Adani Group shares: దేశీయ స్టాక్ మార్కెట్ సూచీలు బుధవారం లాభాల్లో ముగిశాయి. రోజంతా ఒడుదొడుకులు ఎదుర్కొన్నప్పటికీ..చివరి సమయంలో లాభాల్లో స్థిరపడ్డాయి. అంతర్జాతీయ మార్కెట్ల నుంచి సానుకూల సంకేతాలు సూచీలు కలిసివచ్చాయి. ముఖ్యంగా ఇజ్రాయెల్, హిజ్బుల్లా మధ్య కుదిరిన కాల్పుల విరమణ ఒప్పందం స్టాక్ మార్కెట్లకు కలిసి వచ్చింది.
సెన్సెక్స్ ఉదయం 80,121.03 పాయింట్స్ వద్ద లాభాల్లో ప్రారంభం అయ్యింది. ఉదయం కాసేపు ఒడొదొడుకులు ఎదుర్కొంది. మధ్యాహ్నం తర్వాత కొనుగోళ్ల మద్దతుతో లాభాల్లో కొనసాగింది. అయితే చివరికి 230 పాయింట్ల లాభంతో 80,234 వద్ద స్థిరపడింది. నిఫ్టీ కూడా 80 పాయింట్ల లాభంతో 24, 274.90 వద్ద ముగిసింది. డాలర్ రూపాయి మారకం విలువ 84.44వద్ద ఉంది.
కాగా లంచం తీసుకున్న కేసులో గౌతమ్ అదానీ, సాగర్ అదానీలు US ఫారిన్ కరప్ట్ ప్రాక్టీసెస్ యాక్ట్ (FCPA)ని ఉల్లంఘించినందుకు అభియోగాలు మోపలేదని అదానీ గ్రీన్ ఎనర్జీ బుధవారం తెలిపింది. సెక్యూరిటీల మోసం, ద్రవ్య పెనాల్టీలు విధించడం వంటి ఆరోపణలతో అతనిపై అభియోగాలు మోపినట్లు కంపెనీ తెలిపింది. అదానీ గ్రీన్ ఎనర్జీ లిమిటెడ్ స్టాక్ మార్కెట్‌కు చేసిన ఫైలింగ్‌లో ఈ ముగ్గురిపై ఎఫ్‌సిపిఎ ఉల్లంఘనలకు పాల్పడినట్లు వచ్చిన నివేదికలు "తప్పు" అని పేర్కొంది. ఆర్థిక జరిమానా లేదా శిక్ష విధించే నిబంధన ఉన్న నేరాలకు వారిపై ఆరోపణలు వచ్చాయి. ఈ ప్రకటన తర్వాత, ఈరోజు అదానీ షేర్లలో విపరీతమైన పెరుగుదల కనిపించింది. ఈ షేర్ల పరిస్థితిని తెలుసుకుందాం.
అదానీ గ్రూప్ టోటల్ షేర్:
ఈరోజు అదానీ టోటల్ షేరు 19.76 శాతం లేదా రూ.114 లాభంతో రూ.694.25 వద్ద ముగిసింది.
అదానీ పవర్
అదానీ పవర్ షేర్లు ఈరోజు 19.66 శాతం లేదా రూ. 86.05 పెరిగి రూ.523 వద్ద ముగిశాయి.
అదానీ ఎంటర్‌ప్రైజెస్
అదానీ ఎంటర్‌ప్రైజెస్ షేర్లు నేడు 11.56 శాతం లేదా రూ.248 లాభంతో రూ.2398.35 వద్ద ముగిసింది.
అంబుజా సిమెంట్
అంబుజా సిమెంట్ షేరు నేడు 4.40 శాతం లేదా రూ.21.70 లాభంతో రూ.515 వద్ద ముగిసింది.
అదానీ గ్రీన్ ఎనర్జీ
అదానీ గ్రీన్ ఎనర్జీ షేర్ ఈరోజు 10 శాతం లేదా రూ.89 లాభంతో రూ.989 వద్ద ముగిసింది.
అదానీ పోర్ట్స్
అదానీ పోర్ట్స్ షేర్ ఈరోజు 6.29 శాతం లేదా రూ.70 లాభంతో రూ.1199 వద్ద ముగిసింది.
అదానీ విల్మార్
ఈరోజు అదానీ విల్మార్ షేర్ 8.46 శాతం లేదా రూ.24.55 లాభంతో రూ.314 వద్ద ముగిసింది.
అదానీ ఎనర్జీ
అదానీ ఎనర్జీ షేర్ ఈరోజు 10 శాతం లేదా రూ.60 లాభంతో రూ.661 వద్ద ముగిసింది.
ndtv
ఈరోజు NDTV షేర్లు 9.35 శాతం లేదా రూ. 15.40 పెరిగి రూ.180.15 వద్ద ముగిసింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
