Dhanush-Aishwarya Rajinikanth: తమిళ్ ఇండస్ట్రీలో స్టార్ హీరోగా మంచి గుర్తింపు తెచ్చుకున్న నటుడు ధనుష్. అతను రజినీకాంత్ కూతురు ఐశ్వర్య రజినీకాంత్ ను పెళ్లి చేసుకున్న విషయం అందరికీ తెలిసిందే. చాలా కాలం పాటు ఈ జంట హ్యాపీగా ఉన్నారు. అయితే ఆ తర్వాత ఈ ఇద్దరు విడిపోతున్నట్టు సోషల్ మీడియాలో చాలా వార్తలు వచ్చాయి. ఈ వార్తలను బలపరుస్తూ 2022లో తమ సోషల్ మీడియా అకౌంట్స్ ద్వారా విడిపోతున్నట్టు ధనుష్ ఐశ్వర్య ఇద్దరూ అనౌన్స్ చేశారు.
18 ఏళ్ల బంధానికి ముగింపు పలుకుతున్నామని.. ఈ 18 సంవత్సరాలు స్నేహితులుగా భార్యాభర్తలుగా తల్లితండ్రులుగా శ్రేయోభిలాషులకు ఒకరినొకరు అర్థం చేసుకొని ప్రయాణం కొనసాగించామని.. అయితే ఇప్పుడు వేరువేరు దారుల్లో వెళ్లడానికి నిర్ణయించుకున్నాం.. అంటూ సోషల్ మీడియా ప్రకటన ద్వారా స్పష్టం చేశారు.
సూపర్ స్టార్ రజినీకాంత్ పెద్ద కూతురు ఐశ్వర్య నవంబర్‌ 18,2004 న ధనుష్ ను పెళ్లి చేసుకుంది. ఈ ఇద్దరికీ యాత్ర ,లింగ అని ఇద్దరు కొడుకులు ఉన్నారు. గత రెండేళ్లుగా వీరిద్దరూ విడివిడిగా ఉంటున్నారు. ఈ ఇద్దరు విడిపోతామని ప్రకటించినప్పటికీ విడాకుల కోసం అప్లై చేయకపోవడంతో తిరిగి కలుస్తారు అని అందరూ ఆశించారు. అయితే ఇప్పుడు ఫ్యామిలీ కోర్టులో విడాకుల కోసం అప్లై చేయడం అందరిని ఆశ్చర్యానికి గురిచేసింది.
పరస్పర అంగీకారంతో 13-బీ సెక్షన్ కింద ఈ ఇద్దరు విడాకుల కోసం కోర్టులో పిటీషన్ దాఖలు చేశారు అని సమాచారం. త్వరలోనే వీరి కేసు కూడా విచారణకు రాబోతోందట. రెండేళ్లుగా విడివిడిగా ఉంటున్న ఈ ఇద్దరు కేవలం వాళ్ల పిల్లలకు సంబంధించిన స్కూల్ ఈవెంట్స్ లో మాత్రమే కలిసి కనిపించేవారు.
విడిపోవాలి అని నిర్ణయించుకున్నప్పటినుంచి ఎవరి కెరీర్ పై వాళ్ళ దృష్టి పెట్టారు.
సుమారు ఏడేళ్ల గ్యాప్ తర్వాత ఐశ్వర్య మళ్ళీ డైరెక్షన్ లోకి రియంట్రి ఇచ్చింది. ఆమె డైరెక్ట్ చేసిన లాల్ సలామ్ మూవీ లో రజనీకాంత్ కూడా ఓ ప్రత్యేకమైన పాత్ర పోషించారు.భారీ అంచనాల మధ్య విడుదలైన ఈ చిత్రం ఆశించిన ఫలితాన్ని అందుకోలేకపోయింది.
ప్రస్తుతం ధనుష్ కూడా రెండు చిత్రాలు చేస్తూ బిజీగా ఉన్నారు. అతని స్వీయ దర్శకత్వంలో తెరకెక్కుతున్న రాయన్ మూవీ తో పాటు శేఖర్ కమ్ముల డైరెక్షన్ లో కుబేర మూవీలో నటిస్తున్నారు. కుబేర చిత్రంలో ధనుష్ తో పాటు కింగ్ నాగార్జున కూడా ప్రధాన పాత్ర పోషిస్తున్నారు.
Also Read: KCR Arrest: కేసీఆర్‌ జైలుకు వెళ్లడం ఖాయమా? రేవంత్‌ రెడ్డి మాస్టర్‌ ప్లాన్‌ ఇదేనా?
Also Read: Tukkuguda Meeting: తుక్కుగూడ సభలో భట్టి విక్రమార్కకు అవమానం.. ఓవరాక్షన్ చేసిన సీపీ తరుణ్ జోషి..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
