குளிர்காலம் நெருங்கிவிட்டதால், பொரித்த உணவுகள், அதிக கொழுப்புச் சத்துள்ள உணவுகளை உண்ணும் வாய்ப்பும் அதிகம் உள்ளது. இருப்பினும், அளவுக்கு அதிகமாக உண்பது எடை கூடுவதற்கு வழிவகுக்கும். மேலும், நீங்கள் உடல் எடையை குறைக்க முயற்சிக்கிறீர்கள் என்றால், கலோரி அடர்த்தியான உணவுகளை சாப்பிடுவது உங்கள் டயட் திட்டங்களை சிதைத்துவிடும். மறுபுறம், சூடான, கொழுப்பை கரைக்க உதவும் டீடாக்ஸ் பானங்களை உட்கொள்வதன் மூலம், செரிமானம் மற்றும் வளர்சிதை மாற்றத்தை மேம்படுத்தலாம். உங்கள் உடல் எடையை குறைக்க தினசரி உணவில் சேர்க்க 5 எளிதான மற்றும் ஆரோக்கியமான, உடலின் நச்சுக்களை நீக்கும் டீடாக்ஸ் பானங்கள் சில கீழே கொடுக்கப்பட்டுள்ளன.
பெருஞ்சீரக நீர்
பெருஞ்சீரகம் விதைகள் செரிமானத்திற்கு உதவுவதோடு, உடலில் நீர் கோர்ப்பதை குறைக்கவும், எடை இழப்புக்கு பயனுள்ளதாக இருக்கும். வெதுவெதுப்பான நீரில் பெருஞ்சீரகம் விதைகளை ஊறவைத்து, நாள் முழுவதும் ஊறிய நீரை அவ்வப்போது உட்கொள்வது பசியைக் கட்டுப்படுத்தவும், உடலை டீடாக்ஸ் செய்யவும், செரிமானத்தை மேம்படுத்தவும், வீக்கத்தைக் குறைக்கவும் உதவும். இந்த பானம் லேசான இனிப்பு மற்றும் நறுமண சுவை கொண்டது. இது குளிர்காலத்திற்கு ஒரு இனிமையான தேர்வாக அமைகிறது.
சூடான இஞ்சி எலுமிச்சை நீர்
புதிதாக துருவிய இஞ்சி மற்றும் எலுமிச்சை சாறுடன் வெதுவெதுப்பான நீரை சேர்ப்பது ஒரு சக்திவாய்ந்த கொழுப்பை எரிக்கும் பானத்தை உருவாக்குகிறது. இஞ்சியில் வளர்சிதை மாற்றத்தை மேம்படுத்த உதவும் கலவைகள் உள்ளன. எலுமிச்சை, நச்சுக்களை நீக்கும் பண்புகளுக்கு பெயர் பெற்றது, செரிமானத்தை ஆதரிக்கிறது மற்றும் உடலில் இருந்து நச்சுகளை வெளியேற்ற உதவுகிறது. இந்த கலவையை காலையில் வெறும் வயிற்றில் குடிப்பதால், அன்றைய நாளுக்கான உங்கள் வளர்சிதை மாற்றத்தை சூப்பராக கிக்ஸ்டார்ட் செய்யலாம். எலுமிச்சம்பழம் உங்களுக்கு ஒத்துக்கொள்ளவில்லை என்றால் அதைச் சேர்ப்பதைத் தவிர்க்கவும்.
இலவங்கப்பட்டை - தேன் பானம்
வெதுவெதுப்பான நீரில் இலவங்கப்பட்டை மற்றும் தேன் கலவையானது ஒரு இனிமையான மற்றும் சுவையான ஆரோக்கிய பானத்தை (Health Tips) உருவாக்குகிறது, இது எடை இழப்புக்கு உதவுகிறது. இலவங்கப்பட்டை இரத்த சர்க்கரை அளவை சீராக்க உதவும். இதற்கிடையில், தேன் இயற்கையான இனிப்பை வழங்குகிறது மற்றும் வளர்சிதை மாற்றத்திற்கு உதவும் சேர்மங்களைக் கொண்டுள்ளது. உடலின் நச்சுக்களை நீக்கி ஆற்றலை கொடுக்கிறது
மேலும் படிக்க | கர்ப்பிணிகள் கவனத்திற்கு... கருவை பாதிக்கும் ‘இந்த’ உணவுகளுக்கு நோ சொல்லுங்க!
எலுமிச்சை - இஞ்சியுடன் கூடிய கிரீன் டீ
கிரீன் டீ அதன் பல ஆரோக்கிய நன்மைகளுக்குப் புகழ் பெற்றது, எடை இழப்புக்கு உதவும் திறன் உட்பட. ஆன்டிஆக்ஸிடன்ட்கள் மற்றும் கேடசின்களின் அதிக செறிவு, வளர்சிதை மாற்றத்தை அதிகரிக்கவும், கொழுப்பை எரிப்பதை அதிகரிக்கவும் உதவுகிறது. எலுமிச்சைத் துண்டுகளைச் சேர்ப்பது தேநீரின் ஆக்ஸிஜனேற்ற பண்புகளை மேம்படுத்துகிறது மற்றும் நச்சுக்களை நீக்க உதவுகிறது. கூடுதலாக, அரைத்த இஞ்சி செரிமானத்தை ஊக்குவிக்கிறது. எடை மேலாண்மைக்கு உதவுகிறது.
தேன் - இலவங்கப்பட்டை சேர்த்த கெமோமில் தேநீர்
கெமோமில் தேநீர் மன அழுத்தத்தை போக்கும் பண்புகளுக்கு நன்கு அறியப்பட்டதாகும். கெமோமில் தேநீரை இயற்கையான இனிப்புக்காக ஒரு டீஸ்பூன் தேனுடன் சேர்த்து, வளர்சிதை மாற்றத்தை அதிகரிக்கும் இலவங்கப்பட்டை தூளை தூவினால் ஒரு இனிமையான பானத்தை தயாரிக்கலாம். நீங்கள் தேர்ந்தெடுக்கும் தேன் கலப்படமற்றது என்பதை உறுதிப்படுத்திக் கொள்ளுங்கள். இந்த பானம் மனதை அமைதிபடுத்துவதோடு மட்டுமல்லாமல், இரவு நேர பசியைக் கட்டுப்படுத்தி, சிறந்த தூக்கத்தை ஊக்குவிப்பதன் மூலம் எடை நிர்வாகத்தை ஆதரிக்கிறது, இது எடை இழப்பு மற்றும் ஒட்டுமொத்த ஆரோக்கியத்திற்கு அவசியம்.
(பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.)
மேலும் படிக்க | ரொம்ப பிஸியா... உடற்பயிற்சி - டயட் இல்லாமலும் உடல் பருமனை குறைக்கலாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
