Bhola Shankar Movie Trailer: వాల్తేరు వీరయ్యతో విజయాన్ని అందుకున్న మెగాస్టార్ చిరంజీవి ఇప్పుడు అదే ఊపులో భోళా శంకర్‌తో ప్రేక్షకులు ముందుకు వస్తున్నారు. తమిళ సినిమా వేదాళంకు రీమేక్‌గా ఈ సినిమా తెరకెక్కింది. ఇప్పటికే రిలీజైన పాటలు, టీజర్‌ ప్రేక్షకుల్లో అంచనాలను పెంచేశాయి. ముఖ్యంగా మెగా ఫ్యాన్స్ ఈ మూవీ ఎప్పుడు రిలీజ్ అవుతుందా అని వెయిట్ చేస్తున్నారు. తాజాగా ఈ మూవీకి సంబంధించి ఓ అప్ డేట్ ను మేకర్స్ రివీల్ చేశారు. ఈ చిత్ర ట్రైలర్ (Bhola Shankar Movie Trailer)ను జూలై 27న విడుదల చేయబోతున్నట్లు ఓ పోస్టర్ ను రిలీజ్ చేశారు. ఈ లుక్ లో చేతిలో కత్తి పట్టుకుని మాస్‌ అవతారంలో చిరు కనిపిస్తున్నాడు. ప్రస్తుతం ఈ సినిమా ప్యాచ్ వర్క్ పూర్తి చేసుకుంటుంది. ఇక త్వరలోనే మూవీ ప్రమోషన్స్ కూడా షురూ చేయనున్నారు మేకర్స్.
#BholaaShankar TRAILER ON 27th JULY 🔥💥
More Exciting Updates Loading for the
MEGA ENTERTAINING ACTION spectacle😎#BholaaShankarOnAug11 pic.twitter.com/TO6IHRhM9b— AK Entertainments (@AKentsOfficial) July 23, 2023
మెహర్ రమేశ్ దర్శకత్వం వహిస్తోన్న ఈసినిమాలో చిరుకు జోడీగా మిల్క్ బ్యూటీ తమన్నా నటించింది. ఈ చిత్రంలో మెగాస్టార్ చెల్లెలిగా కీర్తి సురేష్ నటించగా.. మరో కీలకపాత్రలో సుశాంత్ కనిపించనున్నాడు. దాదాపు పది సంవత్సరాల తర్వాత దర్శకత్వం వహిస్తోన్న మెహర్ రమేశ్ ఈ సినిమాతో ఎలాగైనా హిట్ కొట్టాలని కసిగా పనిచేశాడు. ఈ మూవీ అన్నా, చెల్లి మధ్య ఉండే సెంటిమెంట్ ఆధారంగా తెరకెక్కించినట్లు తెలుస్తోంది. ఇందులో చిరంజీవి టాక్సీ డ్రైవర్ కనిపిస్తారని టాక్. ఈ మూవీలో తులసి, రఘు బాబు, రావు రమేష్, ఉత్తేజ్, వెన్నెల కిశోర్, మురళీ శర్మ తదితరులు ప్రధానపాత్రలు పోషించారు. ఈ సినిమాను ఏకే ఎంటర్‌టైన్‌మెంట్స్‌ బ్యానర్ పై రామబ్రహ్మం సుంకర నిర్మిస్తున్నారు. ఈ చిత్రానికి మణిశర్మ కుమారుడు మహతి స్వరసాగర్ సంగీతం అందిస్తున్నారు. వరల్డ్ వైడ్ గా ఈ సినిమాను ఆగస్టు 11న విడుదల చేయడానికి మేకర్స్ రెడీ అవుతున్నారు.
Also Read: HBD Suriya: 'కంగువా' గ్లింప్స్ మామూలుగా లేదు భయ్యా.. ఇక సూర్య ఫ్యాన్స్ కు పండగే..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
