Dispute Between Mega Family and Uday Kiran : హీరో ఉదయ్ కిరణ్ ఆత్మహత్య చేసుకుని చనిపోయిన సంగతి తెలిసిందే. ఆయన ఎందుకు చనిపోయాడు? అనే విషయం మీద ఇప్పటికీ సరైన క్లారిటీ లేదు. పోలీసులు కూడా విచారణ జరపడానికి ప్రయత్నించారు కానీ ఆ కేసు ఏమైందో ఇప్పటికీ తెలియదు. అయితే ఈ మధ్యకాలంలో జీ తెలుగు న్యూస్ కి ఎక్స్క్లూజివ్ గా ఇంటర్వ్యూ ఇచ్చిన డైరెక్టర్ తేజ ఉదయ్ కిరణ్ మరణానికి గల కారణాలు తనకు తెలుసు అని అయితే అవి ఇప్పుడు బయట పెట్టలేనని చెప్పుకొచ్చారు.
తాను చనిపోయే లేపు బయట పెడతాను కానీ ఇప్పుడు చెప్పే పరిస్థితి లేదని ఆయన కామెంట్ చేశారు. ఇక ఈ అంశం ఇప్పుడు టాలీవుడ్ వర్గాల్లో హాట్ టాపిక్ గా మారింది. అసలు ఉదయ్ కిరణ్ ఎందుకు చనిపోయారు ఆ విషయం తెలిసిన తేజ ఇన్నాళ్లు ఎందుకు సైలెంట్ గా ఉన్నారు? ఇప్పుడు ఆయన బయట ఎందుకు పెట్టారు? అనే ప్రచారం జరుగుతోంది.
ఒకవేళ ఉదయ్ కిరణ్ మరణం గురించి తేజ ఏమైనా సినిమా చేయాలని అనుకుంటున్నారా? తన క్రేజ్ పూర్తిగా తగ్గిపోయిన నేపథ్యంలో తేజ కావాలని ఇలాంటి కామెంట్స్ చేశారా అనే వార్తల నేపథ్యంలో డైరెక్టర్ గీతాకృష్ణ ఒక ఆసక్తికర విషయాన్ని బయటపెట్టారు. తెలుగులో సంకీర్తన అనే సినిమాతో డైరెక్టర్ గా ఎంట్రీ ఇచ్చి మొదటి సినిమాతోనే బెస్ట్ డబ్ల్యు డైరెక్టర్ గా నంది అవార్డు అందుకున్న ఆయన ఆ తర్వాత తెలుగులో కోకిల, కీచురాళ్ళు, ప్రియతమా, సర్వర్ సుందరం గారి అబ్బాయి, టైం, కాఫీ బార్ అనే సినిమాలు చేశారు.
అలాగే తమిళంలో ఆయన చివరిగా ఒక సినిమా చేశారు. దాదాపు 2013 తర్వాత ఆయన ఎలాంటి సినిమా చేయలేదు కానీ ప్రస్తుతానికి ఒక యాక్టింగ్ ఇన్స్టిట్యూట్ నడుపుతూ ఆయన కాలం వెళ్లదీస్తున్నారు. అలాగే ఎక్కువగా యూట్యూబ్ ఛానల్స్ కి ఇంటర్వ్యూలు ఇస్తూ వస్తున్న ఆయన తాజాగా ఉదయ్ కిరణ్ ఆత్మహత్య గురించి స్పందించారు. తనకు అప్పుడు జరిగిన విషయాల మీద పూర్తిగా అవగాహన లేదు కానీ ఉదయ్ కిరణ్ ని పరిచయం చేసింది డైరెక్టర్ తేజ కాబట్టి తేజకు అన్ని విషయాలు తెలిసి ఉండవచ్చని అన్నారు.
ఉదయ్ కిరణ్ జీవితానికి సంబంధించిన అన్ని విషయాల మీద తేజకు అవగాహన కచ్చితంగా ఉంటుందని గీతాకృష్ణ పేర్కొన్నారు. అంతేకాక అప్పట్లో పవన్ కళ్యాణ్ మ్యాన్ హ్యాండ్లింగ్ చేసిన విషయాన్ని కూడా ఆయన బయటపెట్టారు. నిజానికి చిరంజీవి కుమార్తెతో ఉదయ్ కిరణ్ ప్రేమాయణం నడిపాడని, ఇద్దరూ కలిసి తిరుగుతూ ఉండేవారని చెప్పుకొచ్చారు. అయితే డెక్కన్ క్రానికల్ అనే పత్రికతో పవన్ కళ్యాణ్ కు ఏర్పడిన విభేదాలు నేపథ్యంలో అప్పటికే ఉదయ్ కిరణ్ కు ఒక పెళ్లి అయిందని చెబుతూ సదరు పత్రిక ఆ సాక్షాధారాలు బయటపెడతామని బ్లాక్ మెయిల్ చేసిందని ఆ సమయంలోనే మెగా కుటుంబానికి ఉదయ్ కిరణ్ కు మధ్య వివాదం ఏర్పడిందని ఆయన చెప్పుకొచ్చారు. అదే సమయంలో పవన్ కళ్యాణ్ ఉదయ్ కిరణ్ మీద మ్యాన్ హ్యాండ్లింగ్ చేసినట్లు కూడా ఆయన కామెంట్ చేశారు. అయితే ఈ విషయం మీద పలు భిన్న స్పందనలు ముందు నుంచి ఉన్నాయి. అసలు ఏం జరిగిందనే విషయాన్ని నేరుగా మెగా ఫ్యామిలీ బయట పెడితే తప్ప పూర్తి క్లారిటీ వచ్చే అవకాశం లేదు.
Also Read: Ratan Tata Biopic: రతన్ టాటా బయోపిక్ కు రంగం సిద్ధం.. హీరో ఎవరంటే?
Also Read: Kantara Records: కేజీఎఫ్ 2 రికార్డు బద్దలు కొట్టిన కాంతార.. 400 కోట్ల మార్క్ దాటేసి ముందుకు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
