Veera Simha Reddy Collections Vs Waltair Veerayya Collections: సంక్రాంతి సందర్భంగా ఒక పక్కన నందమూరి బాలకృష్ణ వీర సింహారెడ్డి సినిమాతో మరో పక్క మెగా స్టార్ చిరంజీవి వాల్తేరు వీరయ్య సినిమాతో ఒక రోజు వ్యవధిలో తెలుగు ప్రేక్షకుల ముందుకు రావడంతో ఈ రెండు సినిమాల మధ్య దాదాపు అన్ని విషయాల్లోనూ పోలిక ఏర్పడుతోంది. రెండు సినిమాలను నిర్మించింది ఒకే నిర్మాణ సంస్థ కావడం రెండు సినిమాల్లోనూ హీరోయిన్ కూడా ఒక్కరే కావడంతో దాదాపుగా అన్ని విషయాల్లోనూ ఈ రెండు సినిమాలకు పోలిక పెడుతున్నారు అభిమానులు, సాధారణ ప్రేక్షకులు.
వీర సింహారెడ్డి రెండో రోజు:
ఈ నేపథ్యంలో ఈ రెండు సినిమాలు రెండవ రోజు ఎంత వసూలు చేశాయి అనే విషయం మీద ఒకసారి లుక్ చేసే ప్రయత్నం చేద్దాం. ముందుగా నందమూరి బాలకృష్ణ హీరోగా నటించిన వీర సింహారెడ్డి సినిమా రెండో రోజు కేవలం ఐదు కోట్ల 25 లక్షల షేర్ మాత్రమే వసూలు చేసింది. అదే వాల్తేరు వీరయ్య సినిమా మాత్రం రెండవ రోజు 11 కోట్ల 95 లక్షల షేర్ వసూలు చేసింది. ఏరియాల వారీగా చూస్తే వీరసింహా రెడ్డు నైజాంలో కోటి 61 లక్షలు, సీడెడ్ లో కోటి 75 లక్షలు, ఉత్తరాంధ్రలో 42 లక్షల, ఈస్ట్ గోదావరిలో నలభై లక్షలు, వెస్ట్ గోదావరిలో 22 లక్షలు, గుంటూరు జిల్లాలో 36 లక్షలు, కృష్ణాజిల్లాలో 34 లక్షలు, నెల్లూరు జిల్లాలో 15 లక్షలు వెరసి మొత్తం రెండు తెలుగు రాష్ట్రాల్లో గాను ఐదు కోట్ల 25 లక్షల షేర్ 9 కోట్ల పది లక్షల గ్రాస్ వసూలు చేసింది. రెండు రోజులకు తెలుగు రాష్ట్రాల్లో 30 కోట్ల 60 లక్షల షేర్, 48 కోట్ల 20 లక్షల గ్రాస్ వసూలు చేయగా కర్ణాటక సహా మిగతా దేశం మొత్తం మీద రెండు కోట్ల 35 లక్షలు, ఓవర్సీస్ లో నాలుగు కోట్ల 25 లక్షలు వసూలు చేసి ప్రపంచవ్యాప్తంగా 37 కోట్ల 20 లక్షల షేర్, 61 లక్షల 15 లక్షల గ్రాస్ వసూలు చేసింది.
వాల్తేరు వీరయ్య రెండవ రోజు:
వాల్తేరు వీరయ్య సినిమా విషయానికి వస్తే ఈ సినిమా నైజాంలో రెండవ రోజు నాలుగు కోట్ల 96 లక్షలు, సీడెడ్ లో రెండు కోట్ల 45 లక్షలు, ఉత్తరాంధ్రలో కోటి 44 లక్షలు, ఈస్ట్ గోదావరి జిల్లాలో 88 లక్షలు, వెస్ట్ గోదావరి జిల్లాలో 36 లక్షలు, గుంటూరు జిల్లాలో 67 లక్షలు, కృష్ణా జిల్లాలో 80 లక్షలు, నెల్లూరు జిల్లాలో 36 లక్షలు వసూలు చేసి మొత్తంగా తెలుగు రాష్ట్రాల్లో రెండవ రోజు 11 కోట్ల 95 లక్షల షేర్, 20 కోట్ల 10 లక్షల గ్రాస్ వసూళ్లు సాధించింది. మొత్తంగా రెండు తెలుగు రాష్ట్రాల్లో రెండు రోజులకు కలిపి 34 కోట్ల 85 లక్షలు షేర్, 55 కోట్ల 90 లక్షల గ్రాస్ వసూలు చేసి కర్ణాటక సహా మిగతా భారతదేశం మొత్తంలో రెండు కోట్ల 90 లక్షల షేర్, ఓవర్సీస్ లో ఆరు కోట్ల 15 లక్షల షేర్ సాధించింది.
అలా రెండు రోజులకు ప్రపంచవ్యాప్తంగా 43 కోట్ల 90 లక్షల షేర్, 75 కోట్ల 50 లక్షల గ్రాస్ వసూలు చేసింది. మొదటిరోజు వసూళ్ళలో భారీ జోష్ చూపించిన వాల్తేరు వీరయ్య కంటే రెండు కోట్ల రూపాయలు ఎక్కువగానే కలెక్ట్ చేసిన వీర సింహారెడ్డి సినిమా రెండోరోజు మాత్రం భారీగా డ్రాప్ కనిపించడంతో రేసులో వాల్తేరు వీరయ్య కంటే వెనక పడాల్సిన పరిస్థితి ఏర్పడింది. ఇక రెండు రోజులకు ప్రపంచవ్యాప్తంగా వాల్తేరు వీరయ్య సినిమా 43 కోట్ల 90 లక్షల షేర్ 75 కోట్ల 50 లక్షల గ్రాస్ వసూలు చేస్తే వీర సింహారెడ్డి సినిమాకి మాత్రం కేవలం 37 కోట్ల 20 లక్షల షేర్, 61 కోట్ల 15 లక్షల గ్రాస్ మాత్రమే వసూలు చేసింది. ఈ లెక్కన చూసుకుంటే రెండు రోజులు వసూళ్లకు గాను రెండో రోజు వీరసింహారెడ్డి సినిమా కంటే వాల్తేరు వీరయ్య సినిమా జోష్ చూపించింది. మరి మూడవరోజు వసూళ్లు ఎలా ఉండబోతున్నాయి అనేది తెలియాలంటే మరొక రోజు వేచి ఉండాల్సిందే.
నోట్: ఈ వివరాలు వివిధ ఆన్ లైన్ వేదికల ద్వారా మేము సేకరించినవి, వీటిని జీ తెలుగు న్యూస్ ధ్రువీకరించడం లేదు.
Also Read: Waltair Veerayya Day 2: రెండో రోజు సగానికి సగం తగ్గిన కలెక్షన్స్.. అయినా ఎక్కడా తగ్గని వీరయ్య!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
