अमेरिकेचे राष्ट्राध्यक्ष डोनाल्ड ट्रम्प कोरोना पॉझिटिव्ह

संग्रहित छाया

वॉशिंग्टन : धक्कादायक बातमी. अमेरिकेचे राष्ट्राध्यक्ष डोनाल्ड ट्रम्प यांची कोरोना टेस्ट पॉझिटिव्ह आली आहे. तसेच डोनाल्ड ट्रम्प यांच्यासोबत त्यांची पत्नी मेलेनिया ट्रम्प यांनाही कोरोनाची लागण झाली आहे. डोनाल्ड ट्रम्प यांनी ट्विट करत ही माहिती दिली आहे. 

Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!

— Donald J. Trump (@realDonaldTrump) October 2, 2020

त्याआधी डोनाल्ड ट्रम्प यांची सहकारी कोरोना पॉझिटिव्ह आढळल्यानंतर त्यांची कोरोना चाचणी करण्यात आली. डोनाल्ड ट्रम्प यांनी आपण तात्काळ क्वारंटाइन झाल्याचे सांगितले आहे. डोनाल्ड ट्रम्प यांनी ट्विट करत कोरोनाची लागण झाल्याची माहिती दिली.

#BreakingNews अमेरिकेचे राष्ट्राध्यक्ष डोनाल्ड ट्रम्प यांना कोरोना । डोनाल्ड ट्रम्प यांच्यासोबत त्यांची पत्नी मेलेनिया ट्रम्प यांनाही कोरोनाची बाधा । डोनाल्ड ट्रम्प यांनी ट्विट करत दिली माहिती #Coronavirus #Covid19 #corona @ashish_jadhao https://t.co/Ct4fYeN6GF pic.twitter.com/WtBgQT0V5o

— ZEE २४ तास (@zee24taasnews) October 2, 2020

ट्रम्प यांनी ट्विट करताना म्हटले आहे, मी आणि माझी पत्नी मेलेनिया कोरोना पॉझिटिव्ह आढळून आलो आहोत. आम्ही यामधून लवकरच बाहेर पडू. यामुळे डोनाल्ड ट्रम्प यांच्या राष्ट्राध्यक्ष निवडणूक प्रचाराला मोठा फटका बसण्याची शक्यता आहे.

याआधी डोनाल्ड ट्रम्प यांनी ट्विट करत आपली सल्लागार होप हिक्सला कोरोनाची लागण झाल्याचे सांगत आपण क्वारंटाइन होत असल्याचे सांगितले होते. अजिबात विश्रांती न घेता सतत काम करणाऱ्या होप हिक्सचा कोरोना रिपोर्ट पॉझिटिव्ह आला आहे.