உலகளாவிய COVID-19 தொற்றுகளின் எண்ணிக்கை 5.3 மில்லியனை தாண்டியது...

உலகளாவிய கொரோனா வைரஸ் வழக்குகளின் எண்ணிக்கை 5.3 மில்லியனுக்கும் அதிகமாக அதிகரித்துள்ளது, அதே நேரத்தில் இறப்பு எண்ணிக்கை 342,000-ஐ தாண்டியுள்ளது என்று ஜான்ஸ் ஹாப்கின்ஸ் பல்கலைக்கழகம் தெரிவித்துள்ளது.

Last Updated : May 24, 2020, 09:01 AM IST
உலகளாவிய COVID-19 தொற்றுகளின் எண்ணிக்கை 5.3 மில்லியனை தாண்டியது...

உலகளாவிய கொரோனா வைரஸ் வழக்குகளின் எண்ணிக்கை 5.3 மில்லியனுக்கும் அதிகமாக அதிகரித்துள்ளது, அதே நேரத்தில் இறப்பு எண்ணிக்கை 342,000-ஐ தாண்டியுள்ளது என்று ஜான்ஸ் ஹாப்கின்ஸ் பல்கலைக்கழகம் தெரிவித்துள்ளது.

ஞாயிற்றுக்கிழமை காலை நிலவரப்படி, மொத்த வழக்குகளின் எண்ணிக்கை 5,309,698-ஆகவும், இறப்பு எண்ணிக்கை 342,078-ஆகவும் அதிகரித்துள்ளது என்று பல்கலைக்கழகத்தின் கணினி அறிவியல் மற்றும் பொறியியல் மையம் (CSSE) தனது சமீபத்திய புதுப்பிப்பில் தெரிவித்துள்ளது.

உலகின் மிக அதிகமான வழக்குகள் மற்றும் இறப்புகள் முறையே 1,622,605 மற்றும் 97,087 ஆகும். இரண்டும் அமெரிக்காவில் பதிவாகியுள்ளது.

தொற்று எண்ணிக்கை பொறுத்தவரையில் அமெரிக்காவை தொடர்ந்து பிரேசில் 347,398 நோய்த்தொற்றுகளுடன் இரண்டாவது இடத்தில் உள்ளது. இதைத் தொடர்ந்து ரஷ்யா (335,882), இங்கிலாந்து (258,504), ஸ்பெயின் (235,290), இத்தாலி (229,327), பிரான்ஸ் (182,036), ஜெர்மனி (179,986), துருக்கி (155,686), ஈரான் (133,521), இந்தியா (131,423) மற்றும் பெரு (115,754) ஆகிய நாடுகள் வரிசையில் உள்ளது என CSSE புள்ளிவிவரங்கள் தெரிவிக்கின்றன.

இறப்பு எண்ணிக்கை பொறுத்தவரையில் அமெரிக்காவிற்கு அடுத்தபடியாக இங்கிலாந்து இரண்டாவது இடத்தில் உள்ளது, இது 36,757 COVID-19 இறப்புகளுடன் ஐரோப்பாவில் மிக அதிகமான இறப்புகளை பதிவு செய்துள்ளது.

10,000-க்கும் மேற்பட்ட இறப்புகளைக் கொண்ட மற்ற நாடுகள் பட்டியலை பொறுத்தவரையில் இத்தாலி (32,735), ஸ்பெயின் (28,678), பிரான்ஸ் (28,218) மற்றும் பிரேசில் (22,013) ஆகிய நாடுகள் இடம்பிடித்துள்ளது.

More Stories

Trending News