Symptoms of Cancer in Men: உலக மக்களை பீதியில் ஆழ்த்தும் நோய்களில் புற்றுநோய் மிக முக்கியமானது. புற்றுநோய் ஒரு கொடிய நோயாக பார்க்கப்படுகின்றது. ஆனால் அது ஆரம்ப கட்டங்களில் கண்டறியப்பட்டால், அதிலிருந்து மீள்வதற்கான வாய்ப்புகள் அதிகரிக்கும். ஆகையால் பல்வேறு வகையான புற்றுநோய்களின் அறிகுறிகள் குறித்த புரிதல் இருப்பது மிக அவசியமாகும்.
சில புற்றுநோய்கள் பாலினத்தைப் பொறுத்து ஆண்களை அதிகம் பாதிக்கின்றன. புரோஸ்டேட், நுரையீரல், குடல், தோல் புற்றுநோய், தலை மற்றும் கழுத்து புற்றுநோய் ஆகியவை ஆண்களுக்கு மிகவும் பொதுவானவை என கேன்சர் ரிசர்ச் யுகெ தெரிவித்துள்ளது.
இந்த புற்றுநோய்களில் பெரும்பாலானவை ஆபத்தானவையாக இருக்கின்றன. ஏனெனில் அவை சரியான நேரத்தில் கண்டறியப்படுவதில்லை. இதற்கான அறிகுறிகள் சரியாக தென்படுவதில்லை. இதன் காரணமாக இதற்கான சிகிச்சை கடினமாகிறது. ஆகையால், இந்த வகையான புற்றுநோய்களில் ஆபத்து அதிகரிக்காமல் இருக்க, இங்கே குறிப்பிடப்பட்டுள்ள புற்றுநோயின் அறிகுறிகளை நன்கு புரிந்துகொள்வதும், அவை தோன்றினால், உடனடியாக மருத்துவரிடம் சென்று பரிசோதிப்பதும் மிக முக்கியம்.
சிறுநீரில் இரத்தம்
சிறுநீர் கழிக்கும்போது இரத்தம் வந்தால், அதை எளிதாக எடுத்துக்கொள்ளக்கூடாது. இது சிறுநீர்ப்பை புற்றுநோயின் பொதுவான அறிகுறியாக இருக்கலாம். இது குறிப்பாக 60 வயதுக்கு மேற்பட்டவர்களில் அதிகமாக காணப்படுகிறது. இந்த நோய் சரியான நேரத்தில் சிகிச்சையளிக்கப்படாவிட்டால், அது உயிருக்கே ஆபத்தாகலாம் என்பது குறிப்பிடத்தக்கது.
மலத்தில் இரத்தம்
மலத்தில் இரத்தம் காணப்பட்டாலோ அல்லது குடல் இயக்கத்தின் போது இரத்தப்போக்கு ஏற்பட்டாலோ, அது பெருங்குடல், மலக்குடல் அல்லது குடல் புற்றுநோயின் அறிகுறியாக இருக்கலாம். இந்தப் பிரச்சனை தொடர்ந்தால், அது தீவிரமடையலாம். ஆகையால், இந்த அறிகுறி தோன்றினால் உடனடியாக மருத்துவரை தொடர்ப்புகொள்வது நல்லது.
மேலும் படிக்க | கொலஸ்ட்ரால் அளவு அதிகமாக உள்ளவர்கள் முட்டை சாப்பிடலாமா?
குடல் பழக்கத்தில் மாற்றம்
சில நேரங்களில் குடல் பிரச்சினைகள் இயல்பானவையாக இருக்கும். ஆனால் வயிற்றுப்போக்கு அல்லது மலச்சிக்கல் அடிக்கடி ஏற்பட்டால், அது குடல் அல்லது மலக்குடல் புற்றுநோயின் அறிகுறியாக இருக்கலாம். இந்த அறிகுறி புறக்கணிக்கப்படக்கூடாது என்பதை நினைவில் கொள்ள வேண்டும்.
வயிற்று வலி மற்றும் அஜீரணம்
வயிற்றில் லேசான வலி இருப்பது சாதாரணமானதுதான் . ஆனால் வயிற்றின் மேல் பகுதியில் வலி மற்றும் அடிக்கடி அஜீரண பிரச்சனை இருந்தால், அது வயிற்று புற்றுநோயின் தொடக்கமாக இருக்கலாம். இந்த அறிகுறி ஆண்களுக்கு மிகவும் பொதுவானது.
விவரிக்க முடியாத எடை இழப்பு
திடீர் மற்றும் காரணம் இல்லாத எடை இழப்பு புற்றுநோயின் முக்கிய அறிகுறியாக இருக்கலாம். இது எந்த வகையான புற்றுநோயின் அறிகுறியாகவும் இருக்கக்கூடும் என்பது குறிப்பிடத்தக்கது.
முதுகு வலி
முதுகுவலி பொதுவாக ஒரு தீவிர பிரச்சனை அல்ல, ஆனால் இது புற்றுநோயின் அறிகுறியாகவும் இருக்க அதிக வாய்ப்புகள் உள்ளன. குறிப்பாக புரோஸ்டேட் புற்றுநோய் ஏற்பட்டால், இந்த வலி எலும்புகளுக்கு பரவுகிறது. இது முதுகு மற்றும் இடுப்புகளில் உணரப்படுகிறது.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | வெயிட் லாஸ் முதல் டீடாக்ஸ் வரை... முள்ளங்கியை மிஸ் பண்ணவே கூடாது
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
