Lok Sabha Elections 2024: 18வது மக்களவை பொதுத்தேர்தலில் ப்திவான வாக்குகள் நாளை, ஜூன் 4ம் தேதி எண்ணப்படும். ஏப்ரல் 19ஆம் தேதி தொடங்கிய முதல் கட்ட வாக்குப்பதிவு ஜூன் 1ஆம் தேதி முடிவடைந்தது. மொத்தம் 7 கட்டங்களாக வாக்குப்பதிவு நடைபெற்றது குறிப்பிடத்தக்கது. நாளை தேர்தல் வாக்கு எண்ணிக்கை நடைபெற உள்ள நிலையில், வாக்குகள் எண்ணும் செயல்முறை குறித்து விரிவாக அறிந்து கொள்ளலாம்.
காலை 8 மணிக்கு தொடங்கும் வாக்கு எண்ணிக்கை
காலை எட்டு மணிக்கு, மின்னணு வாக்குப்பதிவு இயந்திரங்கள் பாதுகாப்பாக வைக்கப்பட்டுள்ள அறையில் இருந்து வாக்கு எண்ணும் கூடத்திற்கு மாவட்ட தேர்தல் அதிகாரியின் மேற்பார்வையில் கொண்டு செல்லப்படுகின்றன. இந்த நேரத்தில் அங்கு பலத்த பாதுகாப்பு போடப்பட்டுள்ளது. வெளிப்படைத்தன்மையை கடைபிடிக்கும் வகையில், தேர்தல் கமிஷன், இவிஎம் மெஷின்கள் வைக்கப்பட்டுள்ள அறையில் இருந்து வாக்கு எண்ணும் கூடத்திற்கு ஈவிஎம் இயந்திரங்களை கொண்டு வரும் போது, தொடக்கத்தில் இருந்தே கட்சிகளின் வாக்குச்சாவடி முகவர்கள் உடன் இருப்பார்கள்.
வாக்கு எண்ணும் கூடத்தில் அமைக்கப்பட்டுள்ள 14 மேஜைகள் அமைக்கப்பட்டுள்ளன
லோக்சபா தேர்தலுக்கான ஓட்டு எண்ணிக்கை கூடத்தில் மொத்தம் 14 மேஜைகள் அமைக்கப்பட்டிருக்கும். சில இடங்களில் அவற்றின் எண்ணிக்கையும் அதிகரிக்கலாம். சட்டசபை தேர்தலுக்காக ஏழு மேஜைகள் அமைக்கப்படும். இந்த மேஜைகள் அனைத்தும் ஒன்றையொன்று எதிர்கொள்ளும். வாக்கு எண்ணிக்கை சரியாக காலை எட்டு மணிக்கு தொடங்குகிறது. இது தேர்தல் ஆணையத்தால் நியமிக்கப்பட்ட தேர்தல் அதிகாரியால் கண்காணிக்கப்படுகிறது. தேர்தல் அதிகாரி மேற்பார்வையில் தபால் ஓட்டுகள் எண்ணும் பணி நடக்கிறது. இவிஎம் வாக்குகள் உதவி தேர்தல் அதிகாரி மேற்பார்வையில் எண்ணப்படுகின்றன. முதலில் தபால் வாக்குகள் எண்ணப்படுகிறது. அவற்றின் எண்ணிக்கை முடிந்ததும், EVM களில் பதிவான ஓட்டுகள் எண்ணப்படுகின்றன. முதல் சுற்றில் தபால் ஓட்டுகள் எண்ணும் பணி முடிவடையும்.
கட்சி முகவர்கள் முன் EVM மெஷின்கள் திறக்கப்படுகின்றன
வாக்கு எண்ணிக்கையை வெளிப்படைத் தன்மையுடன் நடத்த, அனைத்துக் கட்சிகளின் வாக்கு எண்ணும் முகவர்கள் முன்னிலையில் எண்ணுவதற்கான ஏற்பாடுகளை தேர்தல் ஆணையம் மேற்கொண்டு வருகிறது. EVM மெஷின்களில் பதிவான வாக்குகள் எண்ணப்படுவதை ஒரு குறிப்பிட்ட தூரத்தில் பார்த்து, அதைக் குறித்துக்கொள்ளும் வகையில் தடுப்பு அமைக்கப்பட்டுள்ளது. இவிஎம்மில் பதிவான வாக்குகளை எண்ணும் பணி முடிந்தவுடன், அதன் புள்ளி விவரங்களும், கட்சி ஏஜென்டுகளுக்கு தெரிவிக்கப்படும். தேர்தல் நடத்தும் அலுவலர் வாக்கு எண்ணப்பட்டது தொடர்பான புள்ளிவிவரங்களை பதிவு செய்யும் போது, அவர் இந்த தகவலை கட்சி முகவர்களிடம் கொடுக்கிறார். இந்த வழியில், ஒவ்வொரு வாக்கு பற்றிய தகவல்களும் இந்த முகவர்களிடம் இருக்கும். அனைத்து சுற்றுகளும் முடிந்த பிறகு, வெற்றி தோல்வியின் மொத்த புள்ளிவிவரங்கள் வெளியிடப்படுகின்றன. இந்தத் தரவை, முகவர்கள் சுழற்சி வாரியாகப் பதிவுசெய்யப்பட்ட தாங்கல் குறித்து வைத்துள்ள தரவைப் பொருத்தி பார்க்கலாம். ஆட்சேபனை இருப்பின், தேர்தல் நடத்தும் அதிகாரி அல்லது தேர்தல் அதிகாரியிடம் புகார் செய்யலாம்.
