கோலாலம்பூர்: மலேசியாவில் விஷம் நிறைந்த கோள மீனை (Pufferfish)சாப்பிட்ட வயதான தம்பதி உயிரிழந்துள்ளனர். இச்சம்பவத்தை அடுத்து, உள்ளூர் மீனவர்கள் மத்தியில் அரசு விழிப்புணர்வு பிரசாரத்தை மேற்கொண்டுள்ளது. இறந்த தம்பதியரின் மகள், மற்றவர்கள் இந்த விஷ மீனை சாப்பிடுவதைத் தடுக்கும் சட்டத்தை வலுப்படுத்துமாறு மலேசிய அரசாங்கத்தை வலியுறுத்தினார். Ng Chuan Sing மற்றும் அவரது மனைவி Lim Siu Guan ஆகியோர் மார்ச் 25 அன்று ஒரு ஆன்லைன் விற்பனையாளரிடமிருந்து குறைந்தது இரண்டு பஃபர்ஃபிஷ்களையாவது வாங்கியதாகத் மலேசியாவின் தெற்கு மாநிலமான ஜோகூரில் உள்ள அதிகாரிகள், தெரிவித்தனர். அன்றைய தினம் மதிய உணவிற்கு மீன் வறுத்து உணவாக உண்டதாக அதிகாரிகள் தெரிவித்தனர். இதையடுத்து அவருக்கு மூச்சு விடுவதில் சிரமம் ஏற்பட்டு நடுக்கம் ஏற்பட்டது.
பஃபர்ஃபிஷ் சாப்பிட்ட பிறகு மோசமடைந்த உடல் நிலை
இறந்த தம்பதியினரின் மகள் Ng Ai Lee இது குறித்து கூறுகையில், தனது பெற்றோர்களின் உடல் நிலை பாதிக்கப்பட்டதை அடுத்து அவர் மருத்துவமனைக்கு அழைத்துச் செல்லப்பட்டார். அவர்கள் ஐசியூவில் அனுமதிக்கப்பட்டார்கள். அதே நாள் இரவு 7 மணிக்கு லிம் இறந்துவிட்டதாக அறிவிக்கப்பட்டது, இருப்பினும் அவரது கணவர் எட்டு நாட்கள் கோமா நிலையில் இருந்தார். ஒன்பதாம் நாளிலிருந்து அவரது உடல்நிலை மோசமடையத் தொடங்கியது. அவர் சனிக்கிழமை காலை இறந்தார். என்ஜி தனது பெற்றோரின் மரணத்திற்கு பொறுப்புக்கூறலையும், மலேசியாவில் வலுவான சட்டங்களையும் கோரினார். மலேசியாவில் குறைந்தது 30 வகையான பஃபர் மீன்கள் காணப்படுகின்றன.
மேலும் படிக்க | 32 ஆண்டுகளில் 100க்கும் அதிகமானவர்களை கல்யாணம் செய்த ‘திருமண மார்கண்டேயன்’
மலேசிய சட்டத்திற்கு எதிராக விற்பனை
"அவரது மரணத்திற்கு காரணமானவர்கள் சட்டத்தின் கீழ் தண்டிக்கப்பட வேண்டும் . அதிகாரிகள் விசாரணையை விரைவுபடுத்துவார்கள் என்று நான் நம்புகிறேன்," என்ஜி கூறினார். "மலேசிய அரசாங்கம் சட்டத்தை வலுப்படுத்தி, இது போன்ற சம்பவங்கள் மீண்டும் நடக்காமல் இருக்க பஃபர்ஃபிஷின் நச்சுத்தன்மை குறித்து பொதுமக்களுக்கு விழிப்புணர்வை ஏற்படுத்தும் என்று நான் நம்புகிறேன்." இருப்பினும், மலேசியாவில் ஏற்கனவே, இத தடுக்க சட்டம் உள்ளது. மலேசிய சட்டம் நச்சு மற்றும் தீங்கு விளைவிக்கும் உணவுகளை விற்பனை செய்வதை தடை செய்கிறது. pufferfish விற்பனை செய்தால், RM10,000 ($2,300) அபராதம் அல்லது இந்தக் குற்றத்திற்காக இரண்டு ஆண்டுகள் வரை சிறைத்தண்டனை விதிக்கப்படுகிறது.
Pufferfish நச்சு மீன்
ஆபத்துகள் இருந்தபோதிலும், பல மலேசிய சந்தைகளில் விஷம் நிறைந்த பஃபர்ஃபிஷ் விற்கப்படுவதாக நிபுணர்கள் தெரிவித்தனர். கடல் மற்றும் கடலோர ஆய்வுகளுக்கான பல்கலைக்கழக சான்ஸ் மலேசியா மையத்தின் கடல் உயிரியலாளரும் இயக்குநருமான ஐலீன் டான் கூறுகையில், இந்த மீன் கவர்ச்சியானதாகக் கருதப்படுகிறது. இது சுவையாக இருப்பதால் மிகவும் விரும்பப்படுகிறது. ஒருமுறை பஃபர்ஃபிஷ் சுத்தம் செய்யப்பட்டு துண்டுகளாக ஆக்கி விற்கப்பட்டால், அது எந்த வகை என அறிவது கடினம். பொதுமக்கள் தாங்கள் எந்த வகையான மீன்களை வாங்குகிறோம் என்பதை அறிந்து கொள்வது கிட்டத்தட்ட சாத்தியமற்றது என்று டான் எச்சரித்தார். கோளமீன் என்பது ஒருவகை மீனினமாகும். இதன் உடல் குட்டையாகவும், தடித்த, உருளை வடிவமாக பலூன்போல தோற்றமளிக்கக்கூடியது. இதன் மேலுதடும் கீழுதடும் மற்ற மீன்களைப் போலன்றி கடினமாகவும், அரைக்கோள வடிவமாகவும் இருக்கும்.
மேலும் படிக்க | ஆபாச நடிகைக்கு பணம் கொடுத்த விவகாரம்... டொனால்டு டிரம்ப் மீது கிரிமினல் வழக்கு!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
