నారా లోకేష్ .. మళ్లీ నెటిజనులకు దొరికిపోయారు. ట్విట్టర్ లో చురుగ్గా ఉండే మాజీ మంత్రి నారా లోకేష్ .. మరోసారి సోషల్ మీడియాలో నెటిజనుల చేతికి చిక్కారు. గతంలో పలుమార్లు తప్పులతో ఇలాగే ఇబ్బందిపడ్డ నారా లోకేష్ మరోసారి తప్పని పరిస్థితి ఎదురైంది. వైసీపీ నాయకులు.. వారి అధ్యక్షుడు ముఖ్యమంత్రి వైఎస్ జగన్ పెయిడ్ ఆర్టిస్ట్ అని గుర్తించడం మంచిదంటూ నారా లోకేష్ ట్వీట్ చేశారు. పార్లమెంట్ లో మద్దతు ఇస్తారు. అసెంబ్లీలో నోటిఫికేషన్ ఇస్తారు. బయట మాత్రం మేము వ్యతిరేకం అని ప్రచారం చేస్తారన్నారు. కడప సభలో NRC అమలు చెయ్యమని ముఖ్యమంత్రిగారు చెప్తున్నారు. ఓట్ల కోసం మడమ తిప్పే నాయకుడు కదా, ఎంతకైనా దిగజారుతారు." అని ట్వీట్ చేశారు.
నారా లోకేష్ ట్వీట్ పై నెటిజన్లు ట్రోల్ చేస్తున్నారు. ముందుగా ఆయన NRCకి , NPRకి తేడా తెలుసుకోవాలని ట్వీట్ చేస్తున్నారు. జన గణనకు, NRCకి తేడా తెలియదంటూ సెటైర్లు వేస్తున్నారు.
