Vettaiyan Release Date: ரசிகர்களால் ‘சூப்பர் ஸ்டார்’ என்று அன்புடன் அழைக்கப்படும் நடிகர், ரஜினிகாந்த். இவர், தனது 170வது படத்தில் தற்போது நடித்து வருகிறார். இந்த படத்திற்கு சில வாரங்களுக்கு முன்பு ‘வேட்டையன்’ என்ற தலைப்பு வைக்கப்பட்டது. இந்த படத்தின் ரிலீஸ் தேதி எப்போது தெரியுமா?
வேட்டையன் திரைப்படம்:
ரஜினிகாந்த் நடித்த ஜெயிலர் படம் கடந்த ஆண்டு வெளியான கையோடு அவர் கமிட் ஆன படம், தலைவர் 170. இந்த படத்திற்கு சில வாரங்களுக்கு முன்பு ‘வேட்டையன்’ என பெயரிடப்பட்டது. இப்படத்தை, ‘ஜெய்பீம்’ புகழ் டி.ஜே.ஞானவேல் இயக்கி கொண்டு இருக்கிறார். ஏற்கனவே தனக்கு பழக்கமான இயக்குநர்கள், தனக்கு ஏற்ற கதைகளை எடுத்துக்கொண்டு வந்தால் அதைதேர்ந்து எடுத்து நடித்து கொண்டு வந்திருந்தார், ரஜினி. ஆனால் அவரும் கடந்த சில வருடங்களாக புது இயக்குநர்களுக்கும், இளம் இயக்குநர்களுக்கும் தன் படங்களை இயக்க வாய்ப்பு கொடுத்து வருகிறார். அந்த வகையில், அவர் நடித்து வரும் படம்தான், வேட்டையன்.
ரிலீஸ் எப்போது?
வேட்டையன் திரைப்படத்தின் படப்பிடிப்பு தற்போது தமிழகத்தின் பல்வேறு பகுதிகளில் நடைப்பெற்று வருகிறது. இதில் நடிகர் ரஜினிகாந்தும் கலந்து கொண்டு வருகிறார். இப்படம், வரும் தீபாவளியை முன்னிட்டு வெளியாவதாக தகவல்கள் வெளியாகியுள்ளது.
விரைவில் முடிகிறது ஷூட்டிங்..
வேட்டையன் படத்தின் படப்பிடிப்பு, சென்னை, கன்னியாகுமரி உள்ளிட்ட இடங்களில் தொடங்கி நடைப்பெற்று வந்தது. இன்னும் சில வாரங்களில் இதன் படப்பிடிப்பு முடியும் என எதிர்பார்க்கப்படுகிறது. இதையடுத்து வேட்டையன் படத்தின் போஸ்ட் ப்ரொடக்ஷன் பணிகளும் தொடங்க உள்ளது.
மேலும் படிக்க | Kavin: கவினுக்கு ஜாேடியாக நடிக்கும் நயன்தாரா!? இதை எதிர்பாக்கவே இல்லையே..
ரஜினியின் அடுத்த படம்..
நடிகர் ரஜினிகாந்த், வேட்டையன் படத்தை அடுத்து, தனது 171வது படத்தில் நடிக்க இருக்கிறார். இந்த படத்தை லோகேஷ் கனகராஜ் இயக்குகிறார். இந்த படத்திற்கு அனிருத் இசையமைக்கிறார். இதற்கான கதை எழுதும் பணிகள் தொடர்ந்து நடைப்பெற்று வருகிறது.
வேட்டையன் படக்குழு…
வேட்டையன் படத்தில் பாலிவுட், மாலிவுட் வரை பல முன்னணி நடிகர்கள் முக்கிய பாத்திரங்களில் நடிக்கின்றனர். குறிப்பாக, வட இந்திய சூப்பர் ஸ்டார், அமிதாப் பச்சன் நடிக்கிறார். இவர் மட்டுமல்லாமல், ராணா டகுபதி, பகத் பாசில், ரக்ஷன், ரித்திகா சிங், மஞ்சு வாரியர், துஷாரா விஜயன் உள்ளிட்டோர் முக்கிய பாத்தரங்களாக நடிக்கின்றனர். இந்த படக்குழுவை ரஜினிகாந்துடன் பார்க்க ரசிகர்கள் ஆர்வமுடன் காத்துக்கொண்டுள்ளனர்.
மேலும் படிக்க | விடாமுயற்சி படத்தின் ஆக்ஷன் காட்சி லீக்.. வைரலாகும் புகைப்படங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
