 "Personal Loan: தனிநபர் கடன் வாங்க போறீங்களா... அவசியம் தெரிந்து கொள்ள வேண்டிய சில விஷயங்கள்")
Personal Loan Tips: நிதி நெருக்கடி என்பது, அனைவருக்கும் ஏற்றபடக் கூடிய பொதுவான விஷயம். நம்மில் பெரும்பாலானோருக்கு, வாழ்க்கையில் ஏதேனும் ஒரு காலகட்டத்தில், நிச்சயம் கடன் வாங்கும் நிலை ஏற்பட்டிருக்கும். அந்த சமயத்தில் நம் மனதில் முதலில் தோன்றுவது வங்கிகளிடம் இருந்து பெறும் தனி நபர் கடன். எனினும், தனிநபர் கடனுக்கு விண்ணப்பிக்கும் முன், வங்கி, NBFC (வங்கி அல்லாத நிதி நிறுவனம்) அல்லது பிண்டெக் (Fintech) நிர்ணயித்த தகுதி வரம்புகளை நீங்கள் பூர்த்தி செய்துள்ளீர்கள் என்பதை உறுதிப்படுத்திக் கொள்ளவது அவசியம்.
தனிநபர் கடன்
தனிநபர் கடன் ஒப்புதலில் கிரெடிட் ஸ்கோர் அல்லது சிபில் ஸ்கோர் முக்கிய பங்கு வகிக்கிறது. பிற காரணிகளில் உங்கள் வயது, வருமானம், வேலை, KYC, கடன்-வருமான விகிதம், வசிக்கும் நகரம் போன்றவை அடங்கும்.
கிரெடிட் ஸ்கோர் அல்லது சிபில் ஸ்கோர்
கிரெடிட் ஸ்கோர் என்பது கிரெடிட் தகவல் நிறுவனங்களால் (CIC) வழங்கப்படும் மூன்று இலக்க எண்ணாகும். உங்களது கிரெடிட் ஸ்கோர் (Credit Score)அல்லது சிபில் ஸ்கோர் (CIBIL SCORE) சிறப்பானதாக இருந்தால், ஒப்பிட்டு அளவில் குறைந்த வட்டியில் கடன் கிடைக்கும். ஏனென்றால் சிபில் ஸ்கோர் என்பது, உங்கள் கடனை திரும்பு கொடுப்பதில், பொறுப்பை நீங்கள் எந்த அளவுக்கு நிர்வகிக்கிறீர்கள் என்பதை உணர்த்தக்கூடிய மதிப்பெண் என்பதால், உங்கள் மீதான நம்பகத்தன்மையை இது அதிகரிக்கும். எனவே, உங்கள் சிபில் ஸ்கோர் நன்றாக இருக்கும்படி பார்த்துக் கொள்ளவும். வங்கிகள் மற்றும் NBFC நிறுவனங்கள் கடன்களை அங்கீகரிக்கும் போது அதிக முக்கியத்துவம் கொடுக்கின்றன.
கிரெடிட் ஸ்கோரின் முக்கியத்துவம்
வங்கிகளும் NBFCகளும் 750 அல்லது அதற்கு மேற்பட்ட மதிப்பெண்களை நல்லதாகக் கருதுகின்றன. அதிக மதிப்பெண், கடன் ஒப்புதல் பெறுவதற்கான வாய்ப்புகள் சிறப்பாக இருக்கும். உங்கள் மதிப்பெண் 750க்கு மேல் இருந்தால், குறைந்த வட்டி விகிதங்கள், சில சலுகைகள் அல்லது செயலாக்கக் கட்டணங்கள் தள்ளுபடி, அதிக கடன் தொகை, நீண்ட கால கடன் போன்றவற்றை பெற நீங்கள் வங்கிகளை கேட்டுக் கொள்ளலாம்.
கிரெடிட் ஸ்கோர் குறைவாக இருந்தால்
கிரெடிட் ஸ்கோர் 750க்கு குறைவாக இருந்தால் கடன் விண்ணப்பம் நிராகரிக்கப்படும் என கூற முடியாது. சில வங்கிகள் குறைந்த மதிப்பெண்கள் கொண்ட விண்ணப்பங்களை, நிலைமையை பொறுத்து ஏற்றுக் கொள்ளலாம். இருப்பினும், கடனை தர அதிக வட்டி விகிதங்கள் அல்லது கடுமையான விதிமுறைகளை விதிக்கலாம்.
