'தளபதி 67' படத்தில் விஜய்க்கு வில்லனாகும் பிரபல இயக்குனர்?

லோகேஷ் கனகராஜ் இயக்கத்தில் விஜய் நடிக்கவுள்ள 'தளபதி 67' படத்தில் கிட்டத்தட்ட ஆறு வில்லன்கள் நடிக்க இருப்பதாக தகவல்கள் வெளியாகி இருக்கிறது.

வம்சி பைடிப்பள்ளி இயக்கத்தில் விறுவிறுப்பாக நடைபெற்று கொண்டிருக்கும் 'வாரிசு' படத்தின் பணிகளில் நடிகர் விஜய் தற்போது முழு கவனம் செலுத்தி வருகிறார்.  தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரிக்கும் இந்த படத்தில்  ரஷ்மிகா மந்தனா, சரத்குமார், ஷாம், பிரபு, ஸ்ரீகாந்த், எஸ்.ஜே. சூர்யா, பிரகாஷ் ராஜ், ஜெயசுதா, யோகி பாபு, சங்கீதா கிரிஷ் மற்றும் சம்யுக்தா போன்ற பலர் நடித்து வருகின்றனர்.  சமீபத்தில் சரத்குமாரை நடிகர் விஜய் மருத்துவமனையில் அனுமதிப்பது போன்ற இமோஷனல் நிறைந்த காட்சி படமாக்கப்பட்டது, அதில் நடிகர் பிரபு மருத்துவராக நடித்திருந்தார்.  

வாரிசு படம் பற்றிய அப்டேட்டுகள் அடிக்கடி வந்தாலும் ரசிகர்கள் பலரும் எதிர்பார்ப்பது என்னவோ 'தளபதி 67' தான்.  லோகேஷ் இயக்கத்தில் செவன் ஸ்க்ரீன் ஸ்டுடியோஸ் தயாரிப்பில் விஜய் நடிக்கவுள்ள 'தளபதி 67' படத்திற்கு ஏகப்பட்ட எதிர்பார்ப்பு உள்ளது, அதேசமயம் ரசிகர்களின் எதிர்பார்ப்பை மென்மேலும் தூண்டிவிடும் வகையில் இப்படம் குறித்த தகவல்கள் பல அடுக்கடுக்காக வெளியாகிக்கொண்டே இருக்கிறது.  இப்படத்தில் மொத்தம் ஆறு வில்லன்கள் இருப்பதாக ஏற்கனவே சில தகவல்கள் வெளியானது.  வில்லன் கதாபாத்திரத்தில் நடிக்க பிரித்விராஜ் சுகுமாரன், சஞ்சய் தத் மற்றும் ஆக்ஷன் கிங் அர்ஜுன் ஆகியோரிடம் பேச்சுவார்த்தை நடத்தி வருவதாகவும் கூறப்பட்டது.  

இந்நிலையில் தற்போது வெளியாகியுள்ள லேட்டஸ்ட் தகவல்களின்படி, 'தளபதி-67' படத்தில் கவுதம் வாசுதேவ் மேனன் வில்லனாக நடிக்கப்போவதாக தகவல்கள் வெளியாகியுள்ளது.  இந்த செய்தி உறுதியானால் விஜய்-கவுதம் மேனன் நடிக்கும் முதல் படம் இதுவாகும்.  கடந்த 2010ல் கவுதம் வாசுதேவ் மேனன் இயக்கத்தில் யோகன் அத்தியாயம் ஒன்று என்கிற படத்தில் தளபதி விஜய் நடிப்பதாக அறிவிப்பு வெளியானது, ஆனால் சில காரணங்களால் இப்படம் கைவிடப்பட்டது.  விஜய் மற்றும் கவுதம் மேனன் இணையப்போவதாக வெளிவந்துள்ள செய்திகள் ரசிகர்களிடம் உற்சாகத்தை அளித்துள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