மார்ச் 31, 2024 வரை இந்தியப் பயணிகளுக்கு இலவச விசாவை வழங்குவதாக இலங்கை அரசு முடிவு செய்துள்ளது. ஒரு பைலட் திட்டத்தின் ஒரு பகுதியாக இந்த திட்டத்தை அறிமுகப்படுத்தி உள்ளது. இதனால் அந்த நாட்டில் சுற்றுலா செல்ல அதிகமான வாய்ப்புகள் தற்போது கிடைத்துள்ளது. இந்த புதிய நடவடிக்கையானது, அந்த நாட்டின் வளர்ந்து வரும் சுற்றுலாத் துறைக்கு புத்துயிர் அளிப்பதை நோக்கமாகக் கொண்டுள்ளது. மேலும், ரஷ்யா, சீனா, தாய்லாந்து, மலேசியா, இந்தோனேசியா மற்றும் ஜப்பான் ஆகிய ஆறு நாடுகளுக்கும் இந்த திட்டம் அமல்படுத்தப்பட்டுள்ளது. கண்கவர் தீவுகள், கடற்கரைகள், ஆச்சர்யமளிக்கும் வனவிலங்குகள், சுவையான உணவு வகைகள் மற்றும் பாரம்பரிய கலாச்சாரம் ஆகியவற்றிற்கு பெயர் பெற்ற இலங்கைக்கு உலகம் முழுவதிலுமிருந்து சுற்றுலாப் பயணிகள் வருகிறார்கள். இந்தியப் பயணிகளுக்கான விசா கட்டுப்பாடுகளை இலங்கை அரசு தளர்த்துவதால், இலங்கை உள்ள சில சுற்றுலா தளங்களின் மதிப்பு அதிகரிக்க வாய்ப்பு உள்ளது.
உடா வளவே தேசிய பூங்கா (Uda Walawe National Park)
இலங்கையில் உள்ள உடா வாலாவே தேசிய பூங்கா நமக்கு கிழக்கு ஆபிரிக்காவை நினைவூட்டும். புல்வெளிகள், நீர்நிலைகள் மற்றும் காடுகளின் இந்த பரந்த பரப்பில் எருமைகள், சாம்பார் மான்கள், முதலைகள், வெப்பமண்டல பறவைகள் மற்றும் நூற்றுக்கணக்கான யானைகள் உட்பட பல்வேறு வகையான வனவிலங்குகள் உள்ளன. வனவிலங்கு ஆர்வலர்கள் இந்த விலங்குகளை அவற்றின் இயற்கையான வாழ்விடத்திற்கு இடையூறு செய்யாமல் பார்க்க இந்த பூங்கா ஒரு வாய்ப்பை வழங்குகிறது.
சிகிரியா (Sigiriya)
காடுகள், நீர்த்தேக்கங்கள் மற்றும் பிற கட்டமைப்புகளின் விரிவான வலையமைப்பினால் சூழப்பட்ட 200 மீட்டர் உயரமுள்ள பாறையின் மேல் உள்ள அரண்மனை இடிபாடுகளுக்கு சிகிரியா பிரபலமானது. இந்த பாறை ஒரு பண்டைய நீண்ட அழிந்துபோன எரிமலையில் இருந்து எஞ்சியிருக்கும் ஒரு எரிமலை பிளக் ஆகும்.
இது இலங்கையின் மிகவும் வசீகரிக்கும் காட்சி ஆகும். இந்த பாறை வெளிப்பகுதி செங்குத்து சுவர்களைக் கொண்டுள்ளது. செழிப்பான வனப்பகுதிகளுக்கு மத்தியில் சிகிரியாவின் அழகை கண்டுகளிக்கலாம். பழங்கால இலங்கை வரலாற்றின் படி, இந்த பகுதி ஒரு பெரிய காடாக இருந்தது. பின்னர் புயல்கள் மற்றும் நிலச்சரிவுகளுக்குப் பிறகு அது ஒரு மலையாக மாறியது மற்றும் காஷ்யப மன்னரால் (கி.பி. 477-495) தனது புதிய தலைநகருக்காக தேர்ந்தெடுக்கப்பட்டது. அவர் தனது அரண்மனையை இந்த பாறையின் மேல் கட்டினார்.
