ఈ మధ్యకాలంలో ఫుట్ బాల్ వరల్డ్ కప్ లైవ్ కవరేజ్ చేస్తున్న ఓ విదేశీ మహిళా రిపోర్టర్‌కి ఓ ఆగంతకుడు వచ్చి ముద్దు పెట్టిన వీడియో వైరల్ అయిన సంగతి తెలిసిందే. అలా ముద్దు పెట్టిన సదరు వ్యక్తిపై ఎన్నో విమర్శలు కూడా వచ్చాయి. తాజాగా మళ్లీ ఇలాంటి సంఘటనే జరిగింది. అయితే ఈ సారి తనను ముద్దు పెట్టబోతున్న వ్యక్తి నుండి తప్పించుకొని ఆ సదరు రిపోర్టర్ తిట్ల దండకం అందుకుంది.
మహిళలను గౌరవించడం నేర్చుకోమని హితవు పలికింది. లైవ్‌‌‌లోనే తనను ముద్దు పెట్టుకోబోయిన వ్యక్తిని దుర్భాషలాడింది. అతని సంస్కారాన్ని ప్రశ్నించింది. ప్రస్తుతం డేరింగ్ చేసిన ఆ మహిళా రిపోర్టరు పట్ల నెటిజన్లు అందరూ ప్రశంసల వర్షం కురిపిస్తున్నారు. బ్రెజిల్‌కు చెందిన ఆ మహిళా రిపోర్టర్ పేరు జూలియా గిమారాస్. అయితే తన దేశంలో ఇలాంటి సంఘటన ఎప్పుడూ ఎదర్కోలేదని పేర్కొంది. రష్యా లాంటి దేశాలలో ఇలాంటి వేధింపుల బారిన పడినట్లు కూడా జూలియా తెలిపింది.
Great response from Brazilian TV journalist Julia Guimaraes of Sportv to unacceptable behaviour. Not easy to show such restraint in the face of harassment. pic.twitter.com/eFVZz6gdMA
— Colin Millar (@Millar_Colin) June 24, 2018
