 "இந்த அறிகுறிகள் இருந்தால் உஷார் மக்களே!! கல்லீரலில் பிரச்சனை இருக்கலாம்!!")
)
Symptoms of Liver Failure: உடல் ஆரோக்கியம் தான் நாம் பெறக்கூடிய மிகப்பெரிய பாக்கியமாக கருதப்படுகின்றது. நோயற்ற வாழ்வே குறைவற்ற செல்வம் என கூறப்படுகின்றது. நம் உடலின் ஒவ்வொரு அங்கமும் பல வித முக்கியமான பணிகளை செய்கின்றன. இவை அனைத்தும் சரியாக வேலை செய்தால்தான் உடலின் ஒட்டுமொத்த இயக்கம் நன்றாக இருக்கும். உடலுக்கும் தேவையான பராமரிப்பு, வரக்கூடிய நோய்கள், பாதுகாக்கும் வழிகள் என அனத்தையும் நாம் அறிந்து வைத்திருக்க வேண்டும். ஆரோக்கியமற்ற வாழ்க்கை முறை நம் உடலில் பெரும் தாக்கத்தை ஏற்படுத்துகிறது. உடலில் ஏற்படும் பிரச்சனைகளுக்கு பெரும்பாலும் நமது உணவுமுறைதான் காரணமாக இருக்கின்றது. ஏனெனில் நாம் உண்ணும் உணவிலும், உட்கொள்ளும் பானத்திலும் சிறிது பிரச்சனை இருந்தாலும், அவை நமது உடலின் பல உறுப்புகளை பாதிக்கின்றது. அதில் முக்கியமான ஒன்று கல்லீரல். ஒழுங்கற்ற வாழ்க்கைமுறையாலும், ஆரோக்கியமற்ற உணவுமுறையாலும், கல்லீரல் செயலிழந்துவிடும் அச்சமும் உள்ளது.
கல்லீரல் (Liver) செயலிழந்தால், உணவு செரிமானத்திற்கு பித்தத்தை உருவாக்குதல், இரத்தத்திலிருந்து கழிவுப்பொருட்களை அகற்றுதல் போன்ற தன் செயல்பாடுகளை அதனால் சரியாகச் செய்ய முடியாமல் போகின்றது. கல்லீரல் திடீரென்று அதன் அனைத்து செயல்பாடுகளையும் செய்வதை நிறுத்துகிறது. அதே நேரத்தில், நாள்பட்ட நிலையில், கல்லீரல் செயலிழப்பு கல்லீரல் தொடர்பான நோய்களால் ஏற்படுகிறது. குடும்பத்தில் கல்லீரல் நோய்களுக்கான வரலாறு இருந்தாலும் இல்லாவிட்டாலும், இது இன்னும் பல காரணிகளால் ஏற்படலாம். கல்லீரல் செயலிழக்க காரணம் என்ன? கல்லீரல் செயலிழப்பின் அறிகுறிகள் என்ன? இதை பற்றி இந்த பதிவில் காணலாம்.
கல்லீரல் செயலிழப்புக்கான அறிகுறிகள்
தோலில் அரிப்பு
கல்லீரல் நோயில், அதிக அளவு பித்த உப்புகள் தோலின் கீழ் குவியத் தொடங்குகின்றன. இது அரிப்பு பிரச்சனையை மேலும் அதிகரிக்கிறது. ஹை சீரம் அல்கலைன் பாஸ்பேடேஸ் (ALP) அளவுகளும் அரிப்புக்கு காரணமாகின்றன. ALP என்பது கல்லீரலில் காணப்படும் ஒரு நொதியாகும், இது கல்லீரல் நோய்களை பாதிக்கிறது. இது அரிப்பை அதிகரிக்கிறது.
வயிறு வீக்கம் மற்றும் வலி
கல்லீரல் இழைநார் வளர்ச்சியால் பாதிக்கப்பட்டவர்கள் வயிற்றின் வலது பக்கத்தில் லேசான அல்லது கூர்மையான வலியை அனுபவிக்கிறார்கள். சிரோசிஸில், திரவ குறைபாடு காரணமாக வயிற்றில் வலி மற்றும் வீக்கம் ஏற்படுகின்றது.
அதிக இரத்தப்போக்கு
கல்லீரல் நோயால் பாதிக்கப்பட்டவர்களுக்கு கடுமையான மற்றும் அவ்வப்போது காயங்கள் ஏற்படுவது மற்றும் அதிக இரத்தப்போக்கு ஆகியவை ஏற்படும் அபாயம் உள்ளது. ஏனென்றால், இந்த பிரச்சனை இருந்தால், கல்லீரல் இரத்தம் உறைவதற்கு உதவும் புரதங்களை உற்பத்தி செய்வதை நிறுத்துகிறது.
மலம் நிறம் மாற்றம்
கல்லீரல் பிரச்சனைகள் தொடங்கும் போது, செரிமானம் மோசமாகி மலம் இயல்பாக வெளியேறுவதில் பிரச்சனை ஏற்படலாம். இது தவிர, மலத்தின் நிறத்திலும் மாற்றம் ஏற்படும் வாய்ப்பு உள்ளது.
சோர்வு மற்றும் பலவீனம்
இரத்தத்தில் ஆக்ஸிஜன் குறைபாடு ஏற்பட்டால் உடலில் பலவீனம் உணரப்படுகிறது. ஊட்டச்சத்து குறைபாடும் சோர்வை ஏற்படுத்துகிறது. இந்த சோர்வு கடுமையானதாகவோ அல்லது லேசானதாகவோ இருக்கலாம். இது பல நாட்களுக்கும் தொடரலாம்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
