உலக டெஸ்ட் சாம்பியன்ஷிப் இறுதிப் போட்டிக்கு இந்திய அணிக்கு இன்னும் ஆறு டெஸ்ட் போட்டிகள் மட்டுமே எஞ்சியுள்ள நிலையில், முக்கிய வீரர்கள் காயத்தால் பாதிக்கப்பட்டுள்ளதால் இந்திய அணி தடுமாற்றத்தில் உள்ளது. உலக டெஸ்ட் சாம்பியன்ஷிப் (WTC) புள்ளிகள் பட்டியலில் முதல் இரண்டு இடங்களுக்கு தங்களைத் தக்கவைத்துக் கொள்ள இந்திய அணி, வங்கதேசத்தில் இரண்டு மற்றும் ஆஸ்திரேலியாவுக்கு எதிரான நான்கு டெஸ்ட் போட்டிகளையும் உள்ளடக்கிய ஆறு டெஸ்ட் போட்டிகளிலும் வெற்றி பெற வேண்டும். இந்த 6 டெஸ்ட் போட்டிகளில் ஒரு போட்டியில் தோல்வி அடைந்தாலும், இறுதி போட்டிக்கு செல்லும் வாய்ப்பு பறிபோகலாம்.
மேலும் படிக்க | IPL 2023 : மினி ஏலத்தின் விதிகள் முதல் அணிகளின் கையிருப்பு தொகை வரை - முழு விவரம்
உலக டெஸ்ட் சாம்பியன்ஷிப் இறுதி போட்டி ஜூன் 2023ல் லண்டனில் உள்ள ஓவல் மைதானத்தில் நடைபெறும். காயம் அடைந்த ரோஹித் சர்மா, ஜஸ்பிரித் பும்ரா, ரவீந்திர ஜடேஜா மற்றும் முகமது ஷமி ஆகியோர் இல்லாமல் இந்திய அணி களமிறங்குகிறது. ஜூலை மாதம் எட்ஜ்பாஸ்டனில் ஒத்திவைக்கப்பட்ட ஐந்தாவது டெஸ்டில் இங்கிலாந்திடம் ஏழு விக்கெட் வித்தியாசத்தில் தோல்வி அடைந்த பிறகு முதல் டெஸ்ட்டில் விளையாட உள்ளது. தற்போது, இந்திய அணி 52.08 சதவீத புள்ளிகளுடன் நான்காவது இடத்திலும், ஆஸ்திரேலியா (75 சதவீத புள்ளிகள்) மற்றும் தென்னாப்பிரிக்கா (60 சதவீத புள்ளிகள்) முதல் மற்றும் இரண்டாவது இடத்திலும் உள்ளன.
மேற்கிந்தியத் தீவுகளுக்கு எதிரான டெஸ்ட் தொடரை 2-0 என்ற கணக்கில் வென்ற ஆஸ்திரேலியா, முதலிடத்தை நிலைநிறுத்தியுள்ளது, மேலும் முதல் இரண்டு இடங்களிலிருந்து அவர்களை இடமாற்றம் செய்வது கடினம். அதே நேரத்தில் தென்னாப்பிரிக்கா தனது இரண்டாவது இடத்தைத் தக்க வைத்துக் கொள்ள விரும்புகிறது. ஆஸ்திரேலியாவுக்கு எதிரான மூன்று போட்டிகள் கொண்ட தொடர் மற்றும் மேற்கிந்திய தீவுகளுக்கு எதிராக சொந்த மண்ணில் இரண்டு டெஸ்ட் போட்டிகள் உள்ளன. இலங்கை 53.33 சதவீத புள்ளிகளுடன் அட்டவணையில் மூன்றாவது இடத்தில் உள்ளது, இறுதி போட்டிக்கு செல்வதற்கான மெலிதான வாய்ப்பு அவர்களுக்கு உள்ளது மற்றும் நியூசிலாந்திற்கு எதிராக மார்ச் மாதம் WTC சுழற்சியின் கடைசி டெஸ்ட் தொடரை விளையாடுவதற்கு முன் பல முடிவுகள் அவர்களுக்கு சாதகமாக இருக்கும்.
மேலும் படிக்க | அயர்லாந்து கிரிக்கெட் அணியில் சஞ்சு சாம்சன்? வாய்ப்பு கிடைக்காததால் முடிவு?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
