வைரல் வீடியோ: இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.
விலங்குகள் வாயில்லா ஜீவங்களாக இருக்கலாம். அனால், அவற்றுக்கும் இதயம் உள்ளது. அதில் உணர்ச்சிகள் உள்ளன. விலங்குகளுக்கு இடையே நட்புணர்வும் அதிகமாக உள்ளது. தான் நட்பு பாராட்டும் விலங்குக்கு ஒரு துன்பம் என்றால், அதற்காக படாத பாடு படும் பல விலங்குகளின் வீடியோக்களை நாம் சமூக ஊடகங்களில் பார்த்துள்ளோம். இதில் பல வீடியோக்கள் நம்மை அதிசய வைக்கும் வகையில் இருப்பதுண்டு.
அப்படிப்பட்ட ஒரு வீடியோ தற்போது சமூக ஊடகங்களில் வைரல் ஆகி வருகின்றது. இதை பார்த்தாலும் நம்மால் நம்ப முடியவில்லை. இணையவாசிகளை இந்த வீடியோ அதிசயிக்க வைத்துள்ளதோடு ஆச்சரியத்திலும் ஆழ்த்தியுள்ளது. இந்த வீடியோ இணையத்தில் புயலை கிளப்பியுள்ளது என்றே கூறலாம். இதில் ஒரு தைரியமான நாய் நீரில் மூழ்கிய பூனையை மீட்பதை காண முடிகின்றது. இந்த வீடியோ நம் மனங்களை கவரும் வகையில் உள்ளது. ட்விட்டரில் பரவலாகப் பகிரப்பட்ட வைரல் கிளிப், ஒன்றுக்கொன்று உதவி செய்யும்போது விலங்குகள் கொண்டிருக்கும் குறிப்பிடத்தக்க பிணைப்பு மற்றும் இரக்கத்தைக் காட்டுகிறது.
"தண்ணீரில் விழுந்த தனது பயந்துபோன பூனை நண்பனைக் காப்பாற்ற டைவ் அடித்த நாய்" என்ற தலைப்புடன் இந்த வீடியோ பகிரப்பட்டுள்ளது. ஒரு பூனை தண்ணீரில் விழுந்த மிதக்க போராடுகிறது. அதைக் காணும் நாய் ஒன்று தானும் தண்ணீரில் குதித்து பூனையை காப்பாற்றுகிறது. பூனை தண்ணீருக்குள் இருக்கும் தருணங்கள் பதட்டமான சூழ்நிலையைக் காட்சிப்படுத்துகிறது. தெளிவாக மன உளைச்சலுக்கு ஆளாகிய பூனை உயிரை காப்பாற்றிக்கொள்ள எதை பற்றிக்கொள்ளலாம் என போராடுகிறது.
மேலும் படிக்க | சின்னஞ்சிறு பறவையை சித்திரவதை செய்யும் மனித மிருகம்... மனதை பதற வைக்கும் வீடியோ!
பூனையின் துயரத்தைக் கண்டு, அருகில் உள்ள நாய், அந்த பூனைக்கு உதவ உறுதியுடன் விரைவாகச் செயலில் இறங்குகிறது. அசைக்க முடியாத உறுதியுடன், நாய் அதன் தாடைகளைப் பயன்படுத்தி பூனையைப் பிடிக்கிறது. அதைப் பாதுகாப்பான இடத்திற்கு கொண்டுவர முயற்சிக்கிறது. இருப்பினும், நாய் என்னதான் துணிச்சலாக செயல்பட்டாலும், அதன் ஆரம்ப முயற்சி தோல்வியடைந்தது. போராடும் பூனையைக் காப்பாற்ற, தன் பாதுகாப்பை பணயம் வைத்து, தயக்கமின்றி, நாய் தண்ணீருக்குள் குதித்து, குறிப்பிடத்தக்க தைரியத்தை வெளிப்படுத்துகிறது. நாய் எப்படியோ பூனையை தனது முதுகில் ஏற்றி விடுகிறது. இப்போது நாயின் முதுகில் பூனை அமர்ந்திருக்கும் நிலையில், நாய் பூனையை முதலில் தண்ணீரிலிருந்து வெளியேற்றுகிறது. பின்னர் மெதுவாக தானும் வெளியே வருகிறது. இந்த வகையில் நாயின் அசாத்திய துணிச்சலால் இந்த மீட்புப் பணி நல்ல படியாக முடிந்து பூனை காப்பாற்றப்படுகின்றது.
நாயின் அசாத்திய துணிச்சலால் உயிர் பிழைத்த பூனையின் வீடியோவை இங்கே காணலாம்:
A dog dives to save his scared cat friend who has fallen into the water pic.twitter.com/gNVVUXUVGn
— Gabriele Corno (@Gabriele_Corno) March 1, 2023
வீடியோ வைரல் ஆனது
இந்த வீடியோ சமூக ஊடக தளமான ட்விட்டரில் @Gabriele_Corno என்ற பக்கத்தில் பகிரப்பட்டுள்ளது.
இதற்கு ஏகப்பட்ட வியூஸ்களும் லைக்குகளும் கிடைத்துள்ளன. இணையவாசிகள் இதற்குபல வித கமெண்டுகளை அளித்து வருகிறார்கள்.
(பொறுப்புத் துறப்பு: இந்த பதிவில் பகிரப்பட்டுள்ள வீடியோவும், கொடுக்கப்பட்டுள்ள தகவல்களும் சமூக ஊடகங்களிலிருந்து எடுக்கப்பட்டவை. இவற்றை ஜீ தமிழ் நியூஸ் எந்த விதத்திலும் பரிந்துரைக்கவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
