close

News WrapGet Handpicked Stories from our editors directly to your mailbox

தோனியின் ரசிகர்களுக்கு இந்த ஹோட்டலில் இலவச உணவு...

தான் நடத்து ஹோட்டலில் தோனியின் ரசிகர்களுக்கு இலவசமாக உணவு வழங்கி வருகிறார் தோனியின் தீவிர ரசிகர் ஒருவர்!!

Updated: Jun 16, 2019, 02:23 PM IST
தோனியின் ரசிகர்களுக்கு இந்த ஹோட்டலில் இலவச உணவு...

தான் நடத்து ஹோட்டலில் தோனியின் ரசிகர்களுக்கு இலவசமாக உணவு வழங்கி வருகிறார் தோனியின் தீவிர ரசிகர் ஒருவர்!!

இந்திய கிரிக்கெட் அணியின் கேப்டன் தல தோனி காலத்திலும், களத்துக்கு வெளியேவும் தனது மகளுடன் செய்யும் க்யூட் விஷயங்கள் வைரலாவது வழக்கம். இவருக்கு இந்தியாவில் மட்டும் அல்ல; உலகம் முழுவதும் ரசிகர்கள் உள்ளனர் என்பது பலராலும் மறுக்கமுடியாத உண்மை. அதிலும், வெறித்தனமான ரசிகர்கள் சிலர் இவருக்காக பல்வேறு வித்தியாசமான சேவைகளை செய்தும் வருகின்றனர். 

அந்தவகையில், பிரபல கிரிக்கெட் வீரர் தோனியின் ரசிகர் ஒருவர் மேற்குவங்கத்தில் தான் நடத்தி வரும் ஹோட்டலில் தோனியின் ரசிகர்களுக்கு இலவசமாக உணவு வழங்கி வருகிறார்.  மேற்குவங்கத்தில் அலிபுர்துவார் (Alipurduar) என்ற பகுதியில் சிறிய ஹோட்டல் ஒன்றை நடத்தி வருபவர் ஷம்பு போஸ். அவர் அந்த ஹோட்டளுக்கு 'MSதோனி' என்றே பயர் வைத்துள்ளார். இங்கு உணவு உண்ணவரும் வாடிக்கையாளர்கள் தான்கள் தோனியின் ரசிகர்கள் என்று கூறினால் இலவச உணவு வழங்கப்படுகிறதாம்.

இதுகுறித்து ஹோட்டலின் உரிமையாளர் ஷம்பு போஸ் கூறுகையில்;  "கிரிக்கெட்டில் எனக்கு சிறு வயது முதலே ஆர்வம் உண்டு. அதேமாதிரி கிரிக்கெட் வீரர் தோனியின் வெறித்தனமான ரசிகன் நான். எனது கிரிக்கெட் கனவு நிறைவேறவில்லை. எனவே, கிரிக்கெட் ரசிகர்களுக்கு ஏதாவது செய்யலாம் என்று தோன்றியது. எனது திருப்திக்காக தோனியின் ரசிகர்களுக்கு இலவச உணவு அளித்து வருகிறேன். இங்கு பெங்காலி உணவுகள் வழங்கப்பட்டு வருகிறது. இது சிறிய கடை என்றாலும் 'தோனி ஹோட்டல்' என்று சொன்னால் தெரியாதவர்கள் யாரும் இல்லை. இந்த ஹோட்டல் தொடங்கி இரண்டு வருடம் நிறைவைடைகிறது. எனது சேவையை தொடர்ந்து வழங்குவேன்.

அதேபோன்று என் வாழ்நாளில் தோனியை ஒருமுறை சந்தித்தால் எனது ஹோட்டலுக்கு வந்து உணவருந்தும்படி அழைப்பேன். அதுவே இப்போதைக்கு எனது கனவு" என்று உணர்ச்சி பொங்கக் கூறியுள்ளார்.