 2020, 07:11 PM IST
आता या देशात थैमान घालतोय कोरोना, ३४ हजार जणांचा मृत्यू

मुंबई : जगात कोरोना विषाणू थैमान घालत आहे. जगभरात दररोज सुमारे एक लाख नवीन रुग्ण वाढत आहेत. दरम्यान, ब्राझीलसाठी कोरोना व्हायरस एक मोठे आव्हान बनले आहे. ब्राझीलमध्ये गेल्या चोवीस तासांत या विषाणूमुळे 1,473 जणांचा मृत्यू झाला. आतापर्यंत येथे ३४ हजार रुग्णांचा मृत्यू झाला आहे.

कोरोनामुळे मृत्यूच्या बाबतीत ब्राझीलने आता इटलीला मागे टाकले आहे. कोरोना संकटाच्या सुरुवातीस, इटलीची परिस्थिती नियंत्रणा बाहेर गेली होती. पण सध्या परिस्थिती नियंत्रणात आली आहे.

ब्राझीलमध्ये एकूण 34021 जणांचा मृत्यू तर इटलीमध्ये 33,689 लोकांचा मृत्यू झाला आहे. युनायटेड स्टेट्स अजूनही मृत्यूच्या बाबतीत पुढे आहे. येथे एक लाखाहून अधिक लोक मरण पावले आहेत, तर सुमारे चाळीस हजार लोकांचा मृत्यू झालेला यूके दुसर्‍या क्रमांकावर आहे.

ब्राझीलची समस्या अशी आहे की आतापर्यंत घेण्यात आलेल्या चाचण्यांमध्ये सुमारे 60 टक्के लोक कोरोना पॉझिटिव्ह आढळले आहेत. आतापर्यंत ब्राझीलमध्ये ९.२५ लाख चाचण्या झाल्या आहेत, तर रुग्णांची संख्या ६ लाखांच्या वर गेली आहे.

दुसरीकडे, जर आपण अमेरिकेच्या ताज्या आकडेवारीबद्दल चर्चा केली तर येथे गेल्या 24 तासांत 1021 लोकांना आपला जीव गमवावा लागला आहे, यासह एकूण मृत्यूंची संख्या एक लाख 8 हजारांच्या पुढे गेली आहे. आतापर्यंत अमेरिकेत 1.87 दशलक्ष लोकांना कोरोनाची लागण झाली आहे.

जगात कोरोना विषाणूची संख्याही झपाट्याने वाढत आहे आणि आतापर्यंत एकूण 67 लाख लोकांना याची लागण झाली आहे. तर मृतांचा आकडा 3.93 लाखांवर पोहोचला आहे.