ஒவ்வொரு சுற்றிலும் ஒரே நேரத்தில் எத்தனை EVMகள் திறக்கப்படுகின்றன?
வாக்கு எண்ணிக்கைக்கான சுற்று எண்ணிக்கை குறித்த ஏற்பாடுகளை தேர்தல் ஆணையம் செய்துள்ளது. முதல் சுற்றில் தபால் வாக்குகள் எண்ணப்படுகின்றன. அதன் பிறகு EVM-ஐ திறக்கும் நேரம் வரும். ஒரு சுற்றில், 14 மேஜைகளில் 14 EVM இயந்திரங்கள் ஒரே நேரத்தில் திறக்கப்படுகின்றன. இந்த இயந்திரங்கள் அனைத்தும் எண்ணும் பணி முடிந்ததும் முதல் சுற்று நிறைவடையும். வாக்குச் சாவடிகளின் எண்ணிக்கை அதிகமாக இருந்தால் அவற்றின் எண்ணிக்கையும் அதிகரிக்கலாம்.
வெற்றி தோல்வி குறித்த நிலை எத்தனை சுற்றுகளில் தெளிவாகிறது?
அது அந்த இடத்தில் நடக்கும் வாக்களிப்பைப் பொறுத்தது. பல இடங்களில் எட்டு முதல் பத்து சுற்றுகளில் முடிவுகள் தெரிந்தாலும், அதிக வாக்குப்பதிவு காரணமாக நேரம் சில சமயங்கள் அதிக நேரம் எடுக்கலாம். சில இடங்களில் 100 சுற்றுகளுக்கு மேல் எண்ணிக்கை தொடர்கிறது. அத்தகைய சூழ்நிலையில், முழுமையான விவரத்தை பெற 60-70 சுற்றுகளுக்கு மேல் ஆகும். கடைசிச் சுற்றில் சில சமயங்களில் முடிவுகள் தலைகீழாக மாறலாம். வாக்கு எண்ணிக்கை தொடர்பான அனைத்து செயல்முறையையும் தேர்தல் ஆணையம் மிக வெளிப்படையான முறையில் கண்காணிக்க ஏதுவாக செய்துள்ளது.
VVPAT சீட்டுகள் எவ்வாறு பொருந்தி பார்க்கப்படுகின்றன?
மின்னணு வாக்குப்பதிவு இயந்திரங்களில் பதிவான வாக்குகளை எண்ணும் பணி முற்றிலுமாக முடிந்ததும், தேவைப்பட்டால், அந்த வாக்குகளை VVPAT சீட்டுகளுடன் பொருத்தி பார்க்கலாம். VVPAT வாக்காளர் ஒப்புகை சீட்டு என்றும் அழைக்கப்படுகிறது. இந்த இயந்திரத்தில், நாம் வாக்களித்ததும் எந்த கட்சி வககளித்தோம் என்பதை உறுதி செய்யும் ஓட்டுச் சீட்டு காகித வடிவில் பதிவாகும். இது வாக்களிக்கும்போது சுமார் ஏழு வினாடிகள் வாக்காளருக்குக் காட்டப்படும். அதன் பிறகு, அது இயந்திரத்தில் சேகரிக்கப்படுகிறது. VVPAT எண்ணிக்கையை சரிபார்க்க, வாக்கு எண்ணும் கூடத்தில் தனி மேஜை அமைக்கப்பட்டுள்ளது. இந்த சீட்டுகள் EVM வாக்குகளுடன் பொருந்தி பார்க்கலாம். இந்த செயல்முறையும் முற்றிலும் வெளிப்படைத்தன்மையுடன் நடக்கும்.
தேர்தல் முடிவுகள் வெளியான பிறகு கொடுக்கப்படும் சான்றிதழ்
வாக்கு எண்ணும் பணி முடிந்ததும், வெற்றி பெற்ற வேட்பாளருக்கு தேர்தல் ஆணையத்தால் சான்றிதழ் வழங்கப்படும். இந்த சான்றிதழை மாவட்ட தேர்தல் அதிகாரி வழங்குவார்
மேலும் படிக்க | அருணாச்சலப் பிரதேச சட்டப்பேரவைத் தேர்தலில் பாஜக அபார வெற்றி
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
