ஒரு வீட்டை வாங்க வீட்டுக் கடன் வாங்குவது பற்றி நீங்கள் யோசித்துக் கொண்டிருந்தால், உங்களுக்கு ஒரு நல்ல செய்தி உள்ளது. யூனியன் பாங்க் ஆப் இந்தியா (Union Bank of India) பல்வேறு வகை வீட்டுக் கடன்களுக்கான வட்டி விகிதங்களைக் குறைத்துள்ளது. வங்கி வழங்கிய தகவல்களின்படி, ரூ .30 லட்சத்துக்கு மேல் வீட்டுக் கடன்களுக்கான வட்டி விகிதம் 0.10 சதவீதம் குறைக்கப்பட்டுள்ளது.
கடன் மிகவும் மலிவானதாகிவிட்டது
ரூ .30 லட்சத்துக்கு மேல் வீட்டுக் கடனுக்கான வட்டி விகிதம் 0.10 சதவீதம் குறைக்கப்பட்டுள்ளதாக யூனியன் வங்கி தெரிவித்துள்ளது. பெண்கள் வீட்டுக் கடனுக்கு விண்ணப்பித்தால், கடனின் வட்டி விகிதத்தில் 0.05 சதவீதம் கூடுதல் தள்ளுபடி இருக்கும். இந்த வழியில், பெண் விண்ணப்பதாரர்கள் 0.15 சதவீதம் வரை குறைந்த வட்டி செலுத்தலாம்.
ALSO READ: FD, RD: வித்தியாசம் என்ன? உங்களுக்கு ஏற்ற சேமிப்புத் திட்டம் எது?
எந்த செயலாக்க கட்டணத்தையும் செலுத்த வேண்டியதில்லை
2020 டிசம்பர் 31 வரை வீட்டுக் கடனுக்கான செயலாக்கக் கட்டணத்தை (Processing Fee) வசூலிக்க வேண்டாம் என்று முடிவு செய்துள்ளதாக வங்கி தெரிவித்துள்ளது. வீட்டுக் கடன் டேக் ஓவர் செய்யும் நிலையில், 10 ஆயிரம் ரூபாய் வரை தள்ளுபடியும் வங்கி வழங்கியுள்ளது. இந்த தள்ளுபடிகள் நவம்பர் 1, 2020 முதல் பொருந்தும். இவை தவிர, வாகனம் மற்றும் கல்விக் கடனுக்கான செயலாக்கக் கட்டணமும் நீக்கப்பட்டுள்ளது.
பண்டிகை காலத்திற்காக பல சலுகைகள் தொடக்கம்
வங்கி, "பண்டிகை காலத்தை கருத்தில் கொண்டு, சில்லறை மற்றும் MSME பிரிவை மையமாகக் கொண்டு பல நிதி பிரச்சாரங்கள் தொடங்கப்பட்டுள்ளன." என்று கூறியுள்ளது. வங்கி வழங்கும் குறைந்த வட்டி விகிதங்களை கடன் வாங்கியவர்கள் பயன்படுத்திக் கொள்வார்கள் என்று வங்கி நம்புகிறது.
பாங்க் ஆப் பரோடா ரெப்போ வீதம் தொடர்பான வட்டி விகிதங்களைக் குறைத்தது
அதே நேரத்தில், மூன்றாவது பெரிய பொதுத்துறை கடன் வழங்குநரான பாங்க் ஆப் பரோடா (BoB), ரெப்போ விகிதத்துடன் இணைக்கப்பட்ட கடன்களுக்கான வட்டி விகிதத்தை (BRLLR) 7 சதவீதத்திலிருந்து 6.85 சதவீதமாகக் குறைத்துள்ளது. வங்கியின் புதிய விகிதங்கள் 2020 நவம்பர் 1 முதல் நடைமுறைக்கு வந்தன. இது வீட்டுக் கடன், அடமானக் கடன், வாகனக் கடன், கல்விக் கடன், தனிநபர் கடன் ஆகியவற்றின் வாடிக்கையாளர்களுக்கு நேரடியாக பயனளிக்கும் என்று பாங்க் ஆப் பரோடா பொது மேலாளர் ஹர்ஷத் குமார் டி. சோலங்கி தெரிவித்தார்.
ALSO READ: EPFO Whatsapp சேவையை பயன்படுத்தி உங்கள் EPF தொடர்பான அனைத்து தகவல்களையும் பெறுங்கள்!!
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
