Bandla Ganesh Targets Jr NTR Saying I love you KCR Sir in Twitter: సోషల్ మీడియాలో వివాదాస్పద ట్వీట్లు పెడుతూ ఉండే బండ్ల గణేష్ మరోసారి ఒక ట్వీట్ పెట్టి హీరోల అభిమానులకు టార్గెట్ అయ్యాడు. సమయం సందర్భం లేకుండా ఐ లవ్ యు కేసీఆర్ సార్ మీరు పులి అని అర్థం వచ్చేలా ఒక ట్వీట్ పెట్టిన బండ్ల గణేష్ టీఆర్ఎస్ పార్టీ అధికారిక సోషల్ మీడియా ఖాతాని కూడా ట్యాగ్ చేశాడు. అయితే ఆయన ఆ ట్వీట్ ఎందుకు పెట్టాడో తెలియదు కానీ తాజాగా ఎన్టీఆర్ ముఖ్య అతిథిగా జరగాల్సిన బ్రహ్మాస్త్రం మూవీ ప్రీ రిలీజ్ ఈవెంట్ కు కేసీఆర్ సర్కారే కావాలని అనుమతి రద్దు చేసిందని భావిస్తున్న ఎన్టీఆర్ ఫ్యాన్స్ బండ్ల గణేష్ ను టార్గెట్ చేస్తూ కామెంట్స్ చేస్తున్నారు.
ఎన్టీఆర్ హాజరు అవ్వాల్సిన ప్రీ రిలీజ్ ఈవెంట్ కు అడ్డంకులు సృష్టిస్తే ఆయన పులి ఐ లవ్ యు అంటావా నీతో బాద్షా, టెంపర్ లాంటి సినిమాలు చేసి హిట్లు ఇచ్చిన హీరోకి నువ్వు ఇచ్చే గౌరవం ఇదేనా అంటూ పలువురు కామెంట్లు పెడుతున్నారు. అయితే నిజానికి ఎన్టీఆర్ తో రెండు సినిమాలు చేసినా ఆ సినిమా పారితోషికం విషయంలోనే కాస్త దూరం పెరిగింది. ఈ క్రమంలోనే బండ్ల పాత పగను ఇలా తీర్చుకున్నారని అంటున్నారు. ఇక మరోపక్క పవర్ స్టార్ పవన్ కళ్యాణ్ అభిమానులు కూడా ఎన్టీఆర్ అభిమానులకు అండగా ఉంటూ బండ్ల గణేష్ నే టార్గెట్ చేస్తున్నారు.
ఇలా ఏ హీరోకి జరిగినా అది తప్పే అవుతుందని ఇలాంటి సమయంలో ఎన్టీఆర్ అభిమానులకు, ఎన్టీఆర్ కు అండగా నిలబడాల్సింది పోయి కేసీఆర్ కు ఐలవ్యూ చెబుతావా అంటూ వారు కామెంట్లు చేస్తున్నారు. మరి కొంతమంది కాంగ్రెస్ ను వదిలేసావు అని కామెంట్స్ చేస్తుంటే మరికొందరు బండ్ల గణేష్ ఎప్పుడు ఎవరికి ఐ లవ్ యు చెబుతాడో తెలియదు అంటూ మరికొందరు కామెంట్లు చేస్తున్నారు. అసలు బండ్ల గణేష్ ఏ ఉద్దేశంతో ట్వీట్ చేశాడు? అనేది క్లారిటీ ఇస్తే కానీ ఈ ట్వీట్లు కామెంట్లు ఆగేలా కనిపించడం లేదు.
ఇక పవర్ స్టార్ పవన్ కళ్యాణ్ కి భక్తుడిగా చెప్పుకునే బండ్ల గణేష్ ఇటీవల హీరోగా డేగల బాబ్జి అనే సినిమాలో నటించాడు. అయితే ఈ సినిమా రిలీజ్ అయిన విషయం కూడా చాలా మందికి తెలియదు కానీ పవర్ స్టార్ పవన్ కళ్యాణ్ పుట్టినరోజు సందర్భంగా ఈ సినిమాని ఆహా ఓటీటీలో విడుదల చేశారు. తమిళంలో జాతీయ అవార్డు సంపాదించిన ఈ సినిమా తెలుగు రీమేక్ లో బండ్ల గణేష్ నటించారు. సినిమా మొత్తం మీద బండ్ల గణేష్ పాత్ర ఒక్కటే కనిపించడం సినిమాకు హైలైట్. ఇక మరో పక్క బండ్ల గణేష్ పవర్ స్టార్ పవన్ కళ్యాణ్ తో ఒక సినిమా చేయడానికి సిద్ధమయ్యారు. అయితే ఆ సినిమా మీద ఇప్పటికీ అధికారిక ప్రకటన అయితే వెలువడలేదు.
Also Read: Mahesh Babu Offer: దటీజ్ మహేష్.. జీ తెలుగు డాన్స్ ఇండియా డాన్స్ కంటెస్టంట్లకు స్టేజ్ మీదే ఆఫర్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
