Income Tax Saving Tips: நீங்கள் பின்பற்ற வேண்டிய வரியைச் சேமிப்பதற்கான ஐந்து வழிகள்!

Income Tax Saving Tips: பழைய வரி முறை மூலம் பிரிவு 80C மற்றும் வருமான வரிச் சட்டத்தின் பல பிரிவுகளின் கீழ் வரியைச் சேமிக்கலாம். வரி செலுத்துவோர் தங்கள் வரியை கணிசமாக சேமிக்க 5 வழிகள் பற்றி கீழே கொடுக்கப்பட்டு உள்ளது.

Finance News In Tamil: வேலை செய்பவராக இருந்தாலும் சரி, தொழிலதிபராக இருந்தாலும் சரி, புதிய நிதியாண்டில் வரியைச் சேமிப்பதற்கான நேரம் ஏப்ரல் 1, 2024 முதல் தொடங்கும். சேமிப்பு முதலீட்டுத் திட்டம் மூலம் வரிச் சலுகைகளைப் பெறுவது மட்டுமல்லாமல், வரி இல்லாத வருவாய் ஈட்டும் விருப்பத்தையும் வழங்குகிறது வரி சேமிப்பு. வருமான வரிச் சட்டம், 1961 படி, ஒரு நிதியாண்டில் வரி செலுத்துவோர் செய்திருக்கக்கூடிய பல்வேறு முதலீடுகள், சேமிப்புகள் மற்றும் செலவுகள் மூலம் விலக்குகள் பெற முடியும். ஆனால் அனைத்து கடன்கள், முதலீடுகள், சேமிப்புகளுக்கு வரி விலக்கு கிடைக்காது. அதற்கான சில விதிமுறைகள் உள்ளன. அதன் அடிப்படையில் மட்டுமே வரி விலக்கு பெற முடியும் என்பதை நினைவில் கொள்ளுங்கள்.

வெவ்வேறு சொத்து வகைகள் மற்றும் முதலீடுகள் மீது பல்வேறு வகையான வரிகள் விதிக்கப்படுகின்றன. முதலீட்டாளர்கள் தங்கள் போர்ட்ஃபோலியோவை செலுத்த வேண்டிய சாத்தியமான வரித் தொகையை கணக்கில் எடுத்துக்கொள்வது மற்றும் தனிநபரின் நிதி இலக்குகளுக்கு ஏற்ப திட்டமிடுவது முக்கியம். வரியைச் சேமிக்க உதவும் சில விருப்பங்கள் குறித்து பார்ப்போம்.

குழந்தைகளுக்கான பள்ளி கட்டணத்தில் வரி விலக்கு

உங்கள் குழந்தைகளுக்கான பள்ளி கட்டணத்தில் நீங்கள் வரி விலக்கு பெறலாம். இந்த வரிச் சலுகை 2015 ஆம் ஆண்டிலேயே நடைமுறைப்படுத்தப்பட்டாலும், பள்ளிக் கல்விக் கட்டண வரி விலக்கு கிக்குறித்டு யாரும் அதிகமாக பேசுவது இல்லை. பிரிவு 80C இன் கீழ் மற்றும் அதிகபட்சம் இரண்டு குழந்தைகளுக்கான கட்டணத்தில் இந்த விலக்கு பெறலாம்.

பெற்றோரின் மருத்துவச் செலவுகளுக்கு வரி விலக்கு

உங்கள் பெற்றோரின் மருத்துவச் செலவுக்கும் வரிவிலக்கு பெறலாம். இருப்பினும், இதற்கு, உங்கள் பெற்றோரின் வயது 60 அல்லது அதற்கு மேற்பட்டதாக இருக்க வேண்டியது அவசியம். இந்த வயதில், அவர்கள் அடிக்கடி நிறைய மருத்துவச் செலவுகளைச் செய்ய வேண்டியிருக்கும், அதில் நீங்கள் பிரிவு 80D இன் கீழ் வரி விலக்கு பெறலாம். இதன் கீழ், அதிகபட்சமாக ரூ.50,000 வரி விலக்கு பெறலாம்.

