Balakrishna 108 vs Harihara Veeramallu: నందమూరి బాలకృష్ణ హీరోగా అనిల్ రావిపూడి దర్శకత్వంలో ఒక సినిమా తెరకెక్కుతున్న సంగతి తెలిసిందే. సైన్ స్క్రీన్స్ బ్యానర్ మీద సాహు గారపాటి, హరీష్ పెద్ది నిర్మాతలుగా ఈ సినిమా తెరకెక్కుతోంది. ఈ సినిమాలో నందమూరి బాలకృష్ణ మునుపెన్నడూ కనిపించని ఒక పాత్రలో కనిపించబోతున్నారని ప్రచారం సినిమా ప్రకటించిన నాటి నుంచే ఉంది. ఈ సినిమాలో బాలకృష్ణ ఒక మధ్య వయస్కుడి పాత్రలో కనిపిస్తున్నారని ఆయన కుమార్తె పాత్రలో యంగ్ హీరోయిన్ శ్రీ లీల కనిపించబోతున్నారనే ప్రచారం పెద్ద ఎత్తున జరుగుతుంది.
అయితే హీరోయిన్ ఎవరు ఉండరు అని ముందుగా ప్రచారం జరిగినా ఈ సినిమాలో కాజల్ అగర్వాల్ హీరోయిన్గా నటిస్తోందని తాజాగా ప్రచారం అవుతోంది. ఇక ఆసక్తికరమైన విషయం ఏమిటంటే ఈ సినిమాని దసరా సందర్భంగా ప్రేక్షకుల ముందుకు తీసుకురావాలని నిర్మాతలు నిర్ణయం తీసుకున్నట్లు తెలుస్తోంది. వాస్తవానికి షూటింగ్ ఇప్పటికే పెద్ద ఎత్తున జరగాల్సి ఉంది కానీ తారకరత్న ఆరోగ్య పరిస్థితుల రీత్యా బాలకృష్ణ షూటింగ్ కి బ్రేక్ తీసుకున్నారని చెబుతున్నారు. తారకరత్న కొంత కుదుటపడే వరకు ఆయన షూటింగ్ కి వెళ్లకూడదని నిర్ణయం తీసుకున్నారని ఇప్పటికే తారకరత్న కోరుకుంటున్నా పరిస్థితుల్లో త్వరలోనే బాలకృష్ణ షూటింగ్ కి హాజరై సినిమా పూర్తి చేసే అవకాశం ఉందని అంటున్నారు.
అనిల్ రావిపూడి అంటేనే కామెడీ సినిమాలకు కేరాఫ్ అడ్రస్ కానీ బాలకృష్ణ సినిమా విషయంలో మాత్రం ప్రత్యేక జాగ్రత్తలు తీసుకుని ఆయన అభిమానులు కోరుకునే అంశాలు అన్నీ కూడా సినిమాలో ఉండేలా ప్లాన్ చేసుకుంటున్నారు అని ప్రచారం అయితే జరుగుతుంది. అయితే ఆసక్తికరమైన విషయం ఏమిటంటే బాలకృష్ణ హీరోగా నటించిన 17వ సినిమా వీర సింహారెడ్డి గోపీచంద్ మలినేని దర్శకత్వంలో తెరకెక్కింది. ఈ సినిమా ఈ ఏడాది సంక్రాంతి సందర్భంగా విడుదలై సూపర్ హిట్ టాక్ అందుకుంది. మెగాస్టార్ చిరంజీవి వాల్తేరు వీరయ్య సినిమాతో పోటీపడి వసూళ్ల విషయంలో కాస్త వెనకబడినా టాక్ విషయంలో మాత్రం పోటాపోటీగా చిరంజీవి సినిమాతో కలబడింది.
ఇప్పుడు ఆసక్తికరమైన విషయం ఏమిటంటే ఈ సినిమాని దసరా సందర్భంగా విడుదల చేయాలని నిర్ణయం తీసుకోగా ఇదే సంక్రాంతికి పవన్ కళ్యాణ్ హీరోగా క్రిష్ దర్శకత్వంలో తెరకెక్కుతున్న హరిహర వీరమల్లు సినిమా కూడా రిలీజ్ కి సిద్ధమవుతోంది. అంటే సంక్రాంతి పండుగకు బాలకృష్ణ అన్నయ్య చిరంజీవితో పోటీపడితే దసరా పండుగకు చిరంజీవి తమ్ముడు పవన్ కళ్యాణ్ తో పోటీ పడబోతున్నారని అంటున్నారు. ఇక ఇటీవలే పవన్ కళ్యాణ్ బాలకృష్ణ కలిసి అన్ స్టాపబుల్ విత్ ఎన్బికె అనే ఒక షోలో కనిపించిన సంగతి తెలిసిందే. బాలకృష్ణ హోస్ట్ గా వ్యవహరిస్తున్న ఈ షోకి జనసేన అధినేత పవర్ స్టార్ పవన్ కళ్యాణ్ హాజరై అనేక పర్సనల్, సినిమాలు అలాగే రాజకీయాలకు సంబంధించిన అనేక అంశాలను పంచుకున్నారు. ఈ ఎపిసోడ్ ఆహా చరిత్రలోనే బ్లాక్ బస్టర్ గా నిలిచింది. అలాగే ఈ సినిమా అత్యధిక వ్యూస్ సంపాదించుకున్న ఎపిసోడ్ గా నిలిచింది.
Also Read: Chiranjeevi tweet: చిరంజీవి పుత్రోత్సాహం.. కొత్త చర్చకు దారి తీస్తోందా?
Also Read: Sir Movie Day 1: అంచనాలను మించిన 'సార్'..మొదటి రోజే ఆ రికార్డు బ్రేక్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
