Jewel Thief Teasee: జ్యువెల్ థీఫ్ త్వరలో ప్రేక్షకుల ముందుకు రాబోతున్న ఒక చిన్న బడ్జెట్ సినిమా. కృష్ణ సాయి హీరోగా నటిస్తున్న ఈ సినిమాలో మీనాక్షి జైస్వాల్ హీరోయిన్గా కనిపించనుంది. పీ ఎస్ నారాయణ ఈ సినిమాకి దర్శకత్వం వహిస్తున్నారు. శ్రీ విష్ణు గ్లోబల్ మీడియా బ్యానర్‌పై, ప్రొడ్యూసర్ మల్లెల ప్రభాకర్ ఈ సినిమాని నిర్మిస్తున్నారు.
ఈ సినిమాలో సీనియర్ నటీనటులు.. ప్రేమ, అజయ్, 30 ఇయర్స్ పృథ్వి, శివారెడ్డి, శ్రావణి, శ్వేతరెడ్డి తదితరులు కీలక పాత్రలలో కనిపించనున్నారు. తాజాగా ఈ సినిమా టీజర్ ను 30 ఇయర్స్ పృధ్వీ విడుదల చేశారు.
ఈ ఈవంట్ లో మాట్లాడుతూ, "జ్యువెల్ థీఫ్ సినిమాలో యాక్షన్ పార్టులలో కృష్ణ సాయి చాలా బాగా చేసాడు. తన యాక్టింగ్ ప్రేక్షకులకు కచ్చితంగా నచ్చుతుంది. ఈ సినిమాలో నా పాత్ర కూడా బాగుంటుంది. సినిమా సూపర్ హిట్ అవుతుంది అన్న న‌మ్మ‌కం ఉంది" అని అన్నారు 30 ఇయర్స్ పృద్వి.
" నేను, కృష్ణసాయి సూపర్ స్టార్ కృష్ణ గారి అభిమానులం. కృష్ణ సాయి ఇంటర్నేషనల్ ఛారిటబుల్ ట్రస్ట్ ద్వారా ఎన్నో సేవా కార్యక్రమాలు చేస్తూ ఉంటారు. మంచితనం, మానవత్వం కలబోసిన వ్యక్తి అతను. ఇంతకుముందు కూడా డ్రగ్స్ మీద ఒక అవేర్నెస్ వీడియో చేశారు. సినిమాలో మాత్రమే కాదు కృష్ణ సాయి బయట కూడా హీరోనే" అని ప్రశంసల వర్షం కురిపించారు 30 ఇయర్స్ పృథ్వి.
హీరో కృష్ణ సాయి మాట్లాడుతూ కృష్ణ గారి సూపర్ స్టార్ కృష్ణ ఫ్యాన్ అని ఆయన ఇన్స్పిరేషన్తో నేను సినిమాల్లోకి వచ్చాను అని అన్నారు. జ్యువెల్ థీఫ్ సినిమా గురించి మాట్లాడుతూ ఇది ఒక సస్పెన్స్ థ్రిల్లర్ అని.. ఈ త‌రం ఆడియన్స్ కి బాగా నచ్చుతుంది అని అన్నారు. "ఎంఎం శ్రీలేఖ అందించిన మ్యూజిక్ బాగుంది. ఒక‌ప్పుడు హీరోయిన్ ప్రేమ గారి సినిమాలు నాకు చాలా ఇష్టం. ఆమెతో క‌లిసి న‌టించాల‌నేది నా కల. ఈ సినిమాతో నెరవేరింది" అని అన్నారు కృష్ణ సాయి.
ప్రొడ్యూసర్ మల్లెల ప్రభాకర్ మాట్లాడుతూ కృష్ణ సాయికి ఈ కథ చాలా బాగా సెట్ అయ్యింది అని.. నటీనటులు, టెక్నీషియన్లు సినిమాకోసం చాలా బాగా పని చేశారు అని అన్నారు. మంచి పేరున్న సీనియర్ నటీనటులు ఈ సినిమాలో నటించారు అని.. త్వ‌ర‌లోనే థియేట‌ర్‌ల‌లో విడుదల అవుతుంది అని అన్నారు.
హీరోయిన్ మీనాక్షి జైస్వాల్ మాట్లాడుతూ ఈ సినిమా మంచి కాన్సెప్ట్ తో రూపోందింది అని.. ఈ సినిమాకి నటించడం చాలా సంతోషంగా ఉంది అని అన్నారు.
Read more: Mohanlal: ఆస్పత్రిలో అడ్మిట్ అయిన మలయాళ స్టార్ హీరో.. టెన్షన్ లో ఫ్యాన్స్... అసలేం జరిగిందంటే..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