ஃபிக்ஸட் டெபாசிட் மூலம் வரி சலுகை

வரியைச் சேமிக்கும் நோக்கத்தில் ஃபிக்ஸட் டெபாசிட்டில் திட்டமிட்டு முதலீடு செய்தால், பல நன்மைகளைப் பெறலாம். பிரிவு 80C இன் எஃப்டி (FD) மூலம் ரூ. 1.5 லட்சம் வரை வரி விலக்கின் பலனைப் பெறலாம்.

வருமான வரிச் சட்டத்தின் 80சி பிரிவின் கீழ் அரசாங்கத்தின் கட்டுப்பாட்டில் உள்ள திட்டங்களில் முதலீடு செய்வதன் மூலம், ஒருவர் தனது மொத்த ஆண்டு வருமானத்தில் ரூ.1.5 லட்சம் வரை வரியைச் சேமிக்க முடியும். மூத்த குடிமக்கள் சேமிப்புத் திட்டம் (SCSS), சுகன்யா சம்ரித்தி யோஜனா (SSY), பொது வருங்கால வைப்பு நிதி (PPF) மற்றும் தேசிய ஓய்வூதியத் திட்டம் (NPS) ஆகியவற்றில் முதலீடு செய்யலாம்.

வீட்டு கடன் மூலம் வரி சலுகை

பிரிவு 80C-ன் கீழ், நீங்கள் வாங்கிய கடனின் அசல் தொகையைத் திருப்பிச் செலுத்த ஆண்டு வருமானத்தில் செலவழித்த தொகைக்கு ரூ. 1.5 லட்சம் வரை வரி விலக்கு பெறலாம். அதே நேரத்தில், பிரிவு 24(B) இன் கீழ் வட்டி செலுத்தும் தொகையில் ரூ.2 லட்சம் வரை தள்ளுபடி பெறலாம். ஐந்து ஆண்டுகளுக்குள் வீடு கட்டி முடிக்கப்பட்டால், பிரிவு 24(B)ன் கீழ் வரிச் சலுகைகளைப் பெறலாம். இதேபோல், முதல் முறையாக வீடு கட்டுபவர்கள் பிரிவு 80EEA இன் கீழ் வரித் தொகையில் அதிக சேமிப்பைப் பெறலாம்.

ஆயுள் காப்பீடு மூலம் வரி சலுகை

ஆயுள் காப்பீடு பாலிசிதாரர்களுக்கு பிரீமியம் செலுத்தும் வரிச் சேமிப்பின் பலனை வழங்குகிறது. செலுத்தப்பட்ட பிரீமியத்தின் அளவு பிரிவு 80C இன் கீழ் வருகிறது.  உங்கள் பெற்றோரின் ஆரோக்கியத்தையும் கவனித்துக்கொள்வதன் மூலம் உங்கள் வரிகளைச் சேமிக்கலாம். உங்கள் பெற்றோருக்கு உடல்நலக் காப்பீடு செய்தால், பிரீமியம் தொகைக்கு வரி விலக்கு கிடைக்கும்.

65 வயதுக்குட்பட்ட பெற்றோரின் உடல்நலக் காப்பீட்டில் ரூ.25,000 வரையிலான பிரீமியத்திற்கு வரி விலக்கு கிடைக்கும். உங்கள் பெற்றோர் 65 வயதுக்கு மேல் இருந்தால், 50,000 ரூபாய் வரை வரி விலக்கு பலன் கிடைக்கும்.

வீட்டு வாடகை மூலம் வரி சலுகை பெறலாம்

நீங்கள் உங்கள் பெற்றோருடன் சேர்ந்து சொந்த வீட்டில் வாழ்ந்து வருகிறீர்கள் என்றால், உங்களால் HRA ஐப் பெற முடியாது என நினைக்க வேண்டாம். உங்கள் பெற்றோருக்கு வாடகை செலுத்தி, அதன்மூலம் நீங்கள் HRA ஐப் பெறலாம் மற்றும் வீட்டு வாடகைக்கான வரி சலுகை பெறலாம்.

வருமான வரிச் சட்டத்தின் பிரிவு 10(13A) இன் கீழ், உங்கள் பெற்றோரை வாடகைகாரர்களாகக் காட்டி HRA இல் வரி விலக்கு பெறலாம். அதேநேரத்தில் நீங்கள் வேறு ஏதேனும் வீட்டு வரிச் சலுகையைப் பெறுகிறீர்கள் என்றால், உங்களால் HRA ஐப் பெற முடியாது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!