Free fire: దేశంలో అత్యధికంగా ఆడే మొబైల్ గేమ్లలో గరీనా ఫ్రీ ఫైర్ కూడా ఒకటి. ఒకప్పుడు పబ్జీకి గట్టి పోటీ ఇచ్చిన ఈ గేమ్.. పబ్ జీ బ్యాన్తో విపరీతమైన క్రేజ్ సంపాదించుకుంది.
అయితే ఫ్రీ ఫైర్ గేమ్ లవర్స్కు షాకిచ్చాయి గూగుల్ ప్లే స్టోర్, యాపిల్ యాప్ స్టోర్లు. తమ ప్లాట్ఫామ్ల నుంచి ఫ్రీ ఫైర్ను తొలగించాయి. ఇందుకు కారణం ఏమిటి అనే విషయాన్ని మాత్రం వెల్లడించలేదు. ఇటు ఫ్రీ ఫైర్ నిర్వాహకులు కూడా దీనిపై స్పందించలేదని ప్రముఖ వార్తా సంస్థ లైవ్ మింట్ ఓ కథనాన్ని రాసుకొచ్చింది.
పలు ఆంగ్ల వార్తా సంస్థల కథనం ప్రకారం.. బ్యాటిల్ గ్రాండ్ మొబైల్ ఇండియా (బీజీఎంఐ) మాతృ సంస్థ క్రాఫ్టన్ వల్లే ప్రీ ఫైర్ గూగుల్ ప్లే స్టోర్, యాపిల్ యాప్ స్టోర్ నుంచి తొలగించి ఉండొచ్చని తెలుస్తోంది. ఇందుకు కారణం ఏమిటంటే.. గరీనా తమ గేమ్ థీమ్ను కాపీ కొట్టినట్లు ఆరోపణలు చేస్తోంది.
ఇప్పటికే ఈ విషయమైన న్యాయస్థానాన్ని కూడా సంప్రదించింది. గరీనా సంస్థతో పాటు.. కాపీ కొట్టిన గేమ్ను ఆయా ప్లాట్ఫామ్లపై డౌన్లోడ్కు వీలుకల్పిస్తున్నందుకు.. గూగుల్, యాపిల్ సంస్థలపైనా క్రాఫ్టన్ ఫిర్యాదు చేసినట్లు సమాచారం.
అయితే ఈ వివాదంపై ఇంత వరకు ఇరు వర్గాల నుంచి ఎలాంటి అధికారిక ప్రకటన వెలువడలేదు.
ఫ్రీ ఫైర్ అందుబాటులో లేకపోయినా.. ప్లే స్టోర్లో ఫ్రీ ఫర్ మ్యాక్స్ గేమ్ మాత్రం ఇంకా డౌన్లోడ్లకు అందుబాటులో ఉంది. మరి క్రాఫ్టన్ ఫిర్యాదుతో ఈ గేమ్ను కూడా తొలగిస్తారా? అనేది వేచి చూడాలి. మరో వైపు ఈ విషయంపై అధికారిక ప్రకటన వెలువడాల్సి ఉంది.
Also read: Jio Recharge Offers: జియో రూ.599 రీఛార్జ్ తో 100 GB డేటా.. ఓటీటీ సబ్‌స్క్రిప్షన్ పూర్తిగా ఉచితం!
Also read: New FD Rates: సెంట్రల్ బ్యాంక్ ఆఫ్ ఇండియా, యూకో బ్యాంక్ల కొత్త ఎఫ్డీ రేట్లు ఇవే..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
