EPS Higher Pension: ஓய்வூதியதாரர்களுக்கு ஒரு நல்ல தகவல் வெளியாகியுள்ளது. நீங்களும் அதிக ஓய்வூதியம் பெற விரும்பினால், மத்திய அரசால் உங்களுக்கு சிறப்பு வசதி அளிக்கப்படுகிறது. அதன் பிறகு நீங்கள் ஒவ்வொரு மாதமும் பெறும் பணம் அதிகரிக்கும் எனவும் கூறப்படுகிறது. உயர் ஓய்வூதியத் திட்டத்தில் பயன்பெறுபவர்கள் வரும் ஜூன் 26ஆம் தேதி வரை விண்ணப்பிக்க அவகாசம் உள்ளது. அதாவது, உங்கள் கணக்கில் அதிகப் பணம் வேண்டுமானால், இன்னும் சில நாட்களே உள்ளன. இதில், இதுவரை 12 லட்சத்துக்கும் மேற்பட்டோர் விண்ணப்பித்துள்ளனர்.
EPFO அதன் ஊழியர்கள் எந்த விதமான பிரச்சனையையும் சந்திக்கக் கூடாது என்று கூறியுள்ளது. இதன்காரணமாக, உயர் ஓய்வூதியத் திட்டத்தைத் தொடங்க முடிவு செய்யப்பட்டுள்ளது. கடந்தாண்டு நவம்பர் 4ஆம் தேதி அன்று, உயர் ஓய்வூதியம் தொடர்பாக உச்ச நீதிமன்றம் ஒரு முக்கிய தீர்ப்பை வழங்கியது. இதற்காக, நான்கு மாதங்களுக்குள் புதிய விருப்பத்தை தேர்வு செய்யுமாறு கேட்டுக் கொள்ளப்பட்டது.
அளவு குறையலாம்
நீங்கள் அதிக ஓய்வூதிய விருப்பத்தைத் தேர்ந்தெடுத்தால், அவ்வாறு செய்வதன் மூலம், ஓய்வுக்குப் பிறகு பெறப்பட்ட பணத்தின் அளவு குறையலாம். ஆனால் உங்கள் மாதாந்திர ஓய்வூதியம் அதிகரிக்கும். இந்த திட்டத்தில் நன்மைகள் மற்றும் தீமைகள் உள்ளன என்று நிபுணர்கள் நம்புகின்றனர். உங்கள் வேலையில் இன்னும் சில வருடங்கள் இருந்தால், ஊழியரின் கவனம் மொத்தத் தொகையில் இருக்க வேண்டும்.
அதிக ஓய்வூதியத்திற்கு எவ்வாறு விண்ணப்பிப்பது?
- அதிக ஓய்வூதியத்திற்கு, முதலில் இ-சேவா போர்ட்டலுக்குச் செல்ல வேண்டும்.
- அதன் பிறகு பென்ஷன் ஆன் ஹையர் சாலரி என்பதைக் கிளிக் செய்யவும்.
- இப்போது நீங்கள் புதிய பக்கத்தை அடைவீர்கள், அங்கு நீங்கள் 2 ஆப்ஷனை காண்பீர்கள்.
- செப்டம்பர் 1, 2014ஆம் ஆண்டுக்கு முன் ஓய்வு பெறுபவர்கள் முதல் ஆப்ஷனை தேர்வு செய்ய வேண்டும்.
- இதைத் தவிர, நீங்கள் இன்னும் பணிபுரிந்து வருபவராக இருக்கிறீர்கள் என்றால், நீங்கள் இரண்டாவது ஆப்ஷனை தேர்ந்தெடுக்க வேண்டும்.
- UAN, பெயர், பிறந்த தேதி, ஆதார், மொபைல் போன்ற விவரங்களை நிரப்ப வேண்டும்.
- இப்போது உங்கள் ஆதார் இணைக்கப்பட்ட மொபைல் எண்ணில் OTP வரும். அதை உள்ளிட வேண்டும்.
ஓய்வூதியம் உயர்வு
EPFO கடந்த வாரம் அதன் செயல்முறை விவரங்களை வெளியிட்டது. ஊழியர்களின் ஓய்வூதியத் திட்டத்தின் (EPS) கீழ் அதிக ஓய்வூதியம் பெற பங்குதாரர்களும் அவர்களது முதலாளிகளும் கூட்டாக விண்ணப்பிக்கலாம் என்று கூறப்பட்டது. நவம்பர் 2022 இல், உச்ச நீதிமன்றம் ஊழியர்களின் ஓய்வூதியத் திட்டத்தை உறுதி செய்தது.
முன்னதாக, 2014இல் ஆகஸ்ட் 22ஆம் தேதி இபிஎஸ் திருத்தம், ஓய்வூதியம் பெறக்கூடிய சம்பள வரம்பை மாதம் ரூ 6,500 இல் இருந்து ரூ. 15,000 ஆக உயர்த்தியது. மேலும், உறுப்பினர்கள் மற்றும் அவர்களது முதலாளிகள் தங்கள் உண்மையான சம்பளத்தில் 8.33 சதவீதத்தை EPS க்கு பங்களிக்க அனுமதிக்கப்பட்டனர். இது தொடர்பாக EPFO தனது கள அலுவலகங்களுக்கு ஒரு சுற்றறிக்கையை வெளியிட்டுள்ளது.
மேலும் படிக்க | Google Pay பயனர்கள் UPI ஆக்டிவேட் செய்ய ஆதாரை பயன்படுத்தலாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
