7th Pay Commission: மத்திய அரசு ஊழியர்களுக்கு அகவிலைப்படி (DA) மற்றும் அகவிலை நிவாரணம் (DR) ஆகியவற்றில் நான்கு சதவீத உயர்வை மத்திய அரசு தற்போது அறிவித்துள்ளது. இதன் மூலம் வீட்டு வாடகை கொடுப்பனவை (HRA) மற்றும் கிராஜுவிட்டிக்கான வரி விலக்கு வரம்பை உயர்த்தியுள்ளது. இந்த 4 சதவீத உயர்வுக்குப் பிறகு, அகவிலைப்படி 50 சதவீதத்தை எட்டியுள்ளது. தற்போது மத்திய அரசு ஊழியர்களிடம் உள்ள மிகப்பெரிய கேள்வி என்னவென்றால் இந்த 50 சதவீத டிஏ அடிப்படை ஊதியத்துடன் சேர்த்து பூஜ்ஜியமாகிவிடுமா என்பதுதான். அடிப்படை ஊதியத்துடன் 50 சதவீத DA எப்போது, எப்படி இணைக்க முடியும் என்று தெரிந்து கொள்ள தொடர்ந்து படியுங்கள்.
மேலும் படிக்க | தங்க நகைகளை வங்கி லாக்கரில் வைக்கலாமா? புதிய விதிகள் கூறுவது என்ன?
அகவிலைப்படியில் உயர்த்தப்பட்ட நான்கு சதவீதம் கடந்த ஜனவரி 1ம் தேதியில் இருந்து கணக்கிடப்பட்டு நிலுவைத்தொகை வழங்கப்படும். மத்திய அரசு ஊழியர்களுக்கான அகவிலைப்படியின் கணக்கீடு இந்த ஆண்டு முதல் மாற வாய்ப்புள்ளது. சம்பள கமிஷன் விதி 50 சதவீத வரம்பை அடைந்தவுடன், அடிப்படை சம்பளத்துடன்இணைக்கப்பட்டு அதன் கணக்கீடு பூஜ்ஜியத்தில் இருந்து தொடங்கும். ஆனால் அடிப்படை சம்பளத்துடன் அகவிலைப்படி இணைப்பதற்கான எந்த அறிவிப்பையும் மத்திய அரசு இன்னும் வெளியிடவில்லை. இந்த அறிவிப்பு வெளியாக இன்னும் சில நாட்கள் ஆகலாம் என்று எதிர்பார்க்கப்படுகிறது. ஆனால் அடிப்படை சம்பளத்துடன் அகவிலைப்படி இணைத்து, அடுத்த ஊதியக் குழுவிற்கு அகவிலைப்படி கணக்கீடுகளை பூஜ்ஜியத்தில் இருந்து மாற்றுமா என்பது இன்னும் பார்க்கப்படவில்லை.
அகவிலைப்படி கணக்கீட்டை எப்போது மாற்றலாம்?
கடந்த 2016ஆம் ஆண்டு 7வது ஊதியக் குழுவை அமல்படுத்தியபோது, அரசு அகவிலைப்படியை பூஜ்ஜியமாகக் குறைத்தது. அகவிலைப்படி விதிகளின்படி, டிஏ 50 சதவீதத்தை எட்டியவுடன், அது பூஜ்ஜியமாகக் குறைக்கப்பட்டு, ஊழியர்களுக்கு உதவித்தொகையாகக் கிடைக்கும் பணம் அடிப்படை சம்பளத்துடன் இணைக்கப்பட்டுவிடும். உதாரணமாக ஒரு ஊழியரின் அடிப்படைச் சம்பளம் ரூ.20000 என்று வைத்துக் கொள்வோம், அப்போது அவர்களுக்கு 50 சதவீத டிஏ உயர்வு ரூ.10000. அந்தச் சூழ்நிலையில், உயர்த்தப்பட்ட அகவிலைப்படி அடிப்படைச் சம்பளத்துடன் இணைக்கப்பட்டு, அகவிலைப்படி மீண்டும் பூஜ்ஜியமாகக் மாற்றப்படும். இருப்பினும், அடிப்படை சம்பளத்துடன் அகவிலைப்படி இணைக்கப்பட்ட பிறகு, ஊழியரின் அடிப்படை சம்பளம் ரூ.30,000 ஆக இருக்கும்.
இருப்பினும், இதற்காக ஃபிட்மென்ட்டிலும் அரசாங்கம் சில மாற்றங்களைச் செய்ய வேண்டியிருக்கும். விதிகளின்படி, ஊழியர்கள் பெறும் 100 சதவீத அகவிலைப்படி அடிப்படை சம்பளத்துடன் சேர்க்கப்பட வேண்டும், ஆனால் இது எல்லா நேரத்திலும் சாத்தியமில்லை. இருப்பினும், இது கடந்த காலத்தில் இணைக்கப்பட்டது. 2006ம் ஆண்டு 6வது ஊதியக் குழு வந்தபோது, ஐந்தாவது ஊதியக் குழுவில் டிசம்பர் வரை 187 சதவீத அகவிலைப்படி வழங்கப்பட்டு வந்தது. பின்னர், புதிய ஊதியக்குழு மற்றும் தர ஊதியமும் உருவாக்கப்பட்டது. தற்போது வெளியாகி உள்ள தகவலின் படி ஜூலை மாதத்தில் புதிய டிஏ கணக்கிடப்படும். மத்திய அரசு ஆண்டுக்கு இரண்டு முறை மட்டுமே அகவிலைப்படியை அதிகரிப்பதால், ஜனவரி 2024க்கான ஒப்புதல் மார்ச் மாதத்தில் வழங்கப்பட்டுள்ளது.
மேலும் படிக்க | பிஎஃப் ஊழியர்கள் ஹேப்பி: ‘அபராதம் கட்டுங்க’.. நிறுவனங்களுக்கு கிளாஸ் எடுத்த EPFO
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
