புதுடெல்லி: இந்தியாவில் செயலில் உள்ள வழக்குகளின் எண்ணிக்கை 4,170 ஆக அதிகரித்து உள்ளதாக சுகாதார அமைச்சகம் தெரிவித்துள்ளது. இன்று (2023 டிசம்பர் 26 காலை 8 மணிக்கு புதுப்பிக்கப்பட்ட அமைச்சகத்தின் தரவுகளின்படி, கர்நாடகாவில் மூன்று பேர் கொரோனா வைரசால் இறந்ததை அடுத்து கோவிட் பலி எண்ணிக்கை 5,33,337 ஆக அதிகரித்துள்ளது.
தற்போது, இந்தியாவின் கோவிட் வழக்குகளின் எண்ணிக்கை 4,50,09,660 ஆக உள்ளது, தேசிய மீட்பு விகிதம் 98.81 சதவீதமாக உள்ளது என்று அமைச்சகத்தின் இணையதளத்தில் தெரிவிக்கப்பட்டுள்ளது. அதே நேரத்தில் கோவிட் இறப்பு விகிதம் 1.19 சதவீதமாக உள்ளது.
கோவிட்-19 துணை மாறுபாடு JN.1 இன் அதிகரித்து வரும் நிலையில், இந்தியாவில் டிசம்பர் 24 ஞாயிற்றுக்கிழமை வரை மொத்தம் 63 துணை மாறுபாடுகள் கண்டறியப்பட்டுள்ளன. ஒரே நாளில் 34 வழக்குகள் பதிவாகியுள்ள நிலையில், கோவாவில் அதிக எண்ணிக்கையிலான வழக்குகள் பதிவாகியுள்ளன என்று திங்களன்று சுகாதார அமைச்சக வட்டாரங்கள் தெரிவித்துள்ளன.
மேலும் படிக்க | உலகில் எந்த நாட்டில் கொரோனா பாதிப்பு அதிகம்? இந்தியாவில் கோவிட் தயார்நிலை நிலவரம்
கோவாவைத் தவிர, மகாராஷ்டிராவில் 9 பேர், கர்நாடகாவில் 8 பேர், கேரளாவில் ஆறு, தமிழ்நாட்டில் 4 மற்றும் தெலுங்கானாவில் இருவருக்கு கொரோனா பாதிப்பு இருக்கிறது. பெரும்பாலான JN.1 துணை வகைகளில் லேசான அறிகுறிகள் உள்ளன.
நாட்டில் COVID-19 இன் செயலில் உள்ள மொத்த வழக்குகளின் எண்ணிக்கை 4,054 ஆக உள்ள நிலையில், அதிக எண்ணிக்கையிலான வழக்குகள் கேரளாவில் பதிவாகியுள்ளன.
"கோவாவில் இருந்து முப்பத்தேழு கோவிட்-19 வழக்குகள், கர்நாடகாவில் இருந்து 344, கேரளாவில் இருந்து 3128 மற்றும் மகாராஷ்டிராவில் இருந்து 50 வழக்குகள் உள்ளன" என்று சுகாதார அமைச்சகம் தெரிவித்துள்ளது.
கொரோனாவின் பாதிப்பு நாளுக்கு நாள் அதிகரித்து வரும் நிலையில் தமிழ்நாட்டிலும் ஏழு மாதங்களுக்கு பிறகு முதல் முறையாக வைரஸ் தொற்று பாதிப்பு பதிவாகியுள்ளது. தமிழகத்தில் நேற்று நான்கு பேருக்கு கொரோனா தொற்று உறுதி செய்யப்பட்ட நிலையில், மொத்த எண்ணிக்கை 64 ஆக உயர்ந்துள்ளது. ஆனால், உயிரிழப்புகள் ஏதும் பதிவாகவில்லை என தமிழ்நாடு சுகாதாரத்துறை தெரிவித்துள்ளது.
மேலும் படிக்க | கோவிட் நோய் பலி எண்ணிக்கை 5,33,327! பீதியைக் கிளப்பும் கொரோனாவின் புதிய அவதாரம்
தற்போது கொரோனா பரவல் அதிகரித்து வரும் நிலையில், முகக்கவசம் அணிவது குறித்து பல மாதங்கள் கழித்து மீண்டும் மத்திய மாநில அரசுகள் அறிவுறுத்தல்களை வழங்க தொடங்கியுள்ளன.
கொரோனா அறிகுறிகள்
கொரோனாவிலிருந்து எச்சரிக்கையாக இருக்க, அதன் அறிகுறிகளுக்கு நீங்கள் கவனம் செலுத்த வேண்டும். கோவிட் நோயின் அறிகுறிகள் சாதாரண காய்ச்சல் போன்று இருப்பதால் பொதுவாக அலட்சியப்படுத்தப்படுகிறது. ஆனால், காய்ச்சல் ஏற்பட்டது கொரோனா வைரஸால் இருந்தால். கவனக்குறைவாக இருந்தால், நிலைமை மோசமடையக்கூடும்.
புதிதாக பரவும் கொரோனா JN.1 என்ற வைரஸின் அறிகுறிகளுக்கும், பழைய கொரொனா பாதிப்பு காட்டிய அறிகுறிகளுக்கும் சில வித்தியாசங்கள் உள்ளன. இருமல் பிரச்சனை, காய்ச்சல், தொண்டை வலி, வயிற்றுப்போக்கு பிரச்சனை, தோல் தடிப்புகள், கண்கள் சிவந்து போவது, தலைவலி போன்ற பிரச்சனைகள் இருந்தால் உடனடியாக மருத்துவரை அணுகவும்.
மேலும் படிக்க | Corona JN 1: மத்தியப் பிரதேசத்திலும் அதிகரித்த புதிய ரக கொரோனா!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