மிரிஸ்ஸா (Mirissa)
இலங்கையின் தெற்கு கடற்கரையில் உள்ள மிரிஸ்ஸா பெரும்பாலும் இலங்கையின் சிறந்த கடற்கரையாகக் கருதப்படுகிறது. இந்த பீச் அதிகமான சுற்றுலா பயணிகளை ஈர்க்கிறது. மணல், பனைமரம் என மிகச்சிறந்த கடற்கரைக் காட்சியை கொண்டுள்ளது. டால்பின்களைப் பார்ப்பதற்கு பெயர் பெற்றது. பிரமிக்க வைக்கும் மிரிஸ்ஸா கடற்கரையானது சர்ஃபிங் மற்றும் ஸ்நோர்கெலிங் போன்ற விளையாட்டுகளுக்கான பிரபலமான தளமாகும்.
அனுராதபுரம் (Anuradhapura)
அனுராதபுரம் இலங்கையின் பண்டைய தலைநகராக புகழ் பெற்றது. இந்த இடம் சிங்கள நாகரிகத்தின் நன்கு பாதுகாக்கப்பட்ட இடிபாடுகளைக் கொண்டிருப்பதற்கும் பிரபலமானது. இந்த இடம் வரலாற்று முக்கியத்துவம் வாய்ந்தது. அநுராதபுரம் உயரமான டகோபாக்கள், பாழடைந்த மடங்கள் மற்றும் புனித குளங்கள் என இலங்கையின் ஆன்மீக வரலாற்றுக்கு பெயர் பெற்றது. இந்த பிரம்மாண்டமான கட்டமைப்புகளுக்கு மத்தியில் சைக்கிள் ஓட்டுவது மறக்க முடியாத அனுபவமாகும். அநுராதபுரம் விஜய மன்னரின் அமைச்சரால் நிறுவப்பட்டது, அவருடைய பெயர் அனுராதா. கிமு 6 ஆம் நூற்றாண்டின் பிற்பகுதியில் இந்தோ ஆரிய வம்சாவளியைச் சேர்ந்த விஜயா மன்னன் இலங்கைக்கு வந்து இந்த பகுதியில் குடியேறினார்.
டெல்ஃப்ட் தீவு (Delft Island)
யாழ்ப்பாணப் பெருநிலப்பரப்பில் இருந்து 30 கிலோமீற்றர் தொலைவில் அமைந்துள்ள டெல்ஃப்ட் தீவு, கலாசார சூழ்ச்சிகள் நிறைந்த இடமாகும். இன்னும் இந்த பகுதிகளில் டச்சு மற்றும் போர்த்துகீசிய காலனித்துவ காலத்தின் வாழ்வியலை நம்மால் பார்க்க முடியும். டெல்ஃப்ட் கோட்டை, ஹனுமான் கால்தடம், புறா கூடு மற்றும் டச்சு குதிரை லாயங்கள் உள்ளிட்ட கவர்ச்சிகரமான இடங்களை இந்த தீவு கொண்டுள்ளது.
நீர்கொழும்பு (Negombo)
கொழும்பில் இருந்து சிறிது தூரத்தில் உள்ள நீர்கொழும்பு, இலங்கையின் கலாச்சார ரீதியாக வேறுபட்ட நகரங்களில் ஒன்றாகும். இது காலனித்துவ சகாப்தத்திற்கு முந்தைய கதீட்ரல்கள் மற்றும் தேவாலயங்கள் உட்பட எண்ணற்ற மத கட்டிடங்களுக்கு சொந்தமானது. மதப் பன்முகத்தன்மை காரணமாக 'லிட்டில் ரோம்' என்று அழைக்கப்படும் நீர்கொழும்பு, தனித்துவமான திருவிழாக்கள், ஒரு வரலாற்று கோட்டை, டச்சு கால்வாய் மற்றும் நிகரற்ற கடல் உணவு கொண்ட நகரமாகும். இங்கு ஏராளமான பறவைகளை காணலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
