మనిషికి బాహ్య శుభ్రత ఎంత ముఖ్యమో..అంతర్గత శుభ్రత కూడా అంతే అవసరం. అంటే ఆరోగ్యమైనా, అనారోగ్యమైనా శరీరంలోపలి భాగాల్లోని శుభ్రత లేదా వ్యర్ధ పదార్ధాలపై ఆధారపడి ఉంటుంది. అందుకే ఎప్పటికప్పుడు డీటాక్స్ చేస్తుండాలి. అసలు డీటాక్స్ ఎలా చేయాలి, ఎప్పుడెప్పుడు చేయాలో పరిశీలిద్దాం..
మనం తినే వివిధ రకాల ఆహార పదార్ధాల కారణంగా, జీవనశైలి సరిగ్గా లేకపోవడం వల్ల జీర్ణం కాని ఆహారమంతా వ్యర్ధాలుగా శరీరంలో పేరుకుపోతుంటుంది. ఇది చాలా ప్రమాదకరం. వివిధ రకాల అనారోగ్య సమస్యలకు దారి తీస్తుంది. అందుకే ఈ వ్యర్ధాల్ని శుభ్రం చేయాల్సి ఉంటుంది. జంక్ ఫుడ్, కావల్సినంత నీరు తాగకపోవడం, వ్యాయామం చేయకపోవడం, సరైన ఆహారం తీసుకోకపోవడం వంటివి శరీరంలో వ్యర్ధాలు పేరుకుపోయేందుకు దోహదమౌతాయి.
మరి శరీరాన్ని ఎందుకు డీటాక్స్ చేయాలి, ఎప్పుడెప్పుడు డీటాక్స్ చేయాలనే ప్రశ్న ఉత్పన్నం కావచ్చు. శరీరంలో విషపదార్ధాలు ఎక్కువైనప్పుడు మీ శరీరం అందుకు సంబంధించిన సంకేతాలు వెలువరిస్తుంది. ఆ సంకేతాలేంటి, ఎప్పుడు శరీరాన్ని డీటాక్స్ చేయాలనేది తెలుసుకుందాం..
మీ నోటి నుంచి దుర్వాసన వస్తుంటే లేదా శరీరంపై చెమట నుంచి చెడు వాసన వస్తున్నా మీ శరీరంలో విషపదార్ధాలు పేరుకున్నాయని అర్ధం. మీ శరీరంలో చాలా రకాల విష పదార్ధాలు పేరుకుపోతుంటాయి. దాంతో ఎక్కువ చెమట పడుతుంది. అదే సమయంలో మీ శ్వాస కూడా చెడు వాసన కల్గిస్తుంది. మీకు కూడా ఈ సమస్యలు ఎదురైతే మీ శరీరాన్ని డీటాక్స్ చేయాల్సిన సమయం వచ్చిందని అర్ధం చేసుకోవచ్చు.
కడుపు ఉబ్బడం, అజీర్ణం, మలబద్ధకం వంటి సమస్యలు కూడా శరీరాన్ని డీటాక్స్ చేయాల్సిన అవసరాన్ని సూచిస్తాయి. ఎందుకంటే ప్రేగుల్లో పేరుకున్న వ్యర్ధాలు, విష పదార్ధాలు మీ జీర్ణశక్తిని పాడుచేస్తాయి. కడుపు సంబంధిత సమస్యలకు దారితీస్తాయి. మీ కడుపు పాడై ఉంటే లేదా కడుపుకు సంబంధించిన సమస్యలు ఎదురైనా శరీరాన్ని డీటాక్స్ చేయాల్సిందే.
ఈ సమస్య మహిళల్లో ఎక్కువగా ఉంటుంది. మహిళల్లో మూడ్ పాడవడం, విసుగు, పనిలో ఆసక్తి లేకపోవడం శరీరంలో విష పదార్ధాలు పేరుకుపోవడం వల్లనే జరుగుతుంది. ఎందుకంటే విష పదార్ధాలు శరీరం మెటబోలిజంను ప్రభావితం చేస్తాయి. హార్మోన్ సమతుల్యత సరిగ్గా ఉండాలంటే..మెటబోలిజం కూడా సరిగ్గా ఉండాల్సిందే. అందుకే శరీరాన్ని డీటాక్స్ చేయాలి.
చర్మ సంబంధిత సమస్యలు కూడా శరీరంలో వ్యర్ధాలకు కారణంగా ఉంటాయి. మీ రక్తాన్ని అశుద్ధం చేస్తాయి. చర్మంపై ముడతలు, పింపుల్స్, మచ్చలు ఇందుకు కారణాలు. ఇవికాకుండా హార్మోన్ అసమతుల్యత, చర్మ సంబంధిత సమస్యలు ఎదురౌతుంటే..శరీరాన్ని డీటాక్స్ చేయాలి.
Also read: Walnuts Benefits: అద్భుత ఔషధ గుణాల వేదిక వాల్‌నట్స్, రోజూ ఇలా తీసుకుంటే రోగాలన్నీ మాయం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