கடன் வருமான விகிதம் (DTI Ratio)
கடனைத் திருப்பிச் செலுத்த உங்கள் மாத வருமானத்தில் எவ்வளவு பணம் தேவை என்பதை டிடிஐ விகிதம் சொல்கிறது. இதில் கடன் EMIகள் மற்றும் கிரெடிட் கார்டு பில்களும் அடங்கும். டிடிஐ 35% அல்லது அதற்கும் குறைவாக இருந்தால், வங்கிகள் அதை சிறந்த நிலையை கருதுகின்றன. டிடிஐ விகிதம் 36% முதல் 50% வரை இருந்தால், சில வங்கிகள் சில நிபந்தனைகளுடன் அதை அங்கீகரிக்கலாம். டிடிஐ 50% க்கு மேல் இருந்தால், கடன் அனுமதிக்கும் வாய்ப்புகள் மிகவும் குறையும்.
விண்ணப்பப் படிவம் மற்றும் ஆவணங்கள்
கடனுக்கு ஆன்லைனில் அல்லது ஆஃப்லைனில் விண்ணப்பிக்கும் போது, பூர்த்தி செய்யப்பட்ட விண்ணப்பப் படிவம் மற்றும் தேவையான ஆவணங்கள் சமர்ப்பிக்கப்பட வேண்டும். KYC ஆவணம் உங்கள் புகைப்படம், அடையாளச் சான்று (பான் கார்டு போன்றவை) மற்றும் முகவரிச் சான்று போன்றவற்றைப் பயன்படுத்தலாம். வேலையில் இருப்பவர்களுக்கான வருமானம் தொடர்பான ஆவணங்களில் வங்கி அறிக்கை மற்றும் சம்பள சீட்டு மற்றும் வருமான வரி கணக்கு (ITR) ஆகியவை தேவை. சுயதொழில் செய்பவர்களுக்கு வங்கி அறிக்கை ஆகியவை இருக்க வேண்டும். உங்கள் வடிவத்தில் எந்த தவறும் இல்லை என்று பார்த்துக்கொள்ளுங்கள்.
விண்ணப்பதாரர் வசிக்கும் நகரம்
சில வங்கிகள் மற்றும் NBFCகள் குறிப்பிட்ட நகரங்களில் மட்டுமே சேவைகளை வழங்குகின்றன. பெருநகரங்கள் மற்றும் அடுக்கு-I நகரங்களில் வசிக்கும் விண்ணப்பதாரர்களுக்கு கூடுதல் விருப்பங்கள் உள்ளன. சிறிய நகரங்கள் மற்றும் கிராமப்புறங்களில் விருப்பங்கள் குறைவாகவே உள்ளன.
தனிநபர் கடன் ஒப்புதலில் முக்கிய பங்கு வகிக்கும் வேறு சில காரணிகள்:
வயது: ஒவ்வொரு வங்கியும் NBFCயும் தனிநபர் கடனுக்கான குறைந்தபட்ச மற்றும் அதிகபட்ச வயதை தீர்மானிக்கிறது. விண்ணப்பதாரரின் வயது இந்த நிர்ணயிக்கப்பட்ட வரம்பிற்குள் இருக்க வேண்டும்.
வருமானம்: வங்கிகள் மற்றும் NBFCகள் குறிப்பிட்ட அளவு கடனை வழங்க, குறைந்தபட்ச வருமானம் எவ்வளவு இருக்க வேண்டும் என்ப்டஹை தீர்மானிக்கின்றன. உங்கள் மாத வருமானம் இந்த வரம்பை விட அதிகமாக இருக்க வேண்டும்.
கல்வித் தகுதி: சில வங்கிகள் குறைந்தபட்ச கல்வித் தகுதியை நிர்ணயிக்கின்றன. பொதுவாக, இது பட்டப்படிப்பு அல்லது டிப்ளமோ என்ற அளவில் இருக்கலாம்.
வேலை: வங்கிகள் அல்லது NBFCகள் விண்ணப்பதாரரின் வேலையில் உள்ள நிலைத்தன்மையை கருத்தில் எடுத்துக் கொள்கின்றன. ஏனெனில் வழக்கமான வருமானம் இருந்தால் தான் EMI தொகையை தவறாமல் செலுத்த இயலும். அரசு வேலைகள், பொதுத்துறை நிறுவனங்கள் அல்லது புகழ்பெற்ற தனியார் நிறுவனங்களில் பணிபுரிபவர்களுக்கு முன்னுரிமை கிடைக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)