நியூயார்க்: நியூயார்க்கில் குற்றப்பத்திரிகை தாக்கல் செய்யப்பட்ட சில நாட்களுக்குப் பிறகு, தனது முதல் ஊடக பேட்டியில், முன்னாள் அமெரிக்க அதிபர் டொனால்ட் டிரம்ப், பிரான்ஸ் அதிபர் இம்மானுவேல் மேக்ரான் சீனாவின் முன் தலைவணங்குவதாக குற்றம் சாட்டியுள்ளார்.
ஃபாக்ஸ் நியூஸ் தொகுப்பாளர் டக்கர் கார்ல்சனுக்கு பேட்டியளித்த டிரம்ப், “பிரான்ஸ் அதிபர் இம்மானுவேல் மேக்ரான் சீனாவில் ஜி ஜின்பிங்கை சந்தித்து அவரது ......... முத்தமிட்டுள்ளார்” என்று அமெரிக்க முன்னாள் அதிபர் கூறினார்.
இந்த நேர்காணலின் போது, தான் பதவியை விட்டு வெளியேறியதிலிருந்து அமெரிக்கா உலகில் அதன் செல்வாக்கை இழந்துவிட்டது என்று டிரம்[ வருந்தினார். குடியரசுக் கட்சியின் சார்பில் அதிபர் வேட்பாளராக டொனால்டு டிரம்ப் களம் இறங்கலாம் என்ற எதிர்பார்ப்புகள் நிலவுவதும் குறிப்பிடத்தக்கது.
மேலும் படிக்க | தலையணை உறைக்குள் இருந்த மலைப்பாம்பு... பெண்ணுக்கு நேர்ந்த பகீர் அனுபவம்!
"உங்களுக்கு இந்த பைத்தியக்கார உலகம் கிடைத்துவிட்டது, அது வெடித்துக்கொண்டிருக்கிறது, அமெரிக்காவிற்கு எந்த கருத்தும் இல்லை," என்று அவர் கார்ல்சனிடம் கூறினார்.
இந்த நேர்காணலின் வீடியோவை பென்னி ஜான்சன் பகிர்ந்துள்ளார், அதில் தைவான் மீது படையெடுப்பதற்கு சீனாவுக்கு மென்மையான பச்சை விளக்கு கொடுத்ததற்காக டிரம்ப், மேக்ரானை கடுமையாக சாடுவதைக் காணலாம்.
Trump slams Macron for giving China soft greenlight to invade Taiwan: "Macron, who's a friend of mine, is over with China kissing [Xi Jinping's] ass in China." pic.twitter.com/mddP4bYHZ4
— Benny Johnson (@bennyjohnson) April 12, 2023
"அமெரிக்க தாளம் மற்றும் சீன அதீத எதிர்வினையால்" உந்தப்பட்ட தைவான் மீதான நெருக்கடிக்கு ஐரோப்பிய நாடுகளை எச்சரிப்பதன் மூலம் மக்ரோன் சர்ச்சையை கிளப்பிய பின்னர் டிரம்பின் இந்த கடுமையான விமர்சனக் கருத்துக்கள் வந்துள்ளன.
ஐரோப்பிய ஒன்றியம் அமெரிக்காவை சார்ந்திருப்பதை குறைக்க வேண்டும் என்று தெரிவித்த பிரெஞ்சு அதிபர், வாஷிங்டன் மற்றும் பெய்ஜிங்குடன் உலக விவகாரங்களில் "மூன்றாம் துருவமாக" மாற வேண்டும் என்றும் அழைப்பு விடுத்தார்.
மேலும் படிக்க | கண்டம் விட்டு கண்டம் பாயும் ஏவுகணை "மேம்பட்ட" ICBM சோதனையை நடத்தியது ரஷ்யா
தைவான் அதிபர் சாய் இங்-வென் அமெரிக்கப் பயணத்தில் இருந்து திரும்பிய பின்னர், அவர் பிரதிநிதிகள் சபையின் சபாநாயகர் கெவின் மெக்கார்த்தியைச் சந்தித்த பிறகு, தைவானைச் சுற்றி சீனாவின் இராணுவப் பயிற்சிகள் தொடங்கியுள்ளது. மெக்கார்த்தியை சந்திப்பது தொடர்பாக தைவான் அதிபர் சாய் இங்-வென்னை சீனா எச்சரித்திருந்தது.
தைவானின் தலைவிதி தொடர்பாக பெய்ஜிங்கிற்கும் வாஷிங்டனுக்கும் இடையிலான பதட்டமான மோதலில் ஐரோப்பிய நாடுகள் சிக்கிக் கொள்ளக்கூடாது என்று செய்தியாளர்களிடம் பேசிய மக்ரோன் கூறினார். மக்ரோனின் கருத்துக்கள் அட்லாண்டிக்கின் மறுபக்கத்தில் இருந்து கடுமையான எதிர்வினைகளைத் தூண்டியிருக்கிறது.
அமெரிக்காவில், சீன கம்யூனிஸ்ட் கட்சியின் அமெரிக்க பிரதிநிதிகள் சபையின் குடியரசுக் கட்சியின் தலைவரான மைக் கல்லாகர், இது "அவமானம்" என்று விமர்சித்துள்ளார். தேசிய பாதுகாப்பு கவுன்சில் செய்தித் தொடர்பாளர் ஜான் கிர்பியின் கூற்றுப்படி, வெள்ளை மாளிகை "பிரான்ஸுடன் நாங்கள் கொண்டிருக்கும் இணக்கமான ஒத்துழைப்பு மற்றும் ஒருங்கிணைப்பில் கவனம் செலுத்துகிறது" என்று மட்டுமே கூறியதும் குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
